YOHANES 10:31 - KITAB NU TUMPU ALLA LELE MA'IMAI'

³¹ Lantas to mia-mian nu Yahudi po'ule'mo nongala batu bau pombunu' i Yesus.

YOHANES 10:31 ပူးပေါင်းရင်းမြစ်များ

NOSABATMO 17:4

Lantas i Musa notataemo hi Tumpu, ia notatae, “Apaa na anu tionyo ku bau hi mian haha aiya? Pitoa, aha mongka'oho'mo mompobunu'i mae nu batu.”

MATIUS 12:14

Panyo to mia-mian nu Farisi nompala'i laigan pogalejaan aijo', lantas binasale' da opateimo na i Yesus.

MATIUS 21:35

Panyo anu mongkalaja ale' aijo' nohakop to posa-posaihon nu tumpu nu tano' aijo': Samian binobotan, sangga'at pinatean, ka' sangga'at mule' pinahambunu'akon nu batu.

MATIUS 23:35

Kalana aijo' komiu o hukum, kalana nompateimo mian iwi-iwi' anu madi' ko sala'nyo – lengkat pe'e nompatei i Habel anu madi' ko sala'nyo, tinoka i pinompateian i Zakharia anak i Berikia, anu pinatean miu i olot nu Laigan nu Tumpu, ka' i tampat ponsombahkonan.

YOHANES 1:19

To mia-mian Yahudi anu ko kuasa i Yerusalem nompokau to ima-imam ka' to mia-mian nu Lewi namba hi Yohanes, ka' nompokilawa hi ia, “Beleyum aiya ihe?”

YOHANES 10:24

salatan to mia-mian nu Yahudi tinoka sinilimu'mo titikub hi Yesus. Aha notataemo, “Ipian na kopinnyo Beleyum mompopilaya kami bata-bata? Taloakonmo mae sahondo-hondonyo, de Beleyum totu'u Tomundo' anu Momposalamat.”

YOHANES 10:32

Panyo i Yesus notatae hi aha, “Komiu nontoamo Aku nombau manjoo' na hia anu ma'ima', anu pinalentahkon nu Tuuma hi beleng-Ku. Iwi-iwi' na hia aijo', iya na anu monsaduakon komiu mongka'oho'mo mombunu' Aku nu batu?”

YOHANES 11:8

Aha nontaami, “Kita Tuumangku Gulu', sala'je na to mia-mian nu Yahudi kahanda' mompahambunu'akon Kita Tuuma nu batu, ka' aiya Kita Tuuma mongka'oho' mule' minsusule' mokiijo' mae?”

YOHANES 5:18

Potatae aijo' nombau aha anu mongkuasai Yahudi lebe molio jalan da mompatei Ia. Aha mombau sumo aijo', misa' ola kalana Ia molanggai atulan nu agama mongkona sinaa nu Sabat, panyo mule' kalana Ia notatae tukoonyo Tumpu aijo' Tuuma-Nyo; alati'nyo Ia mompokakanakon Tumpu tiba butong-Nyo.

YOHANES 8:59

Lantas to mia-mian nu Yahudi aijo' nontoluk batu bau pombunu'-Nyo; panyo i Yesus naninsulukmo, lantas nambamo nompala'i Laigan nu Tumpu.

SISIKON NU TO RASUL-RASUL 7:52

Apaa daagi' ko nabi anu madi' sinakisa nu mompolee' miu? Aha nompateimo to posa-posaihon nu Tumpu anu u'utu pe'e mae nombebakonmo tukoonyo. Posaihon nu Tumpu anu totu'u, tokaje mae. Ka' uuka aiya komiu nongkabisa'imo ka' nompateimo Posaihon nu Tumpu aijo'.

1 SAMUEL 30:6

To sulu-suludadu i Daud sinusa'mo hondo kalana madi'mo kino anak tiba bengkele' nu aha. Mokonyo aijo' aha kahanda'mo mompahambunu'akon nu batu i Daud. Jadi i Daud sinusa'mo hondo panyo kinyonyoanyo po ule'mo pinohoson nu Tumpu Allahnyo.