YOHANES 1:14 - KITAB NU TUMPU ALLA LELE MA'IMAI'

¹⁴ Potatae nu Tumpu tinimbalimo mian, Ia jinojoongmo aiya hi kita, ka' kita nontoamo katalasanggoan-Nyo. Katalasanggoan-Nyo tinalimanyomo salaku anak sa'a-sa'angu'nyo nu Tuuma. Kalana Ia, sahingga kita nontoamo Tumpu ka' kalibosan-Nyo hi kita.

YOHANES 1:14 ပူးပေါင်းရင်းမြစ်များ

MAZMUR 2:7

Notataemo na tomundo', “Ku bebakonmo apaa na anu tinantukanmo nu Tumpu. Ia notataemo hi belengku, ‘Beleyum ana-Ku mo'ane, sinaa aiya aku timbalimo Tuuma nu beleyum.

MAZMUR 45:2

Potatae anu toto ima-ima' nosabatmo mae lengkat ikinyonyoangku kusombahkonmo na laguku aiya hi tomundo'. Sumomo ahi' pena bau-bau pontulis nu samian na anu pande mongkalang nyanyian, jila'ku sinadiamo montaeakon sya'ir.

MAZMUR 85:9

Aku nohongomo potatae nu Tumpu; ia nonjanji'mo ka'ima'an nu kantumuu'an hi kita, mian anu palesayamo hi Ia, asan kita bolimo po'ule' mombau dosa'.

YESAYA 40:5

Sahingga kaholomatan nu Tumpu oponyata'mo; iwi-iwi' na manusia monsakisimo. Totu-totu'u, Tumpu binalajanji'mo!”

YESAYA 53:2

Tumpu mongkahanda'i da posaihon-Nyo aijo' susumo ahi' sulot mae nu kau' anu tumuu' i tano' anu nategesmo. Madi' ko anu ma'ima' na otoanto aijo' hi ia madi' ko anu ma'ima' na anu timbali o kamiluinto.

YESAYA 7:14

Uuka aiya posi Tumpumo na mombee'i tanda hi belemiu samian na langkoyang poboa'mo ka' mompohampemo samian na anak mo'ane anu osanggohimo Imanuel.

YEHEZKIEL 37:27

Aku jojoongmo tiba aha, Aku timbalimo Tumpu Allah nu aha ka' mule' aha timbalimo mian anu palesayamo hi beleng-Ku.

LUKAS 2:11

Sinaa aiya i kota Daud i hampemo na Tomundo anu Momposalamat komiu, aijo'mo i Kristus, Tumpu.

LUKAS 2:7

Ia nohampeakon samian na anak mo'ane, anaknyo anu tumpe. Anak aijo' sinabutannyo nu hude, ka' pinomale'nyo i tampat pompo'una'an hemput; kalana aha madi' nohumpak panumpangan.

LUKAS 9:32

Tempo'nyo aitu i Petrus tiba to sanga-sangalunyo kinahoyotanmo, panyo monti-montiik nobulamo ka' nontoa i Yesus jinongkilabanmo, ka' ua ua'aha na mian aijo' tinjo-tinjo tiba Ia.

YOHANES 1:1

Momonanyo, ma'isa pe'e dunia pinotimbali, Potatae nu Tumpu Allah polo-polo'mo daagi'. Potatae nu Tumpu sa'a-sa'angu'mo tiba Tumpu ka' Potatae nu Tumpu sumo-sumomo Tumpu.

YOHANES 11:40

I Yesus notatae hi Marta, “Te misa' tinaloakon-Kumo hi beleyum: De beleyum palesaya, nu toaje palias na kodaka'nyo na kuasa nu Tumpu!”

YOHANES 14:6

I Yesus nontaami, “Akumo na jalan da osumbu' na Tumpu Allah, ka' pohumpakan kantumuu'an. Madi' ko samian pe'e moko ala toka hi Tuuma, de madi' montului Aku.

YOHANES 14:9

Panyo i Yesus nontaami, “Sumo u'ukamo na kinopiinnyo Aku no'imboa tiba komiu, ka' madi' mule' beleyum monsumbu' Aku, Filipus? Mian anu nontoamo Aku, nontoamo Tuuma. Mosia ka' beleyum timbali notaloakon, ‘Potiju'akon mae na Tuuma hi kami’?

YOHANES 17:22

Aku nombee'imo aha kadaka'an anu binee' nu kita Tuuma hi beleng-Ku, da aha timbali mosa'angu' pokakana sumo kita suele sa'a-sa'angu'.

YOHANES 17:24

Kita Tuuma, Ku kahanda'i da aha anu binee'mo nu kita Tuuma hi beleng-Ku mogalum ka' Aku i tampat kajojoongan-Ku, da aha montoa kadaka'an-Ku; aijo'mo kadaka'an anu binee' nu kita Tuuma hi beleng-Ku, kalana kita Tuuma mongkalibosi Aku ma'isa pe'e dunia aiya pinotimbali.

YOHANES 18:37

Lantas i Pilatus nompokilawamo hi Ia, “Desumo aitu Beleyum tomundo'?” I Yesus nontaami, “Beleyum notatae, Aku aiya tomundo'! Aku i hampe ka' tinoka i dunia daagi' ko sa'angu' na kahanda' aijo'mo mombee'i katalangan mongkona kahondoan. Mian anu lengkat mae i kahondoan aijo' mohongo Aku.”

YOHANES 2:11

Aijo'mo na anu okabangangi momonanyo binau i Yesus. Binaunyo na aijo' i Kana i tano' nu Galilea. Tiba tanda aijo' Ia nompotoamo katalasanggoan-Nyo. Sahingga anu saja' mombatuki Ia, pinalesayamo hi Ia.

YOHANES 3:16

Kalana sumo aitu na Tumpu mongkalibosi mian i dunia aiya, sahingga Ia nombee' Anak-Nyo samba-sambatunyo da ihehe na mian anu palesaya hi Ia madi' mohumpak ka'idekan, panyo mohumpak kantumuu'an talakana' ka' sampe toka sidu-sidutu'.

YOHANES 3:18

Mian anu palesaya hi Ia madi' o hukum. Panyo anu madi' palesaya polo'mo i hukum nu Tumpu, kalana ia madi' palesaya hi Anak nu Tumpu anu sa'a-sa'angu'nyo.

YOHANES 6:51

Akumo na roti nintatau' mae lengkat i suluga' – roti anu mombee'i kantumuu'an. Mian anu mongkaan roti aiya tumuu' sidu-sidutu'. Roti anu Kubee' da bau kantumuu'an nu mian i dunia aijo'mo butong-Ku.”

YOHANES 8:32

Sahingga komiu monsumbu' Tumpu anu totu'u, ka' kalana aijo' komiu o pobebasje.”

SISIKON NU TO RASUL-RASUL 13:33

aijo' kinalaja'Nyomo hi kita tempo'nyo po'ule' nompotumuu' i Yesus lengkat i kapateannyo. Kalana i uno nu Mazmur anu ko ohua'nyo tinulismo, ‘Beleyum na Anak-Ku, i sinaa aiya Aku timbalimo Tuuma-Um.’

ROMA 8:3

Apaa na anu madi' opoko bau nu atulan nu agama, kalana kita mian madi' moko ala mombau, aijo' binaumo nu Tumpu. Tumpu nohungku'imo kuasa nu dosa' anu i uno nu sipat nu mian, aijo'mo nonsai posi Anak-Nyo na tinoka nimbalu-balu sumo mian anu baladosa' da mongalini dosa'.

ROMA 9:5

Aha ilee'akon nu mompolee'to. I Kristus salaku mian nolengkat mae i bansa nu aha. Ia na lebee i bawo molingkudui iwi-iwi' aijo'. O puji' na Tumpu toka sidu-sidutu'! Amin.

1 KORINTUS 15:47

I Adam anu momona tano' na binau, panyo i Adam anu ko ohua'nyo nolengkat mae i suluga'.

2 KORINTUS 12:9

Panyo Tumpu nontaami, “Aku mongkalibosi beleyum ka' aijo' sukupmo hi beleyum; kalana kuasang-Ku na anu talalo mahoson de beleyum mongoa'imo madi' mahoson.” Mokonyo aijo' aku lebe sanang na mombuulakon anu madi' ku poko ala, kalana de aku madi'mo mahoson, saba' tempo'je ahi' aitu na aku mongoa'i i Kristus monjagai aku nu kahosonan-Nyo.

GALATIA 4:4

Panyo tinokamo i tempo'nyo anu tinantukanmo, Tumpu nonsaimo mae Anak-Nyo namba i dunia. Anak-Nyo aijo' i hampeakon nu samian na boune ka' tinumuu'mo i uno nu kakuasa'an nu atulan nu agama.

EFESUS 3:8

Iwi-iwi' na mian anu palesayamo hi Tumpu, akumo na anu talalo madi' ko angga'nyo. Panyo Tumpu nombee'imo aku balakat aiya: kalaja da mompolele hi to mia-mian anu misa' Yahudi Lele Ma'ima' mongkona kakaya'an i Kristus anu madi' ko kamingkotannyo;

KOLOSE 1:19

Ola posi Tumpu na mongkahanda'i da iwi-iwi na apaa anu daagi' i butong nu Tumpu, daagi' suele ingko-ingkot hi butong nu Anak-Nyo.

KOLOSE 2:3

I Kristusmo na momponyata' iwi-iwi' na kapandean ka' mosia na monsumbu' Tumpu anu naipuan mae ma'isa sinumbu'.

KOLOSE 2:9

Kalana iwi-iwi' na lupa nu Tumpu daagi'mo hi Kristus, aijo'mo lupanyo anu sumo mian.

1 TIMOTIUS 3:16

Madi' ko samian pe'e na madi' mangaku, palias na kinodaka'nyo na lahasia nu agamanto: Ia nompotoamo butong-Nyo i uno nu lupa sumo manusia, ka' pinonyata'mo totu-totu'u nu Roh nu Tumpu, tiba tinoamo nu to mala-malaikat. Lelenyo sinongkohakonnyomo i to bansa-bansa, ka' Ia opalesaya i songko-songko na dunia, ka' i hangkat nokiita' i suluga'.

IBRANI 1:3

Iamo na mompotoa katalasanggoan nu Tumpu anu talalo hondo ko angga'nyo; Iamo na gambalan nu butong nu Tumpu anu manasa hondo. Iamo suele na mompotuu' kahosonan nu songko-songko na dunia aiya nu potatae-Nyo anu talalo hondo matangkas na kuasanyo. Noko lapas na Ia nontokong mian da madi'mo nukona nu hukuman nu dosa' na aha, Ia sinumuhangmo i kasuhangan kiita' i suluga' hingga-hinggat tiba Tumpu Anu Matangkas na kuasanyo.

IBRANI 1:5

Madi' toho' Tumpu notatae sumo uuka hi samian pe'e na malaikat; “Beleyumo na Anak-Ku; sinaa aiya Aku timbalimo Tuuma nu beleyum.” Ka' mule' madi' toho' Tumpu notatae sumo uuka mau mule' kona hi malaikat anu pa' iyamae, “Akumo na timbali Tuumanyo, ka' ia timbalimo Anakku.”

IBRANI 10:5

Mokonyo aijo' salatan i Kristus ninsoopmo i dunia, Ia notataemo hi Tumpu, “Belento madi' mongkahanda'i koloban ka' anu osombahkon; panyo ola mule' ahi' Belento nompotoukamo butong-Ku.

IBRANI 2:11

I Yesus nompolomasmo mian i dosa' nu aha iwi-iwi'; ka' Ia anu nompoloasmo, tiba aha anu pinoloasmo aijo', hingga-hinggat nontuumamo Tuuma samian. Mokonyo aijo' i Yesus madi' ma'ambang na mongakui aha aijo' sumomo to utu-utus-Nyo.

IBRANI 5:5

Sumo aijo'mo na i Kristus. Ia madi' nohangkat posi butong-Nyo da timbali Imam Daka'. Posi Tumpu na nohangkatmo Ia. Tumpu notatae hi Ia, “Anak-Ku na Beleyum; sinaa aiya Akumo na Tuuma nu Beleyum.”

1 YOHANES 4:14

Kami nontoamo Anak nu Tumpu, ka' kami nompolelemo Ia, anu sinai mae nu Tuuma da timbali Tomundo anu Momposalamat dunia aiya.

1 YOHANES 4:9

Tumpu nompopiamo kalibosanan-Nyo hi kita, aijo'mo, nonsaimo mae Anak-Nyo anu sa'a-sa'angu'nyomo tinoka i dunia da kita mohumpak kantumuu'an hi Anak-Nyo aijo'.

2 YOHANES 1:7

Manjoo'mo na anu baleko' nololomo i songko-songko na dunia. Ahamo atina' na to mia-mian anu madi' mompalesaya i Yesus Kristus anu tinokamo i dunia sumo samian na mian. Mian anu sumo aijo' atina'mo na anu mongakali ka' Sampo Bali' i Kristus.

ANU PINOTO'I HI YOHANES 19:13

Juba' anu pinusok-Nyo i lobongnyomo i uno nu baso'. Ka' Ia osanggohi, “Potatae nu Tumpu.”

ANU PINOTO'I HI YOHANES 21:3

Lantas aku nohongomo potatae lengkat mae i kasuhangan aijo' notatae mae daka-daka', “Tempo' uuka tampat kajojoongan nu Tumpu tibamo mian! Ia tumuu'mo tiba aha, ka' aha timbalimo mian anu palesayamo hi Ia. Tumpu jojoongmo tiba aha, ka' timbalimo Tumpu nu aha.