YOHANES 1:48 - KITAB NU TUMPU ALLA LELE MA'IMAI'

⁴⁸ “Mosia na Kita Tuuma nonsumbu' aku?” pinokilawa i Netanael hi Yesus. I Yesus nontaami, “Ma'isa pe'e i Filipus nolaga beleyum, tinoang-Kumo na beleyum i patu nu kau' ara aijo'.”

YOHANES 1:48 ပူးပေါင်းရင်းမြစ်များ

YESAYA 65:24

Ma'isa pe'e aha mongkakase mae, Ku taamimo na aha, ma'isa pe'e aha lapas na balado'a, Ku talimamo na do'a nu aha.

MATIUS 10:3

Ilapas aijo' i Filipus ka i Bartolomeus tiba i Tomas ka' i Matius, topo tagi hasin tiba i Yakobus anak i Alfeus, ka' i Tadeus;

MATIUS 6:6

Panyo de komiu balado'a, pinsoop i salipi' ka' tumban na sabatan, lantas balado'a hi Tuumaum anu madi' kantoan aijo'. Saba' Tuumaum na montoa palabuatanum anu sulu-suluk mombee'je tamboonyo hi beleyum.

YOHANES 1:44

I Filipus mian anu nolengkat mae i Betsaida, aijo'mo jojoongan i Andreas ka' i Petrus.

YOHANES 12:21

Aha tinoka hi Filipus ka' notatae, “Kita utus, de timbali kami mongka'oho' singkabot tiba i Yesus.” (I Filipus nolengkat mae i Betsaida i Galilea.)

YOHANES 14:8

Sahingga i Filipus notatae hi Yesus, “Tumpu potiju'akon mae na Tuuma hi kami, da kami sanang.”

YOHANES 2:25

Madi' pilenje mian mombee'i katalangan hi Ia mongkona mian pa' ihe, kalana nu posi sumbu' pa' apaa na i uno nu kinyonyoa nu mian.

YOHANES 6:5

Salatan i Yesus nontoa titikub, Ia nontoa mian nomomuyutmo mae toka hi Ia. Sahingga Ia notatae hi Filipus, “Iyamae na timbali pongolianto anu okaan da iwi-iwi' na mian aiya timbali mongkaan?” (

YOHANES 6:7

I Filipus nontaami, “Roti anu olinyo ola ua'atu na doi salaka madi' mompoosampa' obagi-bagi hi mian haha aiya, mau mule' toto samian ola mohumpak sangkiding.”

1 KORINTUS 14:25

Hahan anu sulu-suluk i kinyonyoanyo osisikakonmo, sahingga ia madi'mo kobubuun, lantas monsombahmo Tumpu. Ia mangakumo taalu' totu-totu'u Tumpu daagi' ko anu itina' hi komiu.

1 KORINTUS 4:5

Mokonyo aijo', kalana misa' pe'e tempo'nyo, boli komiu lia-lia' montantukan batu-batu mian kosala'nyo kabai madi'. Tanda'i tokaje na Tumpu. Iaje na mompoto'i iwi-iwi' lahasia anu sulu-suluk i uno nu pintung. Iaje na mompotalang tanga'an anu sulu-suluk i uno nu kinyonyoa nu mian. Tempo'je aitu ka' batu-batu mian mohumpak pompuji' lengkat hi Tumpu anu patut nu talima.