YOHANES 1:12 - KITAB NU TUMPU ALLA LELE MA'IMAI'

¹² Panyo daagi' ahi' ko anu montalima Ia, ka' palesaya hi Ia; aha binee'an-Nyo hak timbali Anak nu Tumpu,

YOHANES 1:12 ပူးပေါင်းရင်းမြစ်များ

2 SAMUEL 7:24

Bansa Israel pinotimbalimo nu belento mian anu pinalesayamo hi belento sampe toka sidu-sidutu' ka' belentomo ahi' o, Tumpu na timbali Tumpu Allah nu Aha.

YESAYA 56:5

saba' sanggo nu belemiu madi' okolilimi i uno nu Laigan-Ku, ka' mule' hi aha bansang-Ku. Aijo' na lebe ma'ima' nalingkudui na mohumpak anak to momo'ane ka' to bou-boune. Belemiu ku bee'imo sanggo sidu-sidutu', anu madi'mo okolilimi.”

YEREMIA 3:19

Tumpu notatae, “O Israel, Aku kahanda'mo montalima beleyum salaku anak-Ku, ka' mombee'imo beleyum lipu' anu oka'ima'i nu kinyonyoa, lipu' anu ma'ima' hondo idunia aiya songko-songko. Ku kahanda'i da beleyum monsanggo Aku tuuma nu beleyum, ka' madi'mo daagi' mompala'i Aku.

HOSEA 1:10

Bansa nu Israel timbalimo na konjoo'nyo sumo bone' i ambai, sahingga madi' opo ka ala otakan kabai o lekeng. Uuka aiya Tumpu motataemo hi aha, “Belemiu misa'mo mian-Ku anu palesayamo,” panyo tokaje na tempo'nyo. Ia notataeje hi aha, “Akumo na Tumpu anu tumuu' ka' belemiumo na to ana-anak-Ku!”

MATIUS 10:40

“Mian anu montalima komiu, montalima Aku. Ka' mian anu montalima Aku, montalima Ia anu nonsai Aku.

MATIUS 12:21

iwi-iwi na bansa montaha'imanije Ia.”

MATIUS 18:5

Ka' mian anu montalima anak anu sumo aiya kalana Aku, bala alati' montalima Aku.”

YOHANES 1:11

Ia tinoka i posi lipu'-Nyo panyo bansa-Nyo madi' montalima Ia.

YOHANES 1:7

Ia toka mombebakon jingka aijo', da iwi-iwi' na mian palesaya.

YOHANES 11:52

Ka' misa' ola bau kapentingan nu bansa Yahudi, panyo mule' da molimu' ka' momposa'angu' ana-anak nu Tumpu anu noga'aga'atmo.

YOHANES 2:23

Hau-haunyo i Yesus kiijo' i Yerusalem tempo'nyo Molame'akon Paskah, da'isan na mian pinalesaya hi Ia kalana nombaumo anu okabangangi.

YOHANES 20:31

Panyo iwi-iwi' aiya tinulis, da komiu palesaya taalu' i Yesus aijo' Tomundo anu Momposalamat, Anak nu Tumpu, ka' kalana palesaya hi Ia, komiu mohumpakmo kantumuu'an.

YOHANES 3:18

Mian anu palesaya hi Ia madi' o hukum. Panyo anu madi' palesaya polo'mo i hukum nu Tumpu, kalana ia madi' palesaya hi Anak nu Tumpu anu sa'a-sa'angu'nyo.

SISIKON NU TO RASUL-RASUL 3:16

To utu-utus nontoamo ka' nonsakisimo apaa na anu jinadimo tiba mian kapi' aiya. Ia po'ule'mo nahoson ka' sinehat kalana ia palesaya hi Yesus ka' kuasa-Nyo. Kalana palesaya hi Yesus, sahingga mian aiya po'ule'mo sinehat i ahop nu to Utu-utus iwi-iwi'.

ROMA 8:14

To mia-mian anu nukuasai nu Roh nu Tumpu, aijo' ana-anak nu Tumpu.

ROMA 8:16

Roh nu Tumpu tiba roh to momponyata' saba' kita aitu ana-anak nu Tumpu.

ROMA 8:19

Songko-songko na dunia daka-daka' na kinyonyoa montanda'i te tempo'nyo Tumpu momponyata' to ana-anak-Nyo.

GALATIA 3:26

Kalana komiu pinalesayamo hi Kristus Yesus, sahingga komiu nosa'angu'mo tiba ia; ka' kalana aijo', komiu timbalimo to ana-anak nu Tumpu.

GALATIA 4:6

Kalana komiu to ana-anakmo nu Tumpu, Tumpu nonsaimo mae Roh nu Anak-Nyo da minsoop i uno nu kinyonyoa nu kita Utus ka' i kinyonyoangku, aijo'mo Roh anu notatae, “Tuuma, o, Tuumangku.”

KOLOSE 2:6

To Utu-utus nontalimamo i Kristus Yesus salaku Tumpu. Mokonyo aijo' tionyo ahi' komiu tumuu' mosa'angu'mo tiba Ia,

2 PETRUS 1:4

Tiba jalan anu sumo aijo' na Tumpu nombee'imo kita to bala-balakat anu ko angga'nyo ka' madi' ko gampanyo anu jinanji'-Nyomo. Kalana balakat haha aijo' sahingga belemiu nolapasmo i han anu ma'idek anu lewa' okamilui ka' anu nongideimo dunia aiya, ka' komiu nohumpakmo atulan nu Tumpu.

1 YOHANES 3:1

Soba toa na Tumpu nongkalibosimo hondo sahingga kita ingakuannyomo sumomo to ana-anak-Nyo. Ka' memang kita to ana-anakmo nu Tumpu. Mokonyo aijo' dunia anu na'idekmo aiya madi' monsumbu' kita kalana dunia madi' monsumbu' Tumpu.

1 YOHANES 3:10

Aiya na pompaha sala'annyo, to ana-anak nu Tumpu tiba to ana-anak nu Ibilis; ihehe na madi' mombau pongka'oho' nu Tumpu, kabai madi' mongkalibosi Utusnyo, ia misa' anak nu Tumpu.

1 YOHANES 3:2

To Utu-utus anu okanonongi! Kita tempo' uuka to ana-anakmo nu Tumpu, panyo mosia na ka'ada'anto saidi' mae ma'isa nanasa. Panyo osumbu'to, saba' de i Kristus tokamo, kita timbalimo sumo Ia, kalana kita montoamo Ia anu sahondo-hondo-Nyo.

1 YOHANES 3:23

Anu pinalentahkon-Nyomo hi kita atina'mo: Kita tionyo ahi' palesaya hi Anak-Nyo, aijo'mo i Yesus Kristus ka' kita tionyo ahi' mompaha kali-kalibosi, susumo anu pinalentahkonmo i Kristus hi kita.