YOËL 3:17 - KITAB NU TUMPU ALLA LELE MA'IMAI'

¹⁷ “O, Israel uuka aiya osumbu'mo nu belemiu, saba' Akumo na Tumpu nu belemiu. Aku jojoong i Sion, i bungkutnyo anu Aku na tumpunyo. Sahingga Yerusalem suele timbalimo kota' anu susi' mian anu isalipu'an mae madi'mo daagi mompinsoopi.

YOËL 3:17 ပူးပေါင်းရင်းမြစ်များ

AYUB 15:19

Tempo'nyo aitu madi' ko anu lengkat mae i salipu'an jojoong i lipu' nu aha; madi' ko anu nombee'i pangajalan anu sala' sahingga aha madi' ahi' nompalingakon Tumpu Allah.

MAZMUR 76:2

Tumpu tinalasanggomo i Yehuda, sanggonyo tinogilelemo i Israel.

MAZMUR 9:11

Mian anu monsumbu' Belento montaha'imani hondo Belento, o Tumpu, mian anu monsombah Belento madi' nupala'i nu Belento.

NOSABATMO 16:12

“I hongong-Ku mo na mian nu Israel nososon. Poto'i hi aha de mamalomo aha mongkaanmo ponoha' ka' de daagi' subu aha mongkaanmo roti sampe mobosu. Sahingga nusumbu'je nu aha taalu' Akumo na Tumpu, Tumpu Allah nu aha.”

YESAYA 11:9

I Sion, Puge'nyo nu Tumpu anu Susi', madi' ko anu ma'idek kabai ko anu mongidei. Lipu' kahomo monsumbu' apaa na aijo' Tumpu, pokakanamo susumo uee mompobuke'imo ndalangon.

YESAYA 12:6

Pontaligalaimo o, belemiu anu jojoong i Sion, opolame' ahi na manyanyi. Tumpu nu aha Israel anu susi' memang talasanggo hondo, Ia jojoongmo atina' hi belemiu.”

YESAYA 35:8

Ikiijo' mae ko jalanmo anu daka', “Jalan anu mompanjolongi kasalamatan” na sanggonyo. Mian anu baladosa' madi' montulu ikiijo', mian anu ponga' madi' mompotalas mian anu montulu ikiijo'.

YESAYA 4:3

Batu-batu mian anu daagi' tinasisa i Yerusalem, ka' mule' aha to mia-mian anu pinile'anmo nu Tumpu da oposalamat, osanggohimo sinusi'mo.

YESAYA 46:13

Ku polia'mo mae na katokaan nu sinaa anu baumo pompo bebasan, kasalamatan anu Kubee' madi'mo daagi' otunda. Ku posalamatmo na Yerusalem ka' mombee'imo kaholomatan hi Israel.”

YESAYA 52:1

Pobulamo o, Yerusalem, pobulamo! Pohoson na kinyonyoa nu beleyum! Pusokmo na baju' pesalin nu beleyum! O, Yerusalem, kota' anu susi', mian anu mahumimi' madi'mo daagi' minsoop i sabatan daka' nu belemiu.

YESAYA 56:7

“Belemiu Ku boamo mamba i Sion i bungkutnyo anu susi' anu Aku na tumpunyo ka' Ku bee'imo kalame'an i laigan-Ku ponso-ponsoban Aku. Koloban iwi-iwi' anu osombahkon nu belemiu i mezbah-ngKu, Ku talimamo. Laiganku osanggohimo laigan balado'an nu iwi-iwi' na bansa.”

YEREMIA 31:23

Tumpu Anu Mahakuasa, Tumpu Allah Israel notatae, “De maluanyo mian anu palesayamo hi beleng-Ku, Ku pojadimo ma'ima' na kantumuu'an nu aha susumo naipuan mae, sahingga ilipu' Yehuda tiba ikampungnyo anu toto ise-ise' ohongo mule' na mian motatae, ‘O amalakon da Tumpu mombalakati puge'nyo anu susi' i Yerusalem tampat samata-mata ola Ia na monjojoongi.’

YEREMIA 31:40

Songko-songko na bangka'nyo aijo' anu pinakemo salaku lewa bau polamunan mian ka' bau tampat pongalinan duhehe ka' mule' iwi-iwi' na ale' isonibi nu Kaunyo Kidron toka-toka i Sabatan Daka' Ajahan namba isasu kabete'an aijo' binee'mo samata-mata bau kapentingan-Ku. Kota' Yerusalem madi'mo daagi' ohobo'akon kabai ohansuni.”

YEHEZKIEL 20:40

Kalana itano' nu Israel anu aita' ibawo nu bungkutnyo anu susi' anu Aku na tumpunyo belemiu iwi-iwi' bansa Israel saidi' mae monsombahmo Aku. Ikiita' mae Aku sanangje hi belemiu ka' timbalimo montalima koloban-koloban nu belemiu, ka' palasombahan-palasombahan nu belemiu anu lebe ma'ima' ka' mule' iwi-iwi' na anu obee' nu belemiu anu memang pinosi po iwi'mo.

YEHEZKIEL 37:6

Ku pokonaimo uat tiba antok hi belemiu ka' Ku lupi'mo na belemiu nu kilit. Belemiu Ku bee'imo santuu' sahingga tumuu'mo. Sahingga nu sumbu'je nu belemiu taalu' Akumo ahi' na Tumpu.”

YEHEZKIEL 43:12

Sumo uuka na anu ahi' saja' obau i Laigan nu Tumpu: Songko-songko na daerahnyo anu ibawo nu bungkutnyo susi' hondo.”

YEHEZKIEL 44:9

Aku, Tumpu Anu Matangkas na Kuasanyo, mombebakonmo taalu' mian anu isalipu'an mae ka' mule' madi' sinunat ka' mian anu madi' montuluti Aku, madi' timbali opobee' minsoop i Laigan-Ku. Aijo' opake suele hi aha mian anu isalipu'an mae anu jojoongmo tataap itotonga' nu aha bansang Israel.”

YEHEZKIEL 48:35

Songko-songko na pagan mesen aijo' komantannyo osio' na kilometen. Ka' lengkat itempo' aiya mian nonsanggohimo kota' aijo': “DAAGI' KO TUMPU IKIIJO'!”

DANIEL 11:45

Ka' mule' ia mombaumo kemah nu kalaja'annyo i olot nu ambai tiba bungkutnyo tampat nu Laigan nu Tumpu. Panyo lapas aijo' silakamo ka' madi' ko anu salasamian pe'e na nontulungi ia.”

DANIEL 9:16

Belento nontulungimo mae kami tempo'nyo naipuan mae, kalana aijo' bolimo daagi' otambuha'i na Yerusalem kota' nu Belento, puge'nyo nu Belento anu susi'. Kalana dosa' mami tiba palabuatan anu ma'idek nu mompolee' mami sahingga iwi-iwi' na mian anu aitu mae mompaha ohani tiba kami montoa Yerusalem madi'mo ko angga'nyo ka' mule' kona hi aha mian anu palesayamo hi Belento.

YOËL 2:27

Sahingga osumbu'je nu belemiu, Israel, saba' Aku saja ahi' aiya hi belemiu, ka' Aku Tumpu, aijo'mo na Tumpu nu belemiu. Madi'mo ko Tumpu sangga'at, ola-olanyomo ahi' Aku aiya. Mian-Ku anu palesayamo madi'mo daagi lewa' opopo ambang!”

MIKHA 4:7

Aha ilepo'anmo ka' najo'onmo i kampung nu aha. Panyo kona hi aha mian anu tinontuha' aijo' Ku tampu'unimo na mompojadi sa'angu' na tulunan mule'. Aha saidi' mae timbalimo sa' angu' na bansa anu daka' ka' mahoson. Ku palentahje na aha lengkat mae aita'i Sion sampe toka sidu-sidutu'.”

NAHUM 1:15

Soba toa samian na anu sinai mae tokamo mae montulu iwi-iwi na bungkutnyo momboa mae lele ma'ima' lele inguntungmo na nahampate. O bansa Yehuda lame'akon na sinaa daka' nu belemiu ka' bayanmo na anu jinanji'mo nu belemiu hi Tumpu. Lipu' nu belemiu madi'mo daagi opalentah nu to mia-mian anu ma'idek na kinyonyoanyo. Aha ihansunmo iwi-iwi'.

ZAKHARIA 8:3

Aku po ule'mo minsusule' i Yerusalem, kota'-Ku anu susi' aijo' ka' jojoongmo ikiijo' mae. Yerusalem saidi mae nu sumbu'je nu mian salaku kota' anu tulu-tulutan, ka' puge'nyo nu Tumpu Anu Daka Na Kuasanyo osanggohije Puge'nyo anu Susi'.

ANU PINOTO'I HI YOHANES 21:27

Panyo mian anu mombau hahan anu pahengas kabai mian anu baleko' – o ala kodo-kodo' mau mule' apaa na anu mahenyu, madi' hondo-hondo minsoop i unonyo. Anu minsoop ola ahi' mian anu sanggonyo kiijo' tuli-tulis i uno nu Kitab nu Mian anu Tumuu', Kitab Anak nu Domba aijo'.