YOHANES 1:19 - KITAB NU TUMPU ALLA LELE MA'IMAI'

¹⁹ To mia-mian Yahudi anu ko kuasa i Yerusalem nompokau to ima-imam ka' to mia-mian nu Lewi namba hi Yohanes, ka' nompokilawa hi ia, “Beleyum aiya ihe?”

YOHANES 1:19 ပူးပေါင်းရင်းမြစ်များ

YOHANES 1:7

Ia toka mombebakon jingka aijo', da iwi-iwi' na mian palesaya.

YOHANES 10:24

salatan to mia-mian nu Yahudi tinoka sinilimu'mo titikub hi Yesus. Aha notataemo, “Ipian na kopinnyo Beleyum mompopilaya kami bata-bata? Taloakonmo mae sahondo-hondonyo, de Beleyum totu'u Tomundo' anu Momposalamat.”

YOHANES 10:31

Lantas to mia-mian nu Yahudi po'ule'mo nongala batu bau pombunu' i Yesus.

YOHANES 11:19

Da'isan na mian nu Yahudi tinoka hi Marta ka' hi Maria mongindeko' aha, kalana utus nu aha sinilakamo.

YOHANES 2:18

To mia-mian anu mongkuasai Yahudi nonggagakon i Yesus, koonyo nu aha, “Soba pombau anu okabangangi salaku tanda hi kami, momponyata' taalu' Beleyum ko hak mombau sumo aiya.”

YOHANES 2:20

Lantas aha notatae, “Patompulu' anom na taun na kopinnyo nompotinjo Laigan nu Tumpu aiya. Ka' Beleyum na mongka' oho' po'ule' mompotinjo na ola tolun sinaa?”

YOHANES 5:10

Kalana aijo' anu mongkuasai Yahudi notatae hi mian anu sala'je na'alin aijo'. “Sinaa aiya sinaa nu Sabat. Beleyum madi' timbalimo hangkat ampasum.”

YOHANES 5:15

Lantas inamba na mian aijo' ka' nompoto'i hi anu mongkuasai Yahudi, tukoonyo i Yesus na nompa'alin ia.

YOHANES 5:16

Ka' kalana aijo' aha nontampu'unimo monguesani Yesus, kalana Ia nompa'alin i sinaa nu Sabat.

YOHANES 5:18

Potatae aijo' nombau aha anu mongkuasai Yahudi lebe molio jalan da mompatei Ia. Aha mombau sumo aijo', misa' ola kalana Ia molanggai atulan nu agama mongkona sinaa nu Sabat, panyo mule' kalana Ia notatae tukoonyo Tumpu aijo' Tuuma-Nyo; alati'nyo Ia mompokakanakon Tumpu tiba butong-Nyo.

YOHANES 6:41

To mia-mian nu Yahudi nontampu'unimo mompisala'i Yesus, kalana Ia notatae: “Aku roti anu nintau' mae lengkat i suluga'.”

YOHANES 6:52

Nohongo aijo', to mia-mian nu Yahudi pinainggagamo samian ka' samian. “Mosia na mian aiya timbali mombee' butong-Nyo hi kita da okaan?” tukoonyo nu aha.

YOHANES 7:1

Lapas aijo' i Yesus nambamo noyaya i Galilea. Ia madi' mongka'oho' mamba i tano' nu Yudea kalana anu mongkuasai Yahudi i kiijo' mae kahanda'mo mompatei Ia.

YOHANES 7:11

Tempo'nyo nu lamean aijo', anu mongkuasai Yahudi saja' molio Ia ka' saja' moleleki, “Iyamae na Ia?”

YOHANES 7:15

Anu mongkuasai Yahudi binangang hondo ka' notatae, “Mosia na mian aiya ka' manjoo' na anu nusumbu', padahan Ia madi' toho' nosikolah?”

YOHANES 8:22

Saba' anu mongkuasai Yahudi notatae, “Ugaat Ia mongka'oho'mo minoo', kalana Ia nontaloakonmo, ‘I tampat kalambanan-Ku madi' opoko toka miu.’ ”

YOHANES 8:48

To mia-mian nu Yahudi aijo' nontaami, i Yesus, “Te misa' totu'u na potatae mami, Beleyum mian nu Samaria anu pininsoopanmo nu setan?”

YOHANES 8:52

Lantas to mia-mian nu Yahudi aijo' notatae hi Yesus, “Uuka sinumbu'mo mami, Beleyum aiya totu-totu'u pininsoopanmo nu setan! I Abraham pe'e natemo, sumo aitu na nabi iwi-iwi'. Panyo Beleyum motatae, ‘Mian anu mombatuki potataeng-Ku, sidu-sidutu' madi' mate.’

YOHANES 8:57

Lantas to mia-mian nu Yahudi notatae hi Yesus, “Umun Nu Beleyum ma'isa pe'e limampulu' na taun, ka' Beleyum nontoamo i Abraham?”

SISIKON NU TO RASUL-RASUL 13:25

Ka' ohanimo mompomingkot kalajanyo, i Yohanes notatae hi to mia-mian, ‘De ponsumbu'an miu, ihe na aku aiya? Aku misa' Mian anu otanda-tanda'i miu. Inau', Mian aijo' tokaje lapas na aku; mombukai sapatu-Nyo pe'e aku madi' timbali.’

SISIKON NU TO RASUL-RASUL 19:4

Lantas i Paulus notatae, “I Yohanes mompalamandikan mian da momponyata' saba' to mia-mian aijo' binalatobatmo madi'mo mombau dosa-dosa' nu aha. Panyo hau-haunyo aijo' mule' i Yohanes nompoto'imo hi to mia-mian Israel tukoonyo aha tionyo palesaya hi Mian anu tokaje mae lapas na ia, aijo'mo i Yesus.”

PO'ULE' INGULIT 24:8

De daagi' ko panyakit kilit anu monsilakai, bau ima-ima' apaa na anu pinalentahkonmo nu to ima-imam Lewi hi belemiu; obatuki na pokinde' iwi-iwi' anu binee'kumo hi aha.

1 YOHANES 1:5

Aiya na lele anu i hongomo mami lengkat mae hi Anak-Nyo ka' anu opotokamo mami hi komiu: Tumpu aijo' jingka, ka' hi Ia madi' hondo-hondo kokapintungan.