Madi' pinin ilapas na aijo' pinolelemo hi Yusuf na tuumanyo, sakitnyo naboatmo. Jadi nambamo na ia tiba ua-ua aha na anaknyo, aitumo i Manasye ka' i Efraim da mamba montoa i Yakub.
Tempo'nyo mongohanimo Yerusalem, aha tinokamo i kota' Betfage ka' i Betania, i tengke nu Bungkutnyo nu Zaitun. I kiijo' ua'aha na mian anu saja' mombatuki Ia sinaimo i Yesus namba imoona.
To mia-mian anu tinoka tempo'nyo i Yesus nolaga i Lazarus posabat mae lengkat i lamunan ka' po'ule' nompotumuu' lengkat i kasilakaan, baloo nombee'i katalangan mongkona han aijo'.
Da'isan na mian nu Yahudi anu nohongo taalu' i Yesus kiijo' i Betania, sahingga aha namba nokiijo'. Aha namba misa' ola kalana i Yesus, panyo mule' kalana aha kahanda' montoa i Lazarus anu sini-sinilakamo po'ule'mo pinotumuu'.