YOHANES 1:13 - KITAB NU TUMPU ALLA LELE MA'IMAI'

¹³ anu i hampeakon misa' nolengkat mae i mian, kalana tumuu' bu'ou aijo' lengkat mae hi Tumpu na pinolengkatannyo.

YOHANES 1:13 ပူးပေါင်းရင်းမြစ်များ

KAJADIAN 25:22

Ia pinoboa anak i hapi', ka' ma'isa pe'e anak haha aijo' i hampe', aha nongkohenggomo i uno nu ma'alumnyo. I Ribka notataemo, “Kadaka' han aiya jinadimo mae hi butongku?” Lantas ia nompoitamo tanga'an hi Tumpu.

KAJADIAN 25:28

I Ishak mongkalibosi hondo i Esau, kalana i Ishak mongka'ima'i mongkaan ponoha' anu o bebas. Panyo i Ribka mongkalibosi hondo i Yakub.

KAJADIAN 27:33

I Ishak nontampu'unimo i langkakatan na butongnyo iwi-iwi' ka' ia nompokilawamo, “Desumo aitu ihe na anu nombebasmo binatang ka' nomboamo mae hi belengku u'uka? Kinaankumo ma'isa pe'e beleyum tinoka. Lantas aku nombee'mo balakatku anu pupusnyomo, ka' uuka balakat aiya, tinimbalimo anunyo sidu-sidutu'.”

KAJADIAN 27:4

Unjang mae ima-ima' susumo anu saja' ku ka'ima'i, ka' boa mae hi belengku. Ku poko kaan ku bee'mo na balakat hi beleyum ma'isa pe'e aku silaka.”

MAZMUR 110:3

De tokamo na sinaanyo beleyum mongkuasaimo, i bungkutnyo anu susi', layat nu beleyum sanang na mamba mahampate. Sumomo dondu'ok daagi' subu, to oli-olitau tokamo mae hi beleyum.

MATIUS 3:9

Boli montaha'imani komiu timbali molapas lengkat i hukuman ka' motatae kalana i Abraham mompolee' miu. Tutugi, batu-batu pe'e aiya, Tumpu timbali mombau lee' i Abraham!

YOHANES 3:3

I Yesus nontaami, “Palesayamo, madi' ko samian pe'e timbali minsoop anu palesayamo hi Tumpu, de madi' ia po'ule' ohampeakon.”

1 KORINTUS 3:6

Aku na monsu'an, lantas i Apolos na nondudu'i, panyo posi Tumpu na mompotimbali pomulaonnyo tumuu'.

FILIPI 2:13

kalana Tumpu na mokalaja i uno nu butong miu da mompotimbali komiu halala' ka' moko ala momposanang kinyonyoa nu Tumpu.

TITUS 3:5

Ia momposalamat kita, misa' kalana kita nombaumo anu ma'ima', panyo kalana Ia ahi' na nongkalibosimo kita. Ia momposalamat kita kalana pakalaja'an nu Roh nu Tumpu, anu nombee'imo kita kantumuu'an bu'ou susumo anu po'ule'mo i hampeakon, ka' kantumuu'an anu bu'ou, aijo'mo kita pinobelesimo.

YAKOBUS 1:18

Posi pongka'oho'-Nyo na Ia nompotimbalimo kita to ana-anak-Nyo kalana nohongomo potatae-Nyo anu totu'u. Binau-Nyo sumo aijo' da kita mohumpak tampat anu talasanggo molingkudui iwi-iwi' anu ko nyawa-Nyo anu pinotimbalimo nu Tumpu.

1 PETRUS 1:23

Kalana potatae anu tumuu' ka' sampe toka sidu-sidutu' lengkat mae hi Tumpu aijo', belemiu pinotimbalimo manusia bu'ou anu misa' i hampeakon nu manusia, panyo lengkat mae hi Tuuma anu tumuu' sampe toka sidu-sidutu'.

1 PETRUS 1:3

Imbo' na kita montalima kase hi Tumpu, Tuuma Tumpunto i Yesus Kristus! Ia talalo mongkalibosi kita, aijo' na pu'unnyo Ia nombee'imo kantumuu'an bu'ou hi kita, aijo'mo i Yesus Kristus sinilaka po'ule'mo pinotumuu'. Aiya mompokeman kita da mahoson na montaha'imani.

1 PETRUS 2:2

Tionyo ahi' komiu timbali sumo bunga mea' anu sala'je i hampe, saja' megot kahanda' monginum susu nu rohani anu madi' ko galo'nyo. Desumo aitu yo belemiu tumuu' ka' oposalamat.

1 YOHANES 3:9

Mian anu tinimbalimo Anak nu Tumpu, madi'mo saja' mombau dosa', kalana sipat nu Tumpu daagi'mo hi ia. Ka' kalana Tumpu aijo' Tuumanyomo, sahingga ia madi'mo timbali sabau-baunyo dosa'.

1 YOHANES 4:7

To Utu-utus anu okanonongi! Imbo' da kita mompaha kali-kalibosi samian ka' samian, kalana kalibosan nolengkat mae hi Tumpu. Mian anu mongkalibosi atina' Anak nu Tumpu, ka' ia monsumbu' Tumpu.

1 YOHANES 5:1

Mian anu pinalesayamo tukoonyo i Yesus aijo'mo na Tomundo anu Momposalamat anu jinanji'mo nu Tumpu, mian aijo' Anakmo nu Tumpu. Mian anu mongkalibosi tuumanyo, tuumanyo suele mongkalibosi anaknyo.

1 YOHANES 5:18

Osumbu'to saba' iwi-iwi' na mian anu tinimbalimo to ana-anak nu Tumpu, madi' sabau-baunyomo dosa', kalana Anak nu Tumpu Allah na monjagai ia, ka' Anu Ma'idek madi'mo moko ala mombau apa-apaa hi ia.

1 YOHANES 5:4

kalana toto samian na anak nu Tumpu moko ala mohungku'i dunia anu ma'idekmo aiya. Ka' pohungku'into dunia aiya aijo'mo kita palesaya totu-totu'u.