YOHANES 1:17 - KITAB NU TUMPU ALLA LELE MA'IMAI'

¹⁷ Atulan nu Tumpu otalimanto hi Musa. Panyo liibos ka' kanonongan nu Tumpu pinonyata'-Nyomo hi Yesus Kristus.

YOHANES 1:17 ပူးပေါင်းရင်းမြစ်များ

KAJADIAN 22:18

Iwi-iwi' na bansa i dunia mongkakaseje hi belengku da Ku balakati na aha susumo Aku nombalakatimo lee' nu beleyum – kalana beleyum nontulutimo palentah-ngKu.”

KAJADIAN 3:15

Oko ka' boune aijo' saja' mompaha ka'i-ka'ideki, lee'nyo ka' lee'um saja' mompahabali'. Lee'nyo mohansuni ubakum ka' oko monsa'u pantigan nu aha.”

MAZMUR 85:10

Memang Ia ko kahanda' momposalamat anu tulu-tulutan. Tumpu anu talasanggo hondo jojoongmo i lipu'to aiya.

MAZMUR 98:3

Ia nonginau'mo kalibosan ka' kanonongan-Nyo, hi Israel, hi mian anu palesayamo hi ia. Iwi-iwi' na bansa, i songko-songko na dunia nontoamo ka'untungan nu Tumpunto nahampate.

YOHANES 1:14

Potatae nu Tumpu tinimbalimo mian, Ia jinojoongmo aiya hi kita, ka' kita nontoamo katalasanggoan-Nyo. Katalasanggoan-Nyo tinalimanyomo salaku anak sa'a-sa'angu'nyo nu Tuuma. Kalana Ia, sahingga kita nontoamo Tumpu ka' kalibosan-Nyo hi kita.

YOHANES 14:6

I Yesus nontaami, “Akumo na jalan da osumbu' na Tumpu Allah, ka' pohumpakan kantumuu'an. Madi' ko samian pe'e moko ala toka hi Tuuma, de madi' montului Aku.

YOHANES 18:37

Lantas i Pilatus nompokilawamo hi Ia, “Desumo aitu Beleyum tomundo'?” I Yesus nontaami, “Beleyum notatae, Aku aiya tomundo'! Aku i hampe ka' tinoka i dunia daagi' ko sa'angu' na kahanda' aijo'mo mombee'i katalangan mongkona kahondoan. Mian anu lengkat mae i kahondoan aijo' mohongo Aku.”

YOHANES 5:45

Boli monsangka Aku mompisala'i komiu i ahop nu Tuuma. Ola ahi' anu mompisala'i komiu, aijo'mo i Musa, ia na anu otaha'imani miu.

YOHANES 7:19

Te misa' i Musa nombee'imo pale-palentah nu Tumpu hi beleyum? Panyo itina' hi komiu madi' ko anu mombatuki pale-palentah haha aijo'. Ka' kadaka' komiu kahanda'mo mompatei Aku?”

YOHANES 8:32

Sahingga komiu monsumbu' Tumpu anu totu'u, ka' kalana aijo' komiu o pobebasje.”

YOHANES 9:29

Osumbu' mami saba' Tumpu notataemo hi Musa. Panyo mongkona mian aijo', madi' osumbu' mami pa' iyamae na pinoleng katan-Nyo.”

SISIKON NU TO RASUL-RASUL 28:23

Sahingga aha ka' i Paulus nontantukanmo sa'angu' na sinaa da bau pompahakabotan. I sinaa aijo' dina'isan na mian tinoka nokiijo' i kajojoongan i Paulus. Lengkat pe'e subu tinoka mamalom, na i Paulus nontalangkan nompotoka hi aha lele mongkona mosia na Tumpu mompalentah sumo Tomundo'. To ayat-ayat lengkat i Kitab i Musa ka' Kitab nu to Nabi-nabi, na pinake i Paulus, ia mompagala da aha palesaya hi Yesus.

SISIKON NU TO RASUL-RASUL 7:38

I Musamo ai-aijo' hi aha bansa Israel i padang bone', anu nowakini malaikat nota-notatae i Bungkut nu Sinai tiba mompolee'to. Iamo na nontalima lengkat hi Tumpu lele anu moko tumuu' da opotokakon hi kita.

ROMA 6:14

Dosa' madi'mo timbali mongkuasai komiu, kalana komiu madi'mo tumuu' i 'aluk nu atulan nu agama Yahudi, panyo i balakatmo nu Tumpu.

2 KORINTUS 1:20

Kalana montului Ia Tumpu notataemo “Ii'” hi iwi-iwi' na anu jinanji'-Nyomo. Mimpu'u i aijo' sahingga kita montaloakonmo “Amin” hi Tumpu kalana i Yesus Kristus. Kami mombau sumo aijo' da Tumpu opopodaka'.

GALATIA 3:17

Anu kahanda' kupoto'i aiya: Janji' nu Tumpu binaumo ka' ingakuanmo imoonanyo. Atulan nu agama anu binee' 430 mo na taun noko lapas na aijo' madi' timbali momadi'akonmo anu ingakuanmo ka' mohapusmo anu jinanji'mo nu Tumpu aijo'.

PO'ULE' INGULIT 33:4

Atulan anu binee'mo i Musa tionyo ahi' otulutinto aijo'mo na halata' anu talalo hondo ko angga'nyo hi bansa aiya.

PO'ULE' INGULIT 4:44

Lantas i Musa nombee'imo atulan haha aiya ka' mule' palentah nu Tumpu Allah haha aiya hi bansa Israel.

PO'ULE' INGULIT 5:1

I Musa nomposihukmo iwi-iwi' na aha bansa Israel, lantas notataemo hi aha, “To Utu-utus, potombihing mae na atulan haha aiya anu ku bee' hi belemiu sinaa aiya. Opakalioi na atulan haha aijo' ka' otuluti boli okolilimi.

IBRANI 9:22

Memang atulan nu agama Yahudi, gagalan iwi-iwi na apaa oposusi' nu baso': ka' dosa' ola timbali o ampuni de daagi' ko baso' ojujuhakon.