YOHANES 1:33 - KITAB NU TUMPU ALLA LELE MA'IMAI'

³³ Tempo'nyo aitu ma'isa sinumbu'ku pa' ihe na Ia. Panyo Tumpu Allah na nompokau aku mompalamandikan nu uee notataemo hi belengku, ‘De beleyum montoa Roh nu Tumpu mintatau', lantas manintengke' i buan nu sala'samian, Iamo na saidi' mae mompalamandikan nu Roh nu Tumpu.’

YOHANES 1:33 ပူးပေါင်းရင်းမြစ်များ

MATIUS 3:11

Aku mompalamandikan komiu nu uee da momponyata' saba' komiu binala tobatmo i dosa-dosa' miu; panyo lapas na aku tokaje mae na anu mompalamandikan komiu nu Roh nu Tumpu tiba apu. Ia lebe daka' molingkudui aku. Ka' momboa sapatu-Nyo pe'e aku madi' pantas.

LUKAS 3:16

Mokonyo aijo', i Yohanes notatae hi aha iwi-iwi', “Aku mompalamandikan komiu nu uee, panyo tokajemae na mian anu lebe daka' molingkudui aku. Mombukai segot nu sapatu-Nyo pe'e, aku madi' pantas. Nupalamandikanje na komiu nu Roh nu Tumpu ka' apu.

YOHANES 1:31

Ma'isa pe'e Ia tinoka, aku madi' monsumbu' pa' ihe na Ia aitu. Padahan aku tinokamo nompalamandikan nu uee da bansa Israel monsumbu' Ia.”

YOHANES 14:26

Panyo Roh nu Tumpu, pontulungi anu nupokauje mae nu Tuuma kalana sanggongku, iamo na anu mompogulu' komiu iwi-iwi, ka' mompotuka' komiu iwi-iwi' anu pinoto'iyakonkumo hi komiu.

YOHANES 3:34

Kalana mian anu sinai nu Tumpu mompotokakon potatae nu Tumpu, kalana Roh nu Tumpu binee'mo hi Ia iwi-iwi'.

YOHANES 3:5

I Yesus nontaami, “Totu-totu'u na potataeng-Ku aiya: de mian madi' ohampeakon nu uee ka' mule' nu Roh nu Tumpu, mian aijo' madi' timbali mian anu palesayamo hi Tumpu.

YOHANES 7:39

I Yesus binasisik mongkona Roh nu Tumpu, anu saidi' mae nu talimaje nu to mia-mian anu palesayamo hi Ia. Kalana tempo' aitu Roh nu Tumpu ma'isa binee'; kalana i Yesus ma'isa pinopodaka' i uno nu kasilakan-Nyo.)

SISIKON NU TO RASUL-RASUL 1:5

Kalana i Yohanes mompalamandikan nu uee, panyo daagi' to pia-pian sinaa komiu opalamandikanmo nu Roh nu Tumpu.”

SISIKON NU TO RASUL-RASUL 2:4

Aha iwi-iwi' kinuasanmo nu Roh nu Tumpu, ka' nontampu'unimo notatae tiba ngangahan nu basa' sangga'at. Aha motatae nombatukimo apaa na anu pinoto'i nu Roh aijo' hi aha da otaloakon.

1 KORINTUS 12:13

Sumo aitumo na kita iwi-iwi', mian nu Yahudi kabai misa' mian nu Yahudi, to posa-posaihon kabai to mia-mian bebas; kita iwi-iwi' pinalamandikanmo nu Roh-mo ai-aijo', da kita oposa'angu' hi butong i Kristus aijo'. Kita iwi-iwi' suele mongoa'i kuasa nu Roh anu sa'a-sa'angu'mo aijo' sampe sukup.