YOHANES 1:18 - KITAB NU TUMPU ALLA LELE MA'IMAI'

¹⁸ Madi' ko anu toho'mo nontoa Tumpu, de misa' anak nu Tuuma anu samba-sambatumo, anu pokakana tiba Tuuma ka' anu mompahakona hondo Ia. Ia na anu momponyata' Tuuma hi kita.

YOHANES 1:18 ပူးပေါင်းရင်းမြစ်များ

KAJADIAN 16:13

I Hagar nompotutugakonmo i uno nu kinyonyoanyo, “Pa' totu'u na aku montoamo Tumpu Allah anu mompalahatikan mae kantumuu'anku?” Sahingga ia nonsanggomo Tumpu anu notataemo mae hi ia, “O Tumpu Allah anu Mompalahatikan mae Kantumuu'anku”.

KAJADIAN 18:33

Noko lapas binasisik tiba i Abraham, Tumpu nambamo, i Abraham suele ninsusule'mo i laigannyo.

NOSABATMO 23:21

O intomakon ka' otuluti na ia. Boli moto idek hi ia kalana ia Aku na nonsai ka' ia madi' mongampuni kasala'an nu belemiu.

NOSABATMO 24:10

ka' aha nontoamo Tumpu Allah nu aha Israel tinuminjomo aita' mae anu lupanyo sumo salo, te batu mainan na binau buhitnyo mobilu' sumo langit najingkamo.

AMSAL 8:30

Aku kiijo' isohipi'-Nyo salaku anak anu Nu kalibosi hondo. Sansina-sinaa aku saja' momposanang kinyonyoa-Nyo, saja' aku maha-mahaik i ahop-Nyo.

YESAYA 40:11

Susumo samian na polaya' nu binatang na Ia mompotuu', potuu'on-Nyo; Ia na nomposihuk aha. To ana-anak nu domba Nu tangkung mae, madi' Ia monsigohi mae na montuntuni to tina-tinanyo.

MOHAANGI 2:12

Nalawemo hondo na aha lewa' ihumaang momoita mongkaan ka' monginum hi tinanyo Susumo mian anu binelaonmo aha tinombahangkangmo tutuus jalan lantas sinilakamo tangku-tangkung hi tinanyo.

NOMBILANGMO 12:8

Ka' Aku motatae tiba ia mompaha ahop, ka' anu sahondo-hondonyo, madi' mongande-andeakon. Ka' mule' ohup-Ku tinoanyomo! Kadaka' belemiu baani mompisala'i i Musa, posaihon-Ku aijo'?”

MATIUS 11:27

Lantas i Yesus notatae, “Iwi-iwi na apaa pinotalimamo nu Tuuma hi beleng-Ku. Madi' ko samian pe'e monsumbu' Anak, de misa' Tuuma. Madi' mule' ko anu monsumbu' Tuuma de misa' Anak, ka' to mia-mian maumo ihe na Anak aijo' monsisikakon Tuuma.

LUKAS 10:22

Iwi-iwi' na apa-apaa binee'mo nu Tuuma hi beleng-Ku. Madi' ko samian pe'e monsumbu' Anak, de misa' Tuuma. Madi' mule' suele ko anu monsumbu' Tuuma, de misa' Anak; ka' to mia-mian pa' hi he na anu nukahanda'i nu Anak aijo' pomposumbu'annyo Kita Tuuma.”

YOHANES 1:14

Potatae nu Tumpu tinimbalimo mian, Ia jinojoongmo aiya hi kita, ka' kita nontoamo katalasanggoan-Nyo. Katalasanggoan-Nyo tinalimanyomo salaku anak sa'a-sa'angu'nyo nu Tuuma. Kalana Ia, sahingga kita nontoamo Tumpu ka' kalibosan-Nyo hi kita.

YOHANES 12:41

I Yesus notatae sumo aijo' kalana ia nontoamo kadaka'an i Yesus, ka' nonsisikmo mongkona Ia.

YOHANES 13:23

Anu saja' mombatuki nunu kalibosi Yesus suha-suhang i sohipi' i Yesus.

YOHANES 14:9

Panyo i Yesus nontaami, “Sumo u'ukamo na kinopiinnyo Aku no'imboa tiba komiu, ka' madi' mule' beleyum monsumbu' Aku, Filipus? Mian anu nontoamo Aku, nontoamo Tuuma. Mosia ka' beleyum timbali notaloakon, ‘Potiju'akon mae na Tuuma hi kami’?

YOHANES 17:26

Aku nompoto'imo sanggo nu kita Tuuma hi aha; ka' saja' Kubau sumo aitu, da liibos nu kita Tuuma hi beleng-Ku tataap i uno nu kinyonyoa nu aha, ka' Aku mosa'angu' tiba aha.”

YOHANES 17:6

Aku nomposumbu'mo kita Tuuma hi to mia-mian i dunia aiya anu binee'mo nu kita Tuuma hi beleng-Ku. Aha, kita Tuuma na tumpunyo, ka' kita Tuuma nombee'mo aha hi beleng-Ku. Aha nohongo-hongomo potatae nu kita Tuuma.

YOHANES 3:11

Palesayamo: kami monsisik ola apaa na anu osumbu' mami, ka' kami timbali sakisi ola apaa na anu tinoamo mami; panyo komiu madi' mongka'oho' montalima anu sinakisian mami.

YOHANES 6:46

Aijo' misa' alati'nyo au'aitu daagi' ko mian anu nontoamo Tuuma. Ola Ia anu tinoka lengkat mae hi Tumpu na anu nontoamo Tuuma.

2 KORINTUS 4:4

Pilogot ide-idek anu mongkuasai dunia aiya nongkulubimo pikilan nu to mia-mian anu madi' palesaya aijo'. Iamo na lewa' molingkang aha da aha madi' montoa jingka nu Lele Ma'ima' aijo' mongkona katalasanggoan i Kristus, anu salaku gambalan nu Tumpu Allah.

PO'ULE' INGULIT 4:12

Lapas aijo' Tumpu notataemo hi belemiu aijo' mae i apu, ka' i hongomo nu belemiu na potatae-Nyo, panyo madi' nontoa Ia pa' mosia na balu-balu'nyo.

KOLOSE 1:15

I Kristus te gambalan nu butong nu Tumpu anu madi' kantoan; i Kristus te anak anu tumpe, lebe penting molingkudui iwi-iwi' apaa na anu pinotimbalimo.

1 TIMOTIUS 1:17

Tumpu, Tomundo sampe toka sidu-sidutu', tionyo o'angga'i ka' saja' o puji', kalana Iamo na anu tumuu' sampe toka sidu-sidutu' anu madi' otoa ka' ola sa'a-sa'angu'nyomo! Amin.

1 TIMOTIUS 6:16

Olamo Ia na anu madi' opoko kuasai nu kapatean; Ia tumuu' i uno nu jingka anu madi' opoko ohani maumo pa' ihe. Madi' ko samian pe'e na manusia anu toho'mo nontoa Ia, kabai anu moko ala montoa Ia. Olamo Ia na o'adati, ka' kakuasa'an-Nyo sampe toka sidu-sidutu'! Amin.

YOSUA 5:13

Daagi' kino sansinaan i Yosua kiijo' mae madi' majo'on lengkat i Yerikho. Monti-montik ia nontoamo samian na mo'ane tinuminjo i ahopnyo ka' bajaknyo kineatnyomo. I Yosua nongohanimo mian aijo', ka' nompokilawa, “Beleyum aiya sangalu, kabai sampobali'?”

1 YOHANES 4:12

Madi' ko samian pe'e na anu toho'mo nontoa Tumpu, panyo de kita mompaha kali-kalibosi, Tumpu mosa'angu'mo tiba kita, ka' kalibosan-Nyo ganaapmo i butongto.

1 YOHANES 4:20

De samian motatae, “Aku mongkalibosi Tumpu,” panyo ia madi' mongkalibosi utusnyo, mian aijo' baleko'. Kalana mian anu madi' mongkalibosi utusnyo anu nutoa, madi' moko ala mongkalibosi Tumpu anu madi' nutoa.

1 YOHANES 4:9

Tumpu nompopiamo kalibosanan-Nyo hi kita, aijo'mo, nonsaimo mae Anak-Nyo anu sa'a-sa'angu'nyomo tinoka i dunia da kita mohumpak kantumuu'an hi Anak-Nyo aijo'.

1 YOHANES 5:20

Osumbu'to saba' Anak nu Tumpu tinokamo ka' nompopangalati'mo kita, da kita monsumbu' Tumpu anu totu'u. Kita tumuu' nosa'angu'mo tiba Tumpu anu totu'u, ka' tumuu' mosa'angu'mo tiba Anak-Nyo i Yesus Kristus. Aiyamo na Tumpu anu totu'u, ka' aiyamo na kantumuu'an anu kopian ka' sampe toka sidu-sidutu'.