YOHANES 11:15 - KITAB NU TUMPU ALLA LELE MA'IMAI'

¹⁵ Panyo Aku mule' sanang, kalana madi' kino Akunyo kiijo' mae, kalana lebee ma'ima' hi komiu da komiu timbali palesaya. Imbo'mo da kita mamba uuka hi Lazarus.”

YOHANES 11:15 ပူးပေါင်းရင်းမြစ်များ

KAJADIAN 26:24

Pihi-pihi aijo' Tumpu nanintoamo hi ia ka' notatae, “Akumo na Tumpu Allah nu tuuma nu beleyum i Abraham. Boli mabuhuk; Ku jagaije na beleyum. Ku balakatije na beleyum ka' mombee'i beleyum lee' manjoo' kalana anu jinanji'-Kumo hi posaihon-Ku i Abraham.”

KAJADIAN 39:5

Mulai tempo'nyo aitu kalana i Yusuf, Tumpu nombalakatimo aha salaigan mian nu Mesir aijo' ka' iwi-iwi' apaa na halata' nu aha, mau anu i laigan ka' suele anu i ale'.

MAZMUR 105:14

Panyo Tumpu madi' ola mompojohok maumo pa' ihe na monsansala aha; kalana monginau' aha, sahingga to tomu-tomundo pinokinde'annyomo,

YESAYA 54:15

De beleyum otumbuhi mae misa' Aku na nonsai, maumo pa' ihe na molambani mae beleyum tionyo ahi' motua'mo.

YESAYA 65:8

Tumpu notatae, “Bua' nu anggur anu daagi' ko ueenyo madi' o, alin panyo opotimbalimo uee' nu anggur. Sumo aitu mule' na bansang-Ku madi' ku hopu'i iwi-iwi', kalana kiijo' hi aha daagi' ahi' ko anu tulu-tulutan hi beleng-Ku.

YOHANES 11:14

Kalana aijo' i Yesus notatae hi aha sahondo-hondonyo, “I Lazarus i natemo.

YOHANES 11:16

I Tomas anu osa-osanggohi “Hapi” notatae hi to sanga-sangalu nu anu mombatuki Yesus, “Imbo' da obatukinto, pojohokmo da kita mate hingga-hinggat tiba Ia!”

YOHANES 11:4

Salatan i Yesus nohongo lele aijo', Ia notatae, “Panyakit aiya madi' mule' monsaduakon kasilaka'an. Aiya timbali da Tumpu Allah opopodaka', da kalana jalan anu sumo aijo' Anak nu Tumpu Allah singkona opopodaka'.”

YOHANES 12:30

Lantas i Yesus notatae hi aha, “Potatae aijo' i hongo, misa' ola da bau kapentingan-Ku, panyo da bau kapentingan miu.

YOHANES 17:19

Bau kapalaluan nu aha, Aku mombee' butong-Ku da osumbu' ahi', taalu' kita Tuuma na tumpunyo, da aha suele timbali matungka' kita Tuuma na tumpunyo, aijo' nyata' i hahan anu hondo.

YOHANES 2:11

Aijo'mo na anu okabangangi momonanyo binau i Yesus. Binaunyo na aijo' i Kana i tano' nu Galilea. Tiba tanda aijo' Ia nompotoamo katalasanggoan-Nyo. Sahingga anu saja' mombatuki Ia, pinalesayamo hi Ia.

2 KORINTUS 4:15

Iwi-iwi' aijo' bau kapentingan. Kalana lebe manjoo' na mian mongoa'i kalibosan nu Tumpu, mompaka lebe manjoo' mule' suele na do'a pontalima kase anu opotoka hi Tumpu; jadi desumo aijo' Tumpu opopodaka'mo.

2 TIMOTIUS 2:10

Mokonyo aijo', aku sabaan na montanggung iwi-iwi' aijo' kalana kapentingan nu to mia-mian anu pinile'anmo nu Tumpu, da suele aha mohumpak kasalamatan anu obee' kalana palesayamo hi Kristus Yesus tiba mule' talasanggomo sampe toka sidu-sidutu'.

1 YOHANES 5:13

Aku nontulis toka hi komiu anu pinalesayamo hi Anak nu Tumpu Allah, da osumbu' miu saba' komiu ko kantumuu'anmo kopian ka' sampe toka sidu-sidutu'.