YOHANES 10:4 - KITAB NU TUMPU ALLA LELE MA'IMAI'

⁴ Salatan domba-domba aijo' osabatakonmo, anu molaya' aijo' lumajang i moona ka' domba-domba haha aijo' mombatuki ia, kalana nusumbu' nu aha na potataenyo.

YOHANES 10:4 ပူးပေါင်းရင်းမြစ်များ

NYANYIAN ANU TALASANGGO 2:8

Hongo pe'e sindua'anku tinokamo! Ia sumomo anak nu jonga kabai kijang. Maha lumpatan aita isinin na bungkutnyo, maha lende'an isinan na puge'nyo. Toa, tinuminjomo isambiha' nu pagan mesen, tiba matanyo na bau pomposilele'nyo, monsiligi itolongan.

NYANYIAN ANU TALASANGGO 5:2

Aku i hoyotmo panyo kinyonyoangku madi' hoyot. Hongo pe'e, sindua'anku nongkutetekmo tumban. Tuhea'akonmo mae na tumban langkoyang sindua'anku, malapati'ku anu saja' o inau' nu kinyonyoangku; Ubaku nohomemo nu dondu'ok, bulu nu ubaku kahomo jinujuhan nu dondu'ok pihi-pihi.

MATIUS 16:24

Lapas aijo' i Yesus notatae hi anu saja' mombatuki Ia. “Mian anu mongka'oho' mombatuki Aku, tionyo mongkolilimi posi kapentingannyo, monsimbu salibnyo, ka' tionyo mombatuki Aku.

YOHANES 10:16

Daagi' mule' ko domba-domba sangga'at aijo' suele anung-Ku, panyo madi' pinosoop i pahasan nu domba haha aiya. Aha suele tionyo Kuboa, ka' aha mule' tionyo mohongo potataeng-Ku. Aha iwi-iwi' tionyo timbali sampahas ka' sa'angu' na polaya'.

YOHANES 10:27

Domba-dombang-Ku mohongo potataeng-Ku. Aku monsumbu' aha, ka' aha nombatukimo Aku.

YOHANES 10:3

Pontamongi pangkun mombukai tumban de ia minsoop ka' to domba-domba mombatuki potataenyo de ia molaga sanggonyo toto sa'angu' ka' montuntuni aha mosabat.

YOHANES 10:5

Aha madi' mongka'oho' mombatuki mian sangga'at, panyo ola ahi' malai nu pala'i na mian aijo', kalana madi' nusumbu' na potataenyo.”

YOHANES 10:8

Iwi-iwi' anu tinoka ma'isa pe'e kino Akunyo, aijo' anu buling tiba tololang, panyo domba-domba madi' mohongo potatae nu aha.

YOHANES 12:26

Mian anu mongka'oho' mohongo Aku, tionyo mombatuki Aku; da posaihon-Ku mo'imboa ka' Aku i tampat kajojoongan-Ku. Mian anu mohongo Aku, nu angga'i nu Tuumang-Ku.”

YOHANES 13:15

Aku mombee'i sonto' aiya hi komiu, da komiu suele mombau apaa na anu binaung-Kumo hi komiu.

YOHANES 18:37

Lantas i Pilatus nompokilawamo hi Ia, “Desumo aitu Beleyum tomundo'?” I Yesus nontaami, “Beleyum notatae, Aku aiya tomundo'! Aku i hampe ka' tinoka i dunia daagi' ko sa'angu' na kahanda' aijo'mo mombee'i katalangan mongkona kahondoan. Mian anu lengkat mae i kahondoan aijo' mohongo Aku.”

YOHANES 3:29

Boting boune tumpunyo boting mo'ane. Bela' nu boting mo'ane aijo' ola tuminjo monsangalui ka' mohongo, ka' ia sanang de mohongo potatae nu boting mo'ane. Sumo aitumo na aku. Uuka aku sanang hondo.

1 KORINTUS 11:1

Obatuki na sonto'ku, sumo aku suele nombatukimo sonto' i Kristus.

EFESUS 5:1

Komiu to ana-anak nu Tumpu anu nu Nukalibosi, mokonyo aijo' komiu tionyo bala usaha mombatuki sonto' nu Tumpu.

PO'ULE' INGULIT 1:30

Tumpu Allah miu molaya'je komiu ka' mompagalakon komiu susumo pinositoa miu i Mesir

IBRANI 12:2

Anu otoanto tionyo saja' hi Yesus, kalana Ia na mompodaagi' imanto, ka' monjagai ka salatan pe'e i moonanyo toka-toka i mihinyo. I Yesus nongintimmo sakisa i kau' salib! Madi' pinajulannyo na Ia silaka i kau' salib aijo' salaku sa'angu' na han anu mongambangi. Ia ola monginau' kalame'an anu nu oa'ije i mihinyo mae. Uuka aiya Ia sinumuhangmo i sasu koanan nu kasuhangan nu Tumpu ka' mompalentahmo hingga-hinggat tiba Ia.

IBRANI 6:20

I Yesus nombuka'mo jalan mamba i tampat aijo' bau kajalananto ka' ninsoopmo nokiita' binaumo Imam Daka'to sampe toka sidu-sidutu', susumo i Imam Melkisedek.

1 PETRUS 2:21

Aijo' na kahanda'nyo Tumpu nolagamo belemiu. Kalana posi Kristus nongoa'imo sansala kalana bau kapentingan miu, tiba jalan anu sumo aijo' Ia nombee'imo belemiu sa'angu' na sonto', da belemiu mombatuki sonto' i uno nu kantumuu'an-Nyo.

1 PETRUS 4:1

Kalana i Kristus nongoa'imo kasansala'an salaku butongnyo, belemiu suele tionyo ahi' mompohoson butong nu belemiu nu tanga'an anu sumo aijo'. Kalana mian anu nongoa'imo kasansala'an salaku butong madi'mo mombau dosa'.

1 PETRUS 5:3

Boli mompalentah sumo anu mongkuasai aha anu pinalesayakonmo hi komiu, panyo timbali ahi' sonto' hi aha.