YOHANES 10:3 - KITAB NU TUMPU ALLA LELE MA'IMAI'

³ Pontamongi pangkun mombukai tumban de ia minsoop ka' to domba-domba mombatuki potataenyo de ia molaga sanggonyo toto sa'angu' ka' montuntuni aha mosabat.

YOHANES 10:3 ပူးပေါင်းရင်းမြစ်များ

MAZMUR 80:1

Anu mongkapalai panyanyi. Ingala i lagu nu nyanyian: Bunga Bakung. Mazmur mongkona han anu sinakisianmo i Asaf.

NOSABATMO 33:17

Notatae na Tumpu hi Musa, “Apaa na anu nu poita Ku bee'mo kalana Ku sumbu' na beleyum, ka' Aku sanang hi beleyum.”

AMSAL 27:23

Palakai ima-ima' na potuu'on nu beleyum;

NYANYIAN ANU TALASANGGO 8:13

O, anu jojoong i ale' to sanga-sangalu kahanda'mo mohongo potatae nu beleyum, pohongoakon mae na aijo' hi belengku!

YESAYA 40:11

Susumo samian na polaya' nu binatang na Ia mompotuu', potuu'on-Nyo; Ia na nomposihuk aha. To ana-anak nu domba Nu tangkung mae, madi' Ia monsigohi mae na montuntuni to tina-tinanyo.

YESAYA 42:16

Bansang-Ku anu napisokmo Ku taka'mo montulu jalan anu madi' nu sumbu' nu aha; aha Ku taka'mo montulu jalan anu madi' nu sumbu' nu aha. Kapintungan Ku potimbalimo da majingka hi aha, ka' jalan anu milebo-lebok Ku pohatamo. Aijo'mo na anu Ku bau hi aha, ka' memang ahi' Ku baumo.

YOHANES 10:14

Akumo na polaya' anu manonong. Susumo Tuuma monsumbu' Aku, ka' Aku monsumbu' Tuuma, sumo aitumo mule' Aku monsumbu' domba-dombang-Ku ka' aha suele monsumbu' Aku. Aku mombee' nyawang-Ku, kalana monsawani aha.

YOHANES 10:16

Daagi' mule' ko domba-domba sangga'at aijo' suele anung-Ku, panyo madi' pinosoop i pahasan nu domba haha aiya. Aha suele tionyo Kuboa, ka' aha mule' tionyo mohongo potataeng-Ku. Aha iwi-iwi' tionyo timbali sampahas ka' sa'angu' na polaya'.

YOHANES 10:4

Salatan domba-domba aijo' osabatakonmo, anu molaya' aijo' lumajang i moona ka' domba-domba haha aijo' mombatuki ia, kalana nusumbu' nu aha na potataenyo.

YOHANES 10:9

Akumo na sabatan. Ihe na minsoop montulu Aku salamat; ia mosabat minsoop ka' mohumpak kaanon.

YOHANES 6:37

Iwi-iwi' mian anu binee'mo nu Tuuma hi beleng-Ku, toka hi beleng-Ku. Madi' Aku mongkangkang mau pe'e ihe na anu toka hi beleng-Ku.

YOHANES 6:45

I Uno nu Kitab nu to Nabi-nabi tinulis sumo uuka, ‘Iwi-iwi' na mian nu pogulu' nu Tumpu.’ Jadi iwi-iwi' na mian anu mohongo Tuuma ka' balagulu' hi Ia, toka mae hi beleng-Ku.

ROMA 8:30

Sumo aijo'mo na Tumpu nolaga aha anu tinantukanmo imoona; ka' aha anu ilaga-Nyo aijo', timbali nupobee' mompaha ima' tiba Ia. Ka' aha nupobee' mompaha ima' mule' tiba Tumpu Allah, mongala bahagian i kantumuu'an nu Tumpu.

1 KORINTUS 16:9

Manjoo' na kasampatan i aiya mombau kalaja anu mingguna, mau mule' manjoo' suele na anu madi' mongka'ima'i.

FILIPI 4:3

Toka hi sangalungku anu momo' hongo-hongo ku poita suele da kita Utus montulungi ua'-ua'aha na boune aijo'. Aha nokalajamo totu-totu'u tiba aku, nombebakon Lele Ma'ima' anu lengkat mae hi Tumpu; pokakana sumo i Kelemen ka' iwi-iwi' mian sangga'atan anu nokalajamo hingga-hinggat tiba aku. Sanggo nu aha haha aijo' daagi'mo i uno nu Kitab nu Mian Tumuu'.

KOLOSE 4:3

Odo'akon suele na kami, da Tumpu mombee'i mae kami kasampatan anu ma'ima' na mombebakon lele mongkona lahasia i Kristus. Kalana han aijo', sahingga aku uuka aiya pinosoopmo i uno nu talungku'.

2 TIMOTIUS 2:19

Panyo usoi anu mahoson binau nu Tumpu madi' opoko ala o idei. I buannyo tinulismo sumo uuka, “Tumpu monsumbu' to mia-mian-Nyo”, ka' “Mian anu motatae tukoonyo ia anumo nu Tumpu, mian aijo' tionyo montibahakonmo mombau palabuatan anu sala'.”

1 PETRUS 1:12

Hi to nabi-nabi haha aijo' Tumpu nompoto'imo tukoonyo apaa na anu nubau nu aha misa' bau kapentingan nu aha, panyo bau kapentingan nu belemiu; atina'mo hahan anu tempo' uuka aiya i hongomo komiu mana-manasa hi to mia-mian anu nompolelemo Lele Ma'ima' mongkona i Yesus Kristus. Aha nomposumbu' hahan aijo' hi belemiu kalana kuasa nu Roh nu Tumpu anu sinai-Nyo mae lengkat i suluga'. To mala-malaikat pe'e mongkahanda'i suele da monsumbu' lele anu nu polele nu aha aijo'.

1 YOHANES 4:6

Panyo kita to ana-anakmo nu Tumpu; ka' mian anu nonsumbu'mo Tumpu, nohongomo potataento. Mian anu misa' anu nu Tumpu, madi' nohongo potataento. Sumo aijo' na balu-balu'nyo kita monsumbu' pompahasala'an nu Roh anu mombee'i pangajalan anu totu'u, ka' roh anu madi' totu'u.

3 YOHANES 1:14

Kalana ku tutugi madi'mo pin po'ule'mo singkabot tiba komiu, ka' kita lewa'je basisik.

ANU PINOTO'I HI YOHANES 20:15

To mia-mian anu madi' tinulis na sanggonyo i uno nu Kitab nu Mian anu Tumuu', o'alinmo i uno nu apu anu sumo ndalangon.

ANU PINOTO'I HI YOHANES 3:20

Toa! Aku tuminjo i ahop nu tumban ka' mongkutetek. De daagi' ko anu mohongo potataeng-Ku, ka' montuhea'akon tumban, Aku minsoopmo monsingkaboti ia; Aku mongkaanmo hingga-hinggat tiba ia ka' ia mongkaanmo hingga-hinggat tiba aku.

ANU PINOTO'I HI YOHANES 7:17

kalana Anak nu Domba anu sinumuhang i totonga'nyo aijo' timbalimo bau polaya' nu aha. Ia na molaya' aha mokiijo' i mata nu uee anu mombee'i kantumuu'an. Ka' Tumpu na mongambu'ije iwi-iwi' na lolu' nu aha.”