YOHANES 10:27 - KITAB NU TUMPU ALLA LELE MA'IMAI'

²⁷ Domba-dombang-Ku mohongo potataeng-Ku. Aku monsumbu' aha, ka' aha nombatukimo Aku.

YOHANES 10:27 ပူးပေါင်းရင်းမြစ်များ

1 TOMU-TOMUNDO' 18:21

Lantas i Elia nokiijo'mo hi mian da'isan ka' notatae, “Sampe toka hipian na tempo'nyo belemiu daagi' sabole-bole tataap mompo'ohua' kinyonyoa? De Tumpu aijo', Tumpu Allah, osombah na Tumpu! De Baal aijo' Tumpu Allah, osombah na Baal!” Mian da'isan anu sinilimu' i kiijo' ola nomohokot.

YESAYA 66:22

Susumo langit anu salaje binau tiba tano' anu salaje binau satataapnyo madi' ko kamingkotannyo kalana kuasang-Ku, sumo aijo' mule' na lee' nu beleyum tiba sanggo nu beleyum satataapnyo madi' ko kamingkotannyo.

MATIUS 16:24

Lapas aijo' i Yesus notatae hi anu saja' mombatuki Ia. “Mian anu mongka'oho' mombatuki Aku, tionyo mongkolilimi posi kapentingannyo, monsimbu salibnyo, ka' tionyo mombatuki Aku.

MATIUS 17:5

Hau-haunyo i Petrus daagi' motatae, sehu' anu majingka hondo nohohungimo aha, ka' lengkat i sehu' aijo' tolohongo na potatae anu nontaloakon, “Aiyamo na Anak-Ku anu Kuku kalibosi. Ia momposanang kinyonyoang-Ku. Hongo na Ia!”

MATIUS 25:12

Panyo boting mo'ane aijo' nontaami, ‘Aku madi' monsumbu' komiu!’ ”

MATIUS 7:23

Panyo Ku taamije, ‘Aku madi' toho' nonsumbu' komiu! Lako'mo, na komiu anu mombau ka'idekan!’ ”

MARKUS 10:21

I Yesus noliibosmo na nontoa mian aijo' lantas notatae, “Me sa'angu' na han mule' anu daagi' opalalui nu beleyum. Lako'mo pobaluk iwi-iwi' na halata'um; bee' na doinyo hi mian anu kasiasi, ka' beleyum mohumpakje halata' i suluga'. Lapas aijo' tokaje mae mombatuki Aku.”

MARKUS 8:34

Lapas aijo' i Yesus nolaga mian da'isan anu daagi' i kiijo' tiba anu saja' mombatuki Ia. Lantas Ia notatae hi aha, “Mian anu mongka'oho' mombatuki Aku, tionyo mongkolilimi posi kapalaluannyo, lapas aijo' monsimbuje salibnyo, ka' lau-laus mombatuki Aku.

LUKAS 13:27

Panyo i Tuan aijo' notatae mule', ‘Aku madi' monsumbu' pa' komiu lengkat mae ya. Lako'mo pala'i na tampat aiya, komiu anu mombau anu ma'idek!’

LUKAS 9:23

Lapas aitu, i Yesus notatae hi mian iwi-iwi' anu daagi' i kiijo', “Mian anu mongka'oho' mombatuki Aku, tionyo mongkolilimi anu nu posi palalui, monsimbu salib sansina-sinaa, ka' saja' mombatuki Aku.

YOHANES 10:14

Akumo na polaya' anu manonong. Susumo Tuuma monsumbu' Aku, ka' Aku monsumbu' Tuuma, sumo aitumo mule' Aku monsumbu' domba-dombang-Ku ka' aha suele monsumbu' Aku. Aku mombee' nyawang-Ku, kalana monsawani aha.

YOHANES 10:16

Daagi' mule' ko domba-domba sangga'at aijo' suele anung-Ku, panyo madi' pinosoop i pahasan nu domba haha aiya. Aha suele tionyo Kuboa, ka' aha mule' tionyo mohongo potataeng-Ku. Aha iwi-iwi' tionyo timbali sampahas ka' sa'angu' na polaya'.

YOHANES 10:8

Iwi-iwi' anu tinoka ma'isa pe'e kino Akunyo, aijo' anu buling tiba tololang, panyo domba-domba madi' mohongo potatae nu aha.

YOHANES 12:26

Mian anu mongka'oho' mohongo Aku, tionyo mombatuki Aku; da posaihon-Ku mo'imboa ka' Aku i tampat kajojoongan-Ku. Mian anu mohongo Aku, nu angga'i nu Tuumang-Ku.”

YOHANES 21:22

I Yesus nontaami, “Maluannyo Ku kahanda'i ia satumuu'nyo sampe Aku toka, aijo' misa' ponsumbu'anum. Panyo beleyum batuki mae na Aku!”

YOHANES 5:25

Palesayamo: Tokaje na tempo'nyo – aitu pe'e tinokamo na tempo'nyo – mian mate mohongo potatae nu Anak nu Tumpu. Ka' mian anu mohongo Ia tumuu'.

YOHANES 8:12

I Yesus binasisik mule' hi mian da'isan tukoo-Nyo, “Akumo na jingka nu dunia. Mian anu mombatuki Aku, madi' lumajang i pintung, panyo mohumpak jingka kantumuu'an.”

YOHANES 8:43

Apaa na sababnyo komiu madi' mangalati' hi anu Ku taloakon? Kalana komiu madi' moko ala mombatuki ajalan-Ku.

SISIKON NU TO RASUL-RASUL 3:23

Mian anu madi' mompalahatikan apaa na anu nutaloakon nu nabi aijo', mian aijo' osabatakon lengkat hi mian anu palesayamo hi Tumpu ka' o silakai.’

1 KORINTUS 8:3

Panyo anu totu-totu'u mongkalibosi Tumpu, ia nusumbu' nu Tumpu.

GALATIA 4:9

Panyo uuka komiu nonsumbu'mo Tumpu, kabai lebe kona mule', Tumpu nonsumbu'mo komiu. Jadi, kadaka' komiu mongka'oho' mule' minsusule' hi to roh-roh nu dunia aiya anu madi' moko ala mombau apa-apaa ka' kasiasi? Kadaka' komiu mongka'oho' mule' nubotuani nu to roh-roh aijo'?

2 TIMOTIUS 2:19

Panyo usoi anu mahoson binau nu Tumpu madi' opoko ala o idei. I buannyo tinulismo sumo uuka, “Tumpu monsumbu' to mia-mian-Nyo”, ka' “Mian anu motatae tukoonyo ia anumo nu Tumpu, mian aijo' tionyo montibahakonmo mombau palabuatan anu sala'.”

IBRANI 3:7

Kalana aijo', susumo koo-Nyo nu Roh nu Tumpu, “De sinaa aiya komiu mohongomo potatae nu Tumpu, bolimo komiu panggaga, susumo mompolee' miu, tempo'nyo aha notomuhukmo hi Tumpu, ka' nonsobaimo Tumpu i padang bone'.

ANU PINOTO'I HI YOHANES 14:4

Aha aijo' to mia-mian anu saja' belesi' sumo langkoyang anu tumimpasje, kalana ma'isa toho' noduhus tiba boune. Aha mombatuki Anak nu Domba mau mule' pa' moya na Ia mamba. Iwi-iwi' na mian, olamo aha na anu pinobebas salaku anu sinombahkonmo momonanyo hi Tumpu ka' hi Anak nu Domba.

ANU PINOTO'I HI YOHANES 3:20

Toa! Aku tuminjo i ahop nu tumban ka' mongkutetek. De daagi' ko anu mohongo potataeng-Ku, ka' montuhea'akon tumban, Aku minsoopmo monsingkaboti ia; Aku mongkaanmo hingga-hinggat tiba ia ka' ia mongkaanmo hingga-hinggat tiba aku.