YOHANES 10:1 - KITAB NU TUMPU ALLA LELE MA'IMAI'

¹ “Totu'u hondo na potataeng-Ku aiya: Mian anu minsoop i pangkun nu domba malaluan i pagan, ka' madi' montulu sabatan, panyo moliba' montulu jalan sangga'at, mian aijo' anu mombuling ka' mule' ia tololang.

YOHANES 10:1 ပူးပေါင်းရင်းမြစ်များ

YEREMIA 14:15

Aha nompoto'i aijo nompake atas sanggong-Ku, koonyo nu aha lipu' aiya madi'mo daagi' ko anu toka mae mompahampateakon kabai kasusa'an i anu okaan padahan madi' ahi' Aku nompalentah mae aha da opoto'i sumo aijo'. Aku, Tumpu mompoto'imo hi beleyum, o Yeremia apaa na anu Ku baumo saidi' mae hi aha nabi haha aijo' anu madi' pinalentah-ngKu mae aijo'. Ku pateimo na aha nu pahampatean tiba kasusa'an i anu okaan.

YEREMIA 23:21

Tumpu notatae, “Makeke hondo na nabi haha aijo', padahan Aku madi' nompokau aha. Aha mompake atas sanggong-Ku na mompoto'i kaleba padahan madi' ko potuunon anu pinoto'ing-Ku hi aha.

YEREMIA 23:32

Aku, Tumpu, mongewamo nabi haha aijo' anu mompoto'i ipionnyo haha aijo' anu baleko' ahi' hondo-hondo aijo'. Aha nompotalasmo pikilan nu mian anu palesayamo hi beleng-Ku nu kabaleko'an tiba sisik-sisik anu bulon aijo' hi aha. Aku madi' nompalentah nabi haha aijo'. Aha madi' hondo-hondo ko gunanyo hi aha mian anu palesayamo hi beleng-Ku. Aku, Tumpu, notataemo.”

YOËL 2:9

Aha nontumbuhimo i uno nu kota' ka' nopadeka'mo aita i pagan mesen. Aha noliba'mo i uno nu to lai-laigan; susumo anu mombuling, aha minsoopmo i tolongan.

MATIUS 7:15

“Opoko piani na mongahopi to nabi-nabi anu madi' totu'u. Aha toka hi komiu mimbalu-balu' domba, panyo aha sabenannyo sumo pojek anu baani.

YOHANES 10:7

Lantas i Yesus po'ule' mule' notatae minsan, “Totu'u na potataeng-Ku aiya: Akumo na sabatan pinsoopan nu domba.

YOHANES 3:3

I Yesus nontaami, “Palesayamo, madi' ko samian pe'e timbali minsoop anu palesayamo hi Tumpu, de madi' ia po'ule' ohampeakon.”

ROMA 10:15

Ka' mosia na mian timbali momboa lele aijo' de aha madi' opokau? I uno nu Kitab nu Tumpu tinulis sumo uuka, “Paya' na ko'ima'nyo na to mia-mian montalima Lele Ma'ima' lengkat hi Tumpu!”

ROMA 16:18

Kalana to mia-mian anu mombau sumo aijo', misa' mokalaja bau kapentingan i Kristus Tumpunto, panyo ola da mompatika'osa apaa na anu nuka'ima'i i uno nu posi kinyonyoa nu aha. Pagala nusale'i nu potatae nu aha anu toto mata-matami', aha mongakali to mia-mian anu madi' ko anu nupisumbu-sumbu'.

TITUS 1:11

Mian anu susumo haha aijo' tionyo ogintumi na nganga'nyo, kalana aha mompotasibu manjoo' na auwan kalana to panga-pangajalan anu madi' ko gunanyo. Aha mombau sumo aijo' ola kalana mongka'oho' molio kauntungan anu madi' pantas!

IBRANI 5:4

Madi' ko samian anu mosi hangkat posi butongnyo timbali Imam Daka'. Mian timbali Imam Daka' de Tumpu na molaga ia da mompojalan palentah aijo' – pokakana sumo i Harun.

1 PETRUS 1:10

Kasalamatanmo ai-aiya na pinopikilakon ka' sinelidikan nu to nabi-nabi, ka' aha nongkila-kilamo balakat anu nubee' nu Tumpu Allah hi beleyum.

2 PETRUS 2:1

Tempo'nyo naipuan mae mian anu palesayamo hi Tumpu itina' hi komiu ko anumo tinimbali to nabi-nabi anu madi' totu'u. Sumo aijo' mule' itina' hi komiu saidi' mae ko anumo timbali to gulu-gulu' anu madi' totu'u. Aha mompogulu' to panga-pangajalan anu madi' totu'u, anu mombinasai mian. Ka' aha saidi' mae mompojalomo Anu Matangkas na kuasanyo anu nompobebasmo aha. Tiba jalan anu sumo aijo' aha mompotokamo kasilaka'an i posi butong, anu madi'mo pin nuta'upmo nu aha.

2 PETRUS 2:3

Kalana aha mangoa, sahingga to gulu-gulu' anu madi' totu'u aijo' nonsisikakonmo hi belemiu to sisi-sisik anu o posi kalang da bau pohumpakan ka'untungan hi belemiu. Panyo anu momputusi monabu'akonmo hukuman hi aha pininmo na pinosadia, ka' kabinasa'an anu tinantukanmo bau bagi nu aha hau-haunyomo montanda'imo aha.

1 YOHANES 4:1

To Utu-utus anu okanonongi! Boli palesaya hi mian iwi-iwi' anu mangaku ko Roh nu Tumpu, panyo o uji' pe'e na aha da osumbu' pa' roh anu daagi' hi aha aijo' nolengkat mae hi Tumpu Allah kabai misa'. Kalana nabi anu madi' totu'u nanjoo'mo na namba noyaya.