YOËL 3:2 - KITAB NU TUMPU ALLA LELE MA'IMAI'

² Iwi-iwi' na bansa, Ku posihukmo ka'Ku boamo i Bangka'nyo nu Pomputusian. Lantas Ku putusimo na palabuatan nu aha ma'i-ma'idek aijo' bibinaumo nu aha hi mian-Ku anu palesayamo kalana aha nombagi-bagimo tano' nu Israel ka' mule' mian-Ku anu palesayamo binoamo nu aha i yayamae na lipu'.

YOËL 3:2 ပူးပေါင်းရင်းမြစ်များ

2 TAWARIKH 20:26

Tinoka i sinaa ko ipatonnyomo aha iwi-iwi' sinihukmo i Bangka'nyo Pompuji'an, ka' nompuji'mo Tumpu na aha kalana han apaa na anu binau-Nyomo aijo' iwi-iwi'. Mokonyo aijo' bangka'nyo aijo' sinanggohanmo, “Pompuji'an.”

YESAYA 66:16

Kalana iwi-iwi' na mian anu kosala'nyo nuhukumo nu apu tiba bajak, ka' manjoo'mo na anu i hukum mate.

YESAYA 66:18

Ku sumbu' na pikilan tiba palabuatan nu aha. Aku toka mae momposihuk to mia-mian anu lengkat mae isongko-songko na bansa. De aha sihukmo aha montoamo kuasang-Ku.

YEREMIA 12:14

Tumpu notatae, “Uuka na potuunon-Ku mongkona negara-negara anu mompaha ohani Israel anu nongideimo lipu' anu binee'-Kumo hi mian anu palesayamo hi belengku aha Israel. Susumo sosu'anon anu ginautakonmo itano' sumo aijo'mo na aha mian anu palabuatannyo ma'idek Ku sabatakonmo da madi'mo jojoong ilipu' nu aha, ka' Yehuda Ku lapasakonmo da madi'mo nu kuasai nu aha.

YEREMIA 25:31

Toka-toka ipuus nu tano' na loung nu potatae-Nyo; Tumpu nahampalakalamo tiba to bansa-bansa. Iwi-iwi' na mian oputusimo na palakalanyo ka' anu ma'idek na palabuatannyo obee'imo hukuman mate.’ ”

YEREMIA 49:1

Sumo uuka na koo-Nyo nu Tumpu na aha Amon, “Kadaka' tano' nu aha tulunan nu bansa Gad ingalamo ka' jinojoonganmo nu aha to mia-mian anu monsombah Pilogot Milkom?

YEREMIA 50:17

Tumpu notatae, “Mian nu Israel sumo sanggombu na domba anu iloloi'mo ka' pinosungkehetmo nu singa. Momonanyo aha tinumbuhanmo itomundo' Asyur, lantas mule' i Nebukadnezar tomundo' nu Babel nonggulugudi'mo buku nu aha.

YEHEZKIEL 25:8

Tumpu Anu Matangkas na Kuasanyo notataemo, “Moab nontaloakon koonyo Yehuda aijo' pokakanamo ahi' susumo bansa-bansa sangga'at.

YEHEZKIEL 34:6

Sahingga dombang-Ku haha aijo' lewa'mo namba ito puge-puge'nyo anu matangkas ka' mule' ito bungku-bungkutnyo. Aha noga'a-ga'atmo namba isongko-songko na dunia, madi' kinosamian na anu mompalahatikan aha kabai molio aha.

YEHEZKIEL 35:10

Belemiu nontaloakonmo koonyo nu belemiu mau Yehuda kabai Israel tibamo tano'nyo belemiumo na mohaki ka' mule' belemiumo na jadi tumpunyo maumo ahi' Aku, Tumpu, na Tumpu nu aha.

YEHEZKIEL 36:1

Tumpu notatae, “O manusia anu madi' tumuu' batu, potataemo hi bungkutnyo haha aita' i Israel ka' pokau na aha da mompotombing palentah nu Tumpu Anu Matangkas na Kuasanyo,

YEHEZKIEL 38:22

Ia Ku hukumo nu panyakit anu molele ka' mule' baso' na mobubus. Ujan daka' tiba ujan eis, apu tiba belelang Ku bubusakonmo mokaiyong hi ia ka' mule' hi suludadunyo ka' mule' hi aha bansang jonjoo' anu nanintuangmo tiba ia.

YEHEZKIEL 39:11

Tumpu notatae, “De iwi-iwi' aijo' jadimo Ku bee'imo na i Gog tano' bau polamunan i Israel, i Bangka'nyo nu Potapan anu kiijo' isasu kabete'an i Ambai Mate. Ikiijo'mo na i Gog tiba iwi-iwi' na suludadunyo olamun, ka' bangka'nyo aijo' osanggohimo ‘Bangka'nyo nu Suludadu i Gog’.

YOËL 3:12

Tumpu poule' mule' notatae, “To bansa-bansa posadiamo ka' lako'mo i Bangka'nyo nu Pomputusian. Ikiijo' mae Aku Tumpu momputusimo to bansa-bansa anu mompaha ohani mian-Ku anu palesayamo.

YOËL 3:14

No mada-madalamo na mian anu kiijo'mo i Bangka'nyo nu Pomputusian. Kalana ikiijo'mo mae na sinaa nu Tumpu malia'mo mae toka.

AMOS 1:11

Tumpu notatae, “Mian anu jojoong i Edom saja'mo nombau dosa' pa' pimpianmo, kalana aijo', Aku tionyo mohukumo aha. Madi'mo ko liibosnyo na aha nahampatemo tiba mian nu Israel, to utu-utus nu aha. Aha me saja' motambuha', ka' tataap mongka'ideki.

MIKHA 4:12

Panyo bansa haha aijo' madi' monsumbu' pa' mosia na tanga'an nu Tumpu. Madi' nu sumbu' nu aha, na aha aijo' pinosihuk-Nyomo saba' da ohukumo susumo gandum otambunmo da o, ututmo.

ZEFANYA 3:8

Panyo jaga mae! Tanda'imo na sinaanyo. Aku tuminjomo susumo anu mongkalak. Kalana pinutusan-Kumo da oposihukmo na to bansa-bansa tiba to kala-kalaja'an da Ku pokonamo na tambuha'-Ku hi aha. Songko-songko na dunia mingkotmo nu kaan nu apu nu tambuha'-Ku.

ANU PINOTO'I HI YOHANES 11:18

To mia-mian anu madi' monsumbu' Tumpu, noto'idekmo kalana tinokamo na tempo'nyo na Kita mompobuntumo pusa-nTo, ka' mule' tempo'nyomo na Kita momputusimo palakala nu to mia-mian anu i natemo. Aiyamo na tempo'nyo mombee'imo tamboonyo hi to posa-posaihon-To, aijo'mo to nabi-nabi. Ka' iwi-iwi' na mian-To anu pinalesayamo, aijo'mo iwi-iwi' na mian anu monsombah Kita, daka' maupe'e ise'. Aiyamo na tempo'nyo mohopu'imo to mia-mian anu nongideimo dunia!”

ANU PINOTO'I HI YOHANES 16:14

Aha atina'mo na to roh-roh ma'idek anu nombau manjoo' na anu okabangangi. Toto-totolu' na roh ma'idek aijo' namba hi iwi-iwi' na tomundo i songko-songko na dunia ka' nomposihukmo aha da mahampate i Sinaa daka' anu olame'akon, aijo'mo Sinaa nu Tumpu Allah Anu Matangkas na kuasanyo.

ANU PINOTO'I HI YOHANES 16:16

Lapas aijo' to roh-roh anu ma'idek aijo' nomposihukmo to tomu-tomundo aijo' i tampat anu osanggohi nu basa' Ibrani, Harmagedon.

ANU PINOTO'I HI YOHANES 16:6

Aha nombubusakonmo baso' nu mian anu pinalesayamo hi Tumpu Allah ka' baso' nu to nabi-nabi; uuka aiya Belento nompo'inummo aha nu baso'. Memang konanyomo na aijo' hi aha!”

ANU PINOTO'I HI YOHANES 20:8

ka' ia mambamo mongakali to bansa-bansa anu nololomo i songko-songko na dunia, atina'mo i Gog ka' i Magog. Ibilis momposihukmo aha da mahampatemo, manjoo' hondo, sumo konjoo'nyo nu bone' i ambai.