YOHANES 11:11 - KITAB NU TUMPU ALLA LELE MA'IMAI'

¹¹ Sumo aijo' na koonyo i Yesus. Lapas aijo' Ia notatae mule', “Bela'to i Lazarus i hoyotmo, panyo mambaje Ku bulaakon na ia.”

YOHANES 11:11 ပူးပေါင်းရင်းမြစ်များ

2 TOMU-TOMUNDO' 4:31

I Gehazi nambamo momona nompotimpas tokon i Elisa hi butong nu anak aijo', panyo madi' pa' tinolo husa kabai ko tanda sangga'at pa' anak aijo' ugaat tumuu'mo. Lantas nambamo na i Gehazi nolalabot i Elisa ka' nompoto'i, “Anak aijo' madi' nobula.”

2 TAWARIKH 20:7

Belentomo na Tumpu Allah mami. Tempo'nyo mian anu palesayamo hi belento, bansa Israel tinokamo i lipu' aiya, i laa'mo nu Belento na to mia-mian anu tempo'nyo aitu jojoong i aiya. Lantas binee'mo nu Belento na lipu' aiya hi lee' i Abram, bela' nu Belento, da ahamo na tumpunyo sampe toka sidu-sidutu'.

NOSABATMO 33:11

Tumpu tiba i Musa nompaha ahop susumo mian basisik tiba sangalunyo. Lapas aijo' i Musa minsusule'mo i kemah kajojoongannyo. Panyo i Yosua anak i Nun anu daagi' olitau, anu saja' montulungi kalaja' i Musa, na sajojoongnyo ahi' i Kemah aijo'.

YESAYA 41:8

Panyo beleyum Israel posaihon-Ku, mian anu pinile'an-Kumo beleyum lee' mae i Abram, sampobela'-Ku.

DANIEL 12:2

Manjoo' na anu sinilakamo anu aijo' hi aha panyo po ule'mo opotumuu'; sambagian na molasai kantumuu'an anu sampe toka sidu-sidutu' ka' sambagian mule' na molasaimo kasansala'an ka' apa-apaa na anu okabuhuk hondo, sampe toka sidu-sidutu'.

MATIUS 27:52

To kubu-kubulan tinabuka', ka' manjoo' na mian anu pinalesayamo hi Tumpu anu natemo po'ule' pinotumuu'.

MATIUS 9:24

Ia notatae hi aha, “Posabat na komiu iwi-iwi'! Anak aiya madi' sinilaka; ia ola ahi' hoyot.” Aha iwi-iwi' nongkokojoi Yesus.

MARKUS 5:39

Lantas i Yesus ninsoop ka' notatae hi aha, “Kadaka' talalo hengge' ka' humaang? Anak aijo' madi' sinilaka; ia ola i hoyot!”

YOHANES 11:10

Panyo mian anu lumajang i pihi, tosumpun, kalana madi' ko jingka hi ia.”

YOHANES 11:12

Anu saja' mombatuki Yesus notatae, “Tumpu, de i Lazarus hoyot, saidi' ia tionyo ma'alin.”

YOHANES 11:13

Pato' nu potatae i Yesus aijo', i Lazarus natemo. Panyo aha monsangka pato' nu potatae i Yesus aijo' i Lazarus ola i hoyot.

YOHANES 11:3

Ua-ua'aha na utusnyo nompolelemo hi Yesus, “Tumpu, utus kami anu oka-okalibosi nu kita Tumpu aijo' nasakitmo.”

YOHANES 3:29

Boting boune tumpunyo boting mo'ane. Bela' nu boting mo'ane aijo' ola tuminjo monsangalui ka' mohongo, ka' ia sanang de mohongo potatae nu boting mo'ane. Sumo aitumo na aku. Uuka aku sanang hondo.

SISIKON NU TO RASUL-RASUL 7:60

Lantas ia dinumaladupumo ka' noloboo' daka-daka' ka' notatae, “Kita Tumpu, boli dosa' aiya opokona hi aha!” Noko taloakonnyo sumo aijo' ia sinilaka.

1 KORINTUS 15:18

Aijo' alati'nyo mule' taalu' to mia-mian Kristen anu sinilakamo sumo aijo', suele madi' ko anu opitaha-taha'imani.

1 KORINTUS 15:34

Sinumbu'mo uuka aiya, ka' bolimo mombau dosa'. Sabenannyo pa'a-pa'ambangmo ahi' na komiu, kalana itina' hi komiu daagi' ko anu ma'isa nonsumbu' Tumpu.

1 KORINTUS 15:51

Boli okolilimi na lahasia aiya: Madi' iwi-iwi' kita silaka, panyo kita iwi-iwi' obali'imo.

EFESUS 5:14

Kalana iwi-iwi' anu manasamo na otoa, aijo' majingka. Mokonyo aijo' tinaloakonmo, “Hee pobulamo na beleyum anu hoyot, ka' anu sinilakamo, po'ule'mo tumuu'! I Kristus monjingkaimo beleyum.”

PO'ULE' INGULIT 31:16

Tumpu notataemo hi Musa, “Madi'mo pin beleyum silakamo. De beleyum silakamo, bansa Israel madi'mo daagi' mohongo-hongo Aku ka' mompojalomo apaa na anu jinanji'Kumo hi aha. Aha mompala'imo Aku da monsombahmo to pilo-pilogot anu nusombah nu lipu' anu madi'mo pin nupinsoopimo nu aha.

1 TESALONIKA 5:10

Ia sinilaka kalana kita, da de Ia mompo'ule'mo toka – pa' kita daagi' tutuu', pa' kita sinilakamo – kita timbali tumuu' hingga-hinggat tiba Ia.

YAKOBUS 2:23

Aijo' sosok tiba ayat nu Kitab nu Tumpu aiya, “I Abraham palesaya hi Tumpu, ka' kalana imannyo aijo', Tumpu Allah nontalima ia salaku mian anu montuluti pongka'oho' nu Tumpu Allah.” Mokonyo aijo' i Abraham osanggohi, “Bella' nu Tumpu Allah.”