YOËL 3:3 - KITAB NU TUMPU ALLA LELE MA'IMAI'

³ Aha nombuangmo onde da osumbu' pa' ihe na mongala mian anu binoamo mae aijo'. Aha nompobalukmo to lalangkoyang tiba to oli-olitau da opotimbali botuan. Ka' doinyo nu pake nu aha ikapaluan lewa' masala' ka' lewa monginum anggur.

YOËL 3:3 ပူးပေါင်းရင်းမြစ်များ

AYUB 6:27

Ka' mule' anak anu madi'mo ko tuumanyo ka' tinanyo, obuangakonmo nu belemiu onde na kantumuu'an nu aha, sangalu nu belemiu anu mompahakona hondo belemiu, o'akali nu belemiu da timbali kaya na belemiu.

YEHEZKIEL 27:13

Beleyum binadagangmo hi aha Yunani, hi aha Tubal, ka' hi aha Mesekh, ka' salaku pombayan mae nu aha beleyum nontalimamo hi aha to botu-botuan ka' mule' bala-balang anu tambaga na binau.

YOËL 1:5

O anu lewa' malangu, pobulamo! O anu lewa' monginum haangmo! Kalana anggur anu salaje ingagoanmo lengkat atina' i nganga' nu beleyum.

AMOS 2:6

Tumpu notatae, “Mian nu Israel saja'mo nombau dosa' pa' pimpianmo, kalana aijo' Aku tionyo mohukumo aha. Mian anu madi' tageo' na kinyonyoanyo madi'mo moko sule'akon anu sinabonnyo, pinobaluk nu aha tinimbalimo bau botuan. Sumo aitumo mule' na kalakuan nu aha hi mian anu kasiasi anu madi'mo moko bayan samaya'nyo, pada han samaya' aijo' ola oli nu sa'angu' na pan na sapatu.

OBAJA 1:11

Beleyum tuminjomo aijo' mae jo'o-jo'on de tokamo na sinaanyo sampo bali' montumbalakonmo tumban nu Yerusalem ka' mompatundu'mo kota' aijo'. Beleyum ola momohokot ka' salatan aha mongalamo iwi-iwi' na kakaya'an nu Yerusalem ka' nubagi-bagimo nu aha. Beleyum pokakanamo na ko ideknyo susumo sampo bali' haha aijo'.

NAHUM 3:10

Maumo sumo aijo' mian anu jojoong i Tebe i hakopmo ka' binoamo i pinompojoongan aha. I iwi-iwi na sangan nu jalan to ana-anaknyo lewa'mo binanda ka' sinilakamo. To pola-polaya' nu aha pinungumo nu lante ka' binagi-bagimo nu aha anu nohakop mae.

ANU PINOTO'I HI YOHANES 18:13

kilit kayu manis, to lampa-lampa, dupa, mur, ka' kamangian; anggur ka' lanya', labu ka' gandum, sapi' ka' domba, ajahan ka' kereta, to posa-posaihon ka' suele mule' nyawa nu mian.