YOHANES 10:32 - KITAB NU TUMPU ALLA LELE MA'IMAI'

³² Panyo i Yesus notatae hi aha, “Komiu nontoamo Aku nombau manjoo' na hia anu ma'ima', anu pinalentahkon nu Tuuma hi beleng-Ku. Iwi-iwi' na hia aijo', iya na anu monsaduakon komiu mongka'oho'mo mombunu' Aku nu batu?”

YOHANES 10:32 ပူးပေါင်းရင်းမြစ်များ

MAZMUR 35:12

Palabuatanku anu ma'ima' binalosanmo nu aha nu palabuatan anu ma'idek; aku nanabu'mo i uno nu putus asa.

ANU MOMPOLELE POTATAE NU TUMPU 4:4

Ku sumbu' mule' saba' manusia nakekemo hondo na nokalaja ola kalana milu montoa hasin usaha nu anu mompaha ohani na laigannyo. Iwi-iwi' aijo' madi' kogunanyo ola susumo usaha mololoi' mombun.

YEREMIA 37:18

Lapas aijo' pinokilawangkumo, “Apaa na palabuatanku anu ma'idek hi belento Tomundo kabai hi to mia-mian anu ko pangkatnyo i pamalentahan nu belento Tomundo' kabai hi aha mian da'isan, sahingga nu posoopmo nu belento Tomundo' na aku i uno nu talungku'?

MATIUS 11:5

Mian anu mapisok montoa, mian anu lupe moko lumajang, mian anu ko panyakit kilit anu okabuhuk ma'alin; mian mabongon nohongo, mian anu mate po'ule' tumuu', ka' Lele Ma'ima' lengkat hi Tumpu opotokakon hi to mia-mian kasiasi.

YOHANES 10:25

I Yesus nontaami, “Tinaloakon-Kumo hi komiu, panyo komiu madi' palesaya. Te kalaja anu Kubau kalana sanggo nu Tuumang-Ku, mompobukuti' mongkona Aku.

YOHANES 10:31

Lantas to mia-mian nu Yahudi po'ule'mo nongala batu bau pombunu' i Yesus.

YOHANES 10:33

To mia-mian nu Yahudi aijo' nontaami, “Misa' kalana hia-Um anu toto ima-ima' aijo' na monsaduakon kami kahanda'mo mombunu' Beleyum nu batu, panyo kalana Beleyum mompisala'i Tumpu. Beleyum mian mompai potimbalimo butong-Um sumo Tumpu.”

YOHANES 10:37

De Aku madi' mombau hia anu pinalentahkon nu Tuuma, boli opalesaya na Aku.

YOHANES 5:36

Panyo anu tinalangkan-Ku lebe daka' molingkudui anu tinalangkan i Yohanes. Apaa na anu Kubau uuka aiya, aijo'mo na kalaja anu pinokauhakon nu Tuuma hi beleng-Ku, bau pomponyata' saba' Tuuma nompokaumo mae Aku.

SISIKON NU TO RASUL-RASUL 10:38

Komiu nonsumbu'mo saba' Tumpu nompile'imo i Yesus mian nu Nazaret aijo' ka' nombee' hi Ia Roh nu Tumpu ka' kuasa. Komiu mule' nonsumbu'mo saba' i Yesus namba iyaya mae da mombau anu ma'ima'; Ia nompa'alin iwi-iwi' mian anu kinuasanmo nu Ibilis, sabab Tumpu mongkalibosi Ia.

SISIKON NU TO RASUL-RASUL 2:22

To Utu-utus mian nu Israel! Hongo apaa na anu ku taloakon aiya: I Yesus mian nu Nazaret aijo' binee'anmo kalaja nu Tumpu Allah bau kapentingan nu kita utus. Aijo' nyata' hondo i anu okabangangi ka' hahan anu daka', apaa na anu binau nu Tumpu i totonga' miu hi Yesus aijo'. Iwi-iwi' aijo' posi kita utus nonsumbu'mo.

1 YOHANES 3:12

Boli kita sumo i Kain, anu tinimbalimo anak nu Ibilis ka' nompateimo posi Utusnyo. Apaa na sababnyo i Kain nompateimo Utusnyo? Kalana hahan anu binaunyomo aijo' sala', panyo hahan anu binaumo nu Utusnyo aijo' totu'u.