YOHANES 1:29 - KITAB NU TUMPU ALLA LELE MA'IMAI'

²⁹ Dodododopnyo, i Yohanes nontoa i Yesus namba mae hi ia. Lantas i Yohanes notatae, “Toa, aijo'mo na Anak Domba nu Tumpu Allah anu mongalini dosa' nu dunia.

YOHANES 1:29 ပူးပေါင်းရင်းမြစ်များ

NOSABATMO 28:38

Bunga-bunganyo mosoni' aijo' tionyo ahi' nupusok i Harun i siakannyo da Aku, Tumpu, montalima iwi-iwi' na anu osombahkon, anu nuboa mae nu mian Israel hi beleng-Ku, mau mule' aha anu momboa mae anu osombahkon aijo' nombaumo kasala'an.

YESAYA 53:10

Tumpu mongkahanda' da ia sansala, ka' nombee'mo butongnyo susumo koloban pongalini dosa'. Sahingga ia mantan na umun ka' montoa tulunannyo, kalana ia sahingga kahanda' nu Tumpu timbalimo jadi.

YESAYA 53:11

Kalana aitu Tumpu notataemo, “Salatan lapas mo na mongoa'i kasansala'an, ia bilahije ka' sanangmo na kinyonyoanyo. Posaihon-Ku aijo', na momposanang kinyonyoang-Ku, nontanggungmo hukuman nu aha mian da'isan; kalana ia Aku mongampunimo aha.

YESAYA 53:7

Talalo ahi' pinoko idek na nombau ia, panyo tinanggung nyomo ahi' nu sabaan. Ia madi' nombuka' nganga'nyo susumo anak nu domba anu oboamo i pongkolotan kabai tina nu domba anu okiismo na bulunyo.

HOSEA 14:2

Pinsusule'mo mae hi Tumpu na belemiu o bansa Israel! Dosa' nu belemiu nonsaduakonmo sahingga belemiu tinompaleda'mo ka' tinombahangkangmo.

IMAMAT 10:17

“Kadaka' koloban bau pongampuni dosa' aijo' madi' kinaan nu belemiu i tampat anu susi'? Koloban aijo' talalo hondo susi', Tumpu nombee'mo hi belemiu, da dosa' nu aha mian Israel o ampunimo.

ZAKHARIA 13:1

Tumpu Anu Daka' na Kuasanyo notatae, “I sinaa aijo' mimpusesemo mae sa'angu' na mata nu uee da momposusi' lee' mae i Daud tiba mian anu jojoong i Yerusalem da madi'mo baladosa' ka' mule' palasombahan hi pilogot anu lewa-lewa'mo binau nu aha.

NOMBILANGMO 18:1

Tumpu notataemo hi Harun, “Beleyum, to ana-anak nu beleyum tiba aha mian nu Lewi tionyo ahi montanggungi kasala'an apaa na anu timbali i Kemah-Ku, panyo ola beleyum tiba to ana-anak nu beleyum na tionyo ahi' montanggungi de sala' na pakalaja'an nu to ima-imam.

NOMBILANGMO 18:23

Otampu'uni uuka aiya ola aha mian nu Lewi na timbali mongkalesang Kemah-Ku ka' anu montanggungi hondo pakalaja'an aijo'. Atulan aijo' opake suele hi lee' nu belemiu sampe toka sidu-sidutu'. Aha mian nu Lewi madi' ko pombagian apa-apaa i Israel,

NOMBILANGMO 21:9

Sahingga i Musa nombaumo ulo tambaga ka' pinotedangnyomo i sa'angu' na kau' anu gagana mantan. Batu-batu mian anu bunahe'mo nu ulo haha aijo' timbali ma'alin de montoamo ulo tambaga aijo'.

MATIUS 1:21

I Maria mohampeakonje samian na anak mo'ane. Anak aijo' tionyo nu sanggohi i Yesus, kalana Ia na momposalamat mian anu palesayamo hi Ia lengkat i dosa' nu aha.”

MATIUS 20:28

Pokakana sumo Anak nu Mian aijo' suele Ia toka misa' da okalibosi, panyo da mongkalibosi, ka' mombee' nyawa-Nyo bau pompobebas mian da'isan.”

YOHANES 1:35

Dodododopnyo i Yohanes po'ule' mule' daagi' i tampat aijo' tiba ua'aha na anu saja' mombatuki ia.

YOHANES 1:36

Salatan tinoanyo na i Yesus notulu, ia notatae, “Toa! Aijo'mo na Anak Domba nu Tumpu.”

YOHANES 1:43

Dodododopnyo i Yesus nompatikolomo namba i Galilea. Ia siningkabot ka' i Filipus, ka' notatae hi ia, “Imbo' batuki na Aku!”

YOHANES 2:1

Kino uwansinaanyo daagi' ko bau-bauon po'osoan i kota Kana i tano' nu Galilea, ka' tina i Yesus daagi' i kiijo' mae.

YOHANES 3:16

Kalana sumo aitu na Tumpu mongkalibosi mian i dunia aiya, sahingga Ia nombee' Anak-Nyo samba-sambatunyo da ihehe na mian anu palesaya hi Ia madi' mohumpak ka'idekan, panyo mohumpak kantumuu'an talakana' ka' sampe toka sidu-sidutu'.

YOHANES 4:42

Aha notatae hi boune aijo', “Kami palesayamo uuka aiya, misa' ola kalana apaa na anu tinaloakonmo nu beleyum hi kami, panyo kalana posi ihongomo mami na Ia, ka' nonsumbu'mo taalu' memang Ia anu Momposalamat dunia.”

YOHANES 6:51

Akumo na roti nintatau' mae lengkat i suluga' – roti anu mombee'i kantumuu'an. Mian anu mongkaan roti aiya tumuu' sidu-sidutu'. Roti anu Kubee' da bau kantumuu'an nu mian i dunia aijo'mo butong-Ku.”

SISIKON NU TO RASUL-RASUL 8:32

Aiyamo na to aya-ayat anu binasa'nyo aijo', “Ia sumomo domba anu pinungu da o kolot, susumo anak nu domba anu madi' molokak de bulunyo o gunting, sumo aijo'mo na Ia madi' notatae santaa' pe'e.

1 KORINTUS 15:3

Apaa na anu pinotokangkumo hi to Utu-utus, atina'mo na anu titinalimangkumo suele. Anu penting, sumo anu tinulismo i Kitab nu Tumpu, pinotokangkumo hi komiu saba' i Kristus sinilaka kalana to dosa-dosa'to;

2 KORINTUS 5:21

I Kristus madi' baladosa', panyo Tumpu nompotimbalimo Ia bau pontokong dosa'to, da kita nompo'ule' na'ima' tiba Tumpu Allah kalana nosa'angu'mo tiba i Kristus.

GALATIA 1:4

Mohongo-hongo pongka'oho' nu Tumpu Tuumanto, i Kristus nombee'mo butong-Nyo kinolobanakon pinontokong to dosa-dosa'to, da kita nu posalamat i tempo' anu ma'idek aiya.

GALATIA 3:13

Panyo i Kristus nompobebasmo kita da boli nu kona nu kutuk ola kalana atulan nu agama. Ia nombau han aijo' nompopilayamo butong-Nyo kinutukan kalana monginau' kita. Kalana i uno nu Kitab nu Tumpu tinulismo, “Kinutukanmo na mian anu sinilakamo pinokalayo' i ohi' kau'.”

1 TIMOTIUS 2:6

Ia samian na manusia anu nombee'mo butong-Nyo da mompobebas iwi-iwi' na mian i to dosa-dosa' nu aha. Tiba jalan aijo' Tumpu Allah nompoto'imo tempo'nyo anu tinantukanmo, kalana Ia mongkahanda'i da iwi-iwi' na mian oposalamat.

TITUS 2:14

Ia nongkulubanakonmo butong-Nyo kalana kahanda' mompobebas kita da iwi-iwi' na anu ma'idek bolimo obaunto, ka' mompotimbalimo kita mian anu binebasmo madi'mo ko dosa'nyo ka' samata-mata iamo na tumpu-Nyo, ka' makekemo na mombau anu ma'ima'.

IBRANI 1:3

Iamo na mompotoa katalasanggoan nu Tumpu anu talalo hondo ko angga'nyo; Iamo na gambalan nu butong nu Tumpu anu manasa hondo. Iamo suele na mompotuu' kahosonan nu songko-songko na dunia aiya nu potatae-Nyo anu talalo hondo matangkas na kuasanyo. Noko lapas na Ia nontokong mian da madi'mo nukona nu hukuman nu dosa' na aha, Ia sinumuhangmo i kasuhangan kiita' i suluga' hingga-hinggat tiba Tumpu Anu Matangkas na kuasanyo.

IBRANI 2:17

Aiyamo na alati'nyo sahingga Ia tionyo timbali pokakana sumo to utu-utus-Nyo i uno nu iwi-iwi na han. Ka' tiba jalan anu sumo aijo' Ia noko alamo tinimbali Imam Daka' anu mohongo-hongo ka' anu ko kalibosan-Nyo. Kalana Ia nombaumo anu sumo aijo', sahingga dosa' nu mian ingampunanmo.

IBRANI 9:28

Sumo aitu mule' na i Kristus ola minsan na sinombahkon salaku koloban mompobelesi dosa' nu mian da'isan. Ia po'ule'je toka kopinduannyo, misa' pa' kahanda' mongulusmo palakala nu dosa', panyo momposalamatmo to mia-mian anu saja' montanda'i katokaan-Nyo.

1 PETRUS 1:19

panyo anu ko angga'nyo hondo; aijo'mo posi butong i Kristus anu tinimbalimo salaku domba, anu kinolobanakon hi Tumpu anu madi' ko panyakitnyo kabai ko kakulangannyo.

1 PETRUS 2:24

Posi i Kristus na nonsimbu to dosa-dosa'to i butong-Nyo aita' i kau' salib da kita opobebas i kuasa nu dosa', ka' tumuu' mombatuki pongka'oho' nu Tumpu. Iwi-iwi' bela i Kristus na anu mompa'alin belemiu.

1 PETRUS 3:18

Kalana i Kristus sinilaka ola minsan sampe toka sidu-sidutu' kalana dosa' nu manusia – samian anu madi' ko sala'nyo sinilaka kalana monsawani mian anu ko sala'nyo. I Kristus nombau sumo aijo' da Ia timbali molaya' belemiu toka hi Tumpu. Ia sinilakan ola butongnyo biasa, panyo po'ule' pinotumuu' nimbutongmo nu rohani.

1 YOHANES 2:2

I Yesus Kristus na mombolosakon da iwi-iwi' na dosa'to o ampuni. Ka' misa' ola dosa'to panyo suele tiba dosa' nu iwi-iwi' mian.

1 YOHANES 3:5

Osumbu' miu saba' i Kristus toka mae da monsapui to dosa-dosa' nu mian, ka' memang madi'mo ko dosa'nyo i uno nu butong-Nyo.

1 YOHANES 4:10

Aiyamo na kalibosan: Misa' kita na anu nongkalibosimo Tumpu Allah, panyo Tumpu na anu nongkalibosimo kita, ka' anu nonsaimo mae Anak-Nyo da kalana Ia, dosa'to iwi-iwi' nohumpakmo ka'ampunan.

ANU PINOTO'I HI YOHANES 1:5

ka' lengkat mae hi Yesus Kristus, sakisi anu mohongo-hongo. Iamo na anu sinilaka po'ule' pinotumuu' momona, ka' Iamo na anu mongkuasai to tomu-tomundo nu dunia. I Yesus mongkalibosi kita, ka' kalana Ia sinilakamo aijo' sahingga Ia nompobebasmo kita da madi'mo o hukum kalana dosa'to, haha aijo'.

ANU PINOTO'I HI YOHANES 12:11

To Utu-utusto nompokalamo ia tiba baso' nu Anak nu Domba aijo', ka' tiba lele anu totu'u lengkat mae hi Tumpu anu pinolelemo nu aha. Aha sanang na nongkulubanakonmo nyawa nu aha sampe inate.

ANU PINOTO'I HI YOHANES 13:8

Binatang aijo' na nu sombah nu iwi-iwi' mian anu tumuu' i uno nu dunia, sambiha'nyo to mia-mian anu sanggonyo noko daputanakonmo ma'isa pe'e dunia pinotimbali, i uno nu kitab nu mian anu tumuu', tumpu'nyo aijo'mo Anak nu Domba anu ki kinolotmo.

ANU PINOTO'I HI YOHANES 14:1

Lapas aijo' aku nontoamo, Anak nu Domba aijo' tinjo-tinjo aita' i Bungkutnyo nu Sion. Tiba Ia, daagi' mule' ko 144.000 na mian ka' i siakan nu aha toto samian bubu' tinulis na sanggo-Nyo ka' sanggo nu Tuuma-Nyo.

ANU PINOTO'I HI YOHANES 14:10

mian aijo' na monginum anggur nu Tumpu, aijo'mo anggur nu tambuha'-Nyo anu i lambe'-Nyomo i tampat pongisiannyo anggur anu madi' o ga'ai sangkiding pe'e! Iwi-iwi' na mian aijo' osakisamo i uno nu apu ka' belelang i ahop nu to mala-malaikat anu susi', ka' i ahop nu Anak nu Domba aijo'.

ANU PINOTO'I HI YOHANES 14:4

Aha aijo' to mia-mian anu saja' belesi' sumo langkoyang anu tumimpasje, kalana ma'isa toho' noduhus tiba boune. Aha mombatuki Anak nu Domba mau mule' pa' moya na Ia mamba. Iwi-iwi' na mian, olamo aha na anu pinobebas salaku anu sinombahkonmo momonanyo hi Tumpu ka' hi Anak nu Domba.

ANU PINOTO'I HI YOHANES 15:3

Ka' aha nonyanyiakon nyanyian i Musa, posaihon nu Tumpu Allah, ka' nyanyian nu Anak nu Domba. Sumo uuka na koonyo, “Tumpu, Tumpu Anu Matangkas na kuasanyo. Palias hondo na kodaka'nyo ka' okabangangi na iwi-iwi' anu binaumo nu Belento! Tomundo nu bansa iwi-iwi', palias na ko adinnyo ka' totu'u apaa na anu binaumo nu Belento!

ANU PINOTO'I HI YOHANES 17:14

Aha mahampateje mongewa Anak nu Domba aijo'. Panyo Anak nu Domba aijo' tiba anu saja' mombatuki Ia, anu tulu-tulutan hondo ka' anu ilaga-Nyomo ka' pinile'an-Nyomo aijo' na mompatundu' tomundo haha aijo', kalana Iamo na Tumpu nu iwi-iwi na Tuan, ka' Tomundo nu iwi-iwi na to tomu-tomundo.”

ANU PINOTO'I HI YOHANES 19:7

Imbo' da kita balame-lame' ka' bilahi; imbo'mo da kita mompuji' katalasanggoan-Nyo! Kalana tinokamo i sinaa ponika'an anu montoongi sanggo Anak nu Domba aijo', ka' boting-Nyo sinadiamo da oponika'mo.

ANU PINOTO'I HI YOHANES 19:9

Lantas malaikat aijo' notataemo hi belengku, “O tulis na aiya: ‘Mohumpak ka'ima'an na anu i lagamo mamba i bau-bauon pinonika'an Anak nu Domba aijo'.’ ” Lapas mule' malaikat aijo' nompaka potatae mule', “Aiyamo na lele anu totu'u lengkat mae hi Tumpu.”

ANU PINOTO'I HI YOHANES 21:14

Mesen nu kota aijo' pinotinjo i bawo nu sampulu' ka' ohua' na batu katinjoannyo. I batu katinjoannyo haha aijo' tinulis na iwi-iwi' na sanggo nu sampulu' ka' ohua' na rasul nu Anak nu Domba aijo'.

ANU PINOTO'I HI YOHANES 21:27

Panyo mian anu mombau hahan anu pahengas kabai mian anu baleko' – o ala kodo-kodo' mau mule' apaa na anu mahenyu, madi' hondo-hondo minsoop i unonyo. Anu minsoop ola ahi' mian anu sanggonyo kiijo' tuli-tulis i uno nu Kitab nu Mian anu Tumuu', Kitab Anak nu Domba aijo'.

ANU PINOTO'I HI YOHANES 21:9

Sala'samian anu aijo' hi aha popitu' na malaikat anu nontoongimo tampat haha aijo' nu anggur anu nobuke'mo nu popitu' na balaa' anu imihinyo aijo', tinokamo hi belengku ka' notatae, “Imbo'! Ku potiju'je hi beleyum na Boting, aijo'mo bengkele' nu Anak nu Domba.”

ANU PINOTO'I HI YOHANES 5:6

Lapas aijo', aku nontoa sa'angu' na Anak nu Domba tinuminjo aijo' i totonga' nu kasuhangan aijo', tinikubanmo nu malaikat opat ka' iwi-iwi' na to pola-polaya' haha aijo'. Anak nu Domba aijo', otoa sumo anu kinolotmo. Ia ko tanduknyo popitu' ka' popitu' na matanyo: Aijo'mo popitu' na Roh lengkat mae hi Tumpu anu sinaimo mae mamba i songko-songko na dunia.

ANU PINOTO'I HI YOHANES 5:8

Hau-haunyo Anak nu Domba aijo' nombaumo sumo aijo', opa-opat na malaikat ka' uampulu' ka' opat na to pola-polaya' haha aijo' dinumaladupumo i ahopnyo. Aha toto samian montoongi kasapi ka' mangko' mosoni' anu ko isinyo kamangian, aijo'mo iwi-iwi' na do'a nu mian anu pinalesayamo hi Tumpu.

ANU PINOTO'I HI YOHANES 6:1

Lapas aijo' aku nontoamo Anak nu Domba aijo' nombeak segen anu momona i sala'sa'angu' na segen anu popitu' aijo'. Lantas aku nohongomo aha opat na malaikat aijo', samian na notatae, “Imbo'!” Onyi' nu potataenyo aijo' sumo onyi' nu gohung.

ANU PINOTO'I HI YOHANES 6:16

Hi to bungku-bungkutnyo ka' batu haha aijo', aha noloboo'mo, “Tuda' mae na kami! Posulukakon na kami da boli Nutoa nu anu sumuhang aita' i kasuhangan aijo', ka' da boli mohumpak tambuha' hi Anak nu Domba aijo'!

ANU PINOTO'I HI YOHANES 7:14

“Aku madi' monsumbu', Tuan. Posi i Tuanmo na monsumbu',” tinaamanku. Sahingga ia notatae hi belengku, “Aiyamo na to mia-mian anu sinalamatmo anu noko lapasmo na nongoa'i kasansala'an anu daka' hondo. Aha nombaso'imo juba' nu aha nu baso' nu Anak nu Domba aijo' da mopute'.

ANU PINOTO'I HI YOHANES 7:17

kalana Anak nu Domba anu sinumuhang i totonga'nyo aijo' timbalimo bau polaya' nu aha. Ia na molaya' aha mokiijo' i mata nu uee anu mombee'i kantumuu'an. Ka' Tumpu na mongambu'ije iwi-iwi' na lolu' nu aha.”