YOHANES 1:15 - KITAB NU TUMPU ALLA LELE MA'IMAI'

¹⁵ I Yohanes tinoka salaku sakisi-Nyo, ia mompolele: “Aiyamo Ia na anu titinaloakonku: Ia toka lebe tongkoimihi, aku na moona toka, panyo lebe talasanggo molingkudui aku, kalana ma'isa pe'e ko akunyo, Ia polo-polo'mo daagi'.”

YOHANES 1:15 ပူးပေါင်းရင်းမြစ်များ

AMSAL 8:22

Aku pinotimbalimo nu Tumpu salaku anu imomona, akumo na hasin nu kalaja-Nyo anu momonanyo mae tempo'nyo naipuan mae.

YESAYA 9:6

Ia mompalentah salaku tomundo' lee' mae i Daud, kakuasa'annyo daka' hondo. Lipu'nyo saja'mo dame ka' mohumpakmo kantumuu'an ma'ima'; pamalentahannyo montoongi atulan tiba ka'adilan mulai uuka aiya sampe toka sidu-sidutu'. Tumpu Anu Daka' na Kuasanyo na tionyo mombau aijo'.

MIKHA 5:2

Jadi nu pojohokmo nu Tumpu na mian-Nyo anu palesayamo da nu kuasaimo nu sampobali' nu aha, sampeje boune anu tinantukanmo da timbali tinanyo nu anu mongkuasai aijo' mompohampemo Ia anu mongkuasai Israel. Lapas aijo' to mia-mian anu bubu' bansanyo anu kiijo' mae i tampat pinomboan ka' pinompojoongan aha po ule'mo oposa'angu' tiba bansa nu aha.

MATIUS 3:11

Aku mompalamandikan komiu nu uee da momponyata' saba' komiu binala tobatmo i dosa-dosa' miu; panyo lapas na aku tokaje mae na anu mompalamandikan komiu nu Roh nu Tumpu tiba apu. Ia lebe daka' molingkudui aku. Ka' momboa sapatu-Nyo pe'e aku madi' pantas.

MARKUS 1:7

Ia noleleakon sisik aiya, “Lapasje na aku, ka' toka na mian anu lebe daka' molingkudui aku. Ka' matiduku mombukai segot nu sapatunyo pe'e, aku madi' pantas.

LUKAS 3:16

Mokonyo aijo', i Yohanes notatae hi aha iwi-iwi', “Aku mompalamandikan komiu nu uee, panyo tokajemae na mian anu lebe daka' molingkudui aku. Mombukai segot nu sapatu-Nyo pe'e, aku madi' pantas. Nupalamandikanje na komiu nu Roh nu Tumpu ka' apu.

YOHANES 1:27

Aku tinoka momona, Ia imihije, panyo mombukai pomputi nu sapatu-Nyo pe'e, aku madi' pantas.”

YOHANES 17:5

Kita Tuuma! Popodaka'mo na Aku u'uka aiya hi kita Tuuma nu kadaka'an anu daagi' hi beleng-Ku, ka' hi kita Tuuma, ma'isa pe'e dunia aiya pinotimbali.

YOHANES 8:58

I Yesus nontaami, “Totu'u na anu Ku taloakon hi komiu: ma'isa pe'e i hampe na i Abraham, Aku polo-polo'mo daagi'.”

KOLOSE 1:17

Ma'isa pe'e iwi-iwi na apaa daagi', i Kristus momonanyo polo-polo'mo daagi'. Ka' kalana Ia ahi', sahingga iwi-iwi na apaa tinondaagi'mo i posi-posi tampatnyo.

IBRANI 13:8

I Yesus Kristus tataap pokakana mau naipuan mae, tempo' uuka, ka' sampe toka sidu-sidutu'.

ANU PINOTO'I HI YOHANES 1:11

Lewo' aijo' notatae, “Tulismo apaa na anu tinoaum, ka' pakatumo na kitab aijo' toka i popitu' na jama'at aijo'mo: Efesus, Smirna, Pergamus, Tiatira, Sardis, Filadelfia, ka' Laodikia.”

ANU PINOTO'I HI YOHANES 2:8

“Toka hi malaikat anu kiijo' i jama'at nu Smirna, tulismo sumo uuka: Aiyamo na potuunon lengkat mae hi Ia anu i momona ka' anu imihinyo – anu sinilakamo ka' po'ule'mo tinumuu'.