YOHANES 10:6 - KITAB NU TUMPU ALLA LELE MA'IMAI'

⁶ I Yesus nonsisik kantuang aijo', panyo aha madi' mangalati' pa' apaa na anu Nu palui.

YOHANES 10:6 ပူးပေါင်းရင်းမြစ်များ

MAZMUR 106:7

Tempo'nyo kiijo' mae i Mesir mompolee' mami madi' mangalati'; kalaja nu Belento anu talalo hondo okabangangi, madi' nusumbu' nu aha. Kinolilimanmo nu aha na kalibosan nu Belento anu nolabi-labimo, ka' anu koko Ambai Gelagah, aha notomuhukmo hi Anu Matangkas na Kuasanyo.

MAZMUR 82:5

Belemiu madi' ko anu opisumbu-sumbu', ponga' ka' sala' na bapikin, kalana belemiu, sahingga atulan nu kantumuu'an nu mian da'isan tinabuntala'mo.

AMSAL 28:5

Ka'adilan madi' nu sumbu' nu mian palaganta, panyo mian anu monsombah Tumpu, totu-totu'u monsumbu' ka'adilan.

YESAYA 56:11

Aha susumo ahi' dedeng anu majoko' anu madi' toho' mobosu. To pola-polaya' haha aijo' madi' mangalati'. Toto samian mombau apaa na anu nu kai' ma'i nu aha ka' molio posi ka'untungan nu aha.

DANIEL 12:10

Manjoo' na mian o'uji'mo ka' mule' opobelesi'mo ahi' totu-totu'u. Aha mian anu ma'idek na palabuatannyo madi' mangalati' ka' saja' ahi' mombau anu ma'idek. Ola ahi' aha mian anu pande na moko ala mangalati'.

MATIUS 13:34

Iwi-iwi' ingajanakon i Yesus hi mian da'isan mompake kantuang.

MATIUS 13:51

“Pa' komiu mangalati' iwi-iwi' aijo'?” Pinokilawa i Yesus. “Mangalati' Kita Tuumangku!” tinaaman nu aha.

MARKUS 4:34

I Yesus saja' mompake kantuang de Ia mongajan mian haha aijo'. Panyo de ola posi Ia tiba anu saja' mombatuki Ia, nupotalang iwi-iwi' hi aha.

YOHANES 16:25

“Iwi-iwi' aiya Ku taloakon hi beleyum nu ande-andeon. Panyo tokaje mae na tempo'nyo Aku madi'mo daagi' mompake ande-andeon, panyo osisikmo nasa-nasa hi beleyum mongkona Tuuma.

YOHANES 16:29

Lantas anu saja' mombatuki Yesus notatae hi Ia, “Uuka Tumpu basisik nu ponasamo, ka' madi'mo mombau ande-andeon,

YOHANES 6:52

Nohongo aijo', to mia-mian nu Yahudi pinainggagamo samian ka' samian. “Mosia na mian aiya timbali mombee' butong-Nyo hi kita da okaan?” tukoonyo nu aha.

YOHANES 6:60

Noko hongo potatae i Yesus aijo', da'isan na anu saja' mombatuki Ia nontaloakonmo, “Pokinde' aiya talalo maboat. Ihe na moko ala montalima!”

YOHANES 7:36

Apaa na poso' nu potatae tukoo-Nyo kita molioje Ia, panyo madi' opoko ala ohumpak ka' mule' kita madi' moko ala montoka tampat kajojoongan-Nyo?”

YOHANES 8:27

Aha madi' mangalati', saba' Ia hau-haunyomo motatae hi aha mongkona Tuuma.

YOHANES 8:43

Apaa na sababnyo komiu madi' mangalati' hi anu Ku taloakon? Kalana komiu madi' moko ala mombatuki ajalan-Ku.

1 KORINTUS 2:14

Mian anu madi' ko Roh nu Tumpu, madi' moko talima apaa na anu pinonyata'mo nu Roh aijo'. Kalana kona hi mian aijo' hahan anu sinanggomo aijo' sumo ola kaponga'an. Mian aijo' madi' moko ala monsumbu', kalana han aijo' ola opoko ala oselidiki de palesaya.

2 PETRUS 2:22

Apaa na anu binaumo nu aha mompototu'umo kahondoan nu basa' aiya, “Dedeng po'ule'mo mongkaan apaa na anu i lua'akonnyomo,” ka' “Bau' anu pinindi'mo po'ule'mo mingkaliade' i uno nu hensek.”

1 YOHANES 5:20

Osumbu'to saba' Anak nu Tumpu tinokamo ka' nompopangalati'mo kita, da kita monsumbu' Tumpu anu totu'u. Kita tumuu' nosa'angu'mo tiba Tumpu anu totu'u, ka' tumuu' mosa'angu'mo tiba Anak-Nyo i Yesus Kristus. Aiyamo na Tumpu anu totu'u, ka' aiyamo na kantumuu'an anu kopian ka' sampe toka sidu-sidutu'.