YOËL 3:16 - KITAB NU TUMPU ALLA LELE MA'IMAI'

¹⁶ Tumpu notataemo daka-daka' aita' mae i bungkutnyo nu Sion, lengkat mae i Yerusalem sumomo ahi' gohung na potatae-Nyo. Langit tiba tano' ginayu'anmo kalana kakuasa'an-Nyo. Panyo Tumpu tataap monsangaja'i ka' monjagai Israel, mian-Nyo anu palesayamo.

YOËL 3:16 ပူးပေါင်းရင်းမြစ်များ

MAZMUR 18:2

Ku ka'ima'i na Belento, o Tumpu, Belentomo na tinimbali kahosonanku.

MAZMUR 29:11

O'amalakon da Tumpu mombee'i mae kahosonan hi mian anu palesayamo hi Ia, ka' mompobilahimo kantumuu'an nu aha.

MAZMUR 61:3

Majo'on i laiganku na aku aiya mongkakase hi Belento, kalana madi'mo ko anu ku taha'imani. Belentoje na momboa aku i tampat popalaian da madi' ko anu mompoposia tampat anu talalo hondo matangkas madi'mo ku poko ala otoka;

AMSAL 18:10

Tumpu aijo' sumo laigan tangka-tangkas anu mahoson hondo; mokiijo'mo na kalambanan nu mian anu madi' tageo' na kinyonyoanyo da mohumpak tampat anu madi'ko anu mompoposia.

YESAYA 33:16

Sahingga belemiu olindungimo ka' madi'mo ko anu mompoposia madi' sala' sumomo ahi' i uno nu benteng anu mahoson hondo. Anu okaan tiba anu o, inum memang pinosadiamo da bau bagi nu belemiu.

YESAYA 33:21

Tumpu mompotoamo katalasanggoan-Nyo hi kita. Kita tumuu'mo isonibi nu kaunyo anu bola, kapan nu anu monsampobali' madi' moko ala talabut kiijo'.

YESAYA 42:13

Tumpu mambamo mahampate susumo samian na talenga' susumo samian na suludadu anu binanimo na mahampate. Ia nongaisakonmo ais nu pahampatean, ka' nompotoamo ka untungan-Nyo mahampate de mongewamo sampobali'.

YESAYA 51:16

Akumo na nomboka langit ka' nompokokomo lananyo nu tano'. Aku notataemo hi Sion: Beleyumo na mian anu palesayamo hi beleng-Ku; Aku mombee'mo pangajalan-Ku hi beleyum ka' monjagaimo beleyum nu kuasang-Ku.”

YEREMIA 16:19

O Tumpu, Belentomo na nonjagaimo mae aku ka' nombee'imo mae kahosonan hi belengku; Belento nontulungimo mae aku tempo'nyo i uno nu kasusa'an. To bansa-bansa lengkat mae ipuus nu tano' tokamo mae hi Belento ka' motatae, “Mompolee' mami daagi' ko pilogot anu madi' totu'u ka' madi' ahi' hondo-hondo kokaliangannyo.

YEREMIA 17:17

Boli mae Belento timbali susumo anu mompopobuhuk mae kinyonyoangku. Belentomo ahi' na tampat popalaianku de nutokaimo mae nu kasusa'an.

YEHEZKIEL 38:19

Ka' Aku motambuha'mo ka' mule' motomuhukmo ka' sinaa aijo' daagi'mo ko lulu' anu daka' hondo ilipu' nu aha Israel.

HOSEA 11:10

Tumpu notatae, “Mian-Ku anu palesayamo mombatukimo Aku de Aku molohu'mo susumo singa ka' mompopobuhukmo sampobali' nu aha. Mian-Ku anu palesayamo sampamo mae toka lengkat isasu kabete'an da monsombahmo Aku.

AMOS 1:2

Aiyamo na anu tinaloakon i Amos, “Tumpu noloboo'imo aita' mae i Bungkutnyo nu Sion, potatae-Nyo pinodaka'mo lengkat mae i Yerusalem. To pada-padang hemput tinimbalimo napeges, hemput i Bungkutnyo nu Karmel i nagayoumo hondo.”

AMOS 3:8

De singa molohu', ihe na madi' mabuhuk? De Tumpu Anu Matangkas na kuasanyo notatae, ihe na ola momohokot madi' mombebaakon potuunon-Nyo?

NAHUM 1:7

Tumpu aijo' manonong, Ia monjagai mian-Nyo anu pinalesayamo tempo'nyo aha sinusi'mo; Ia monjagai mian anu ninsoopmo palesaya hi Ia.

HAGAI 2:6

Madi'mo pin na tempo'nyo Ku tenenggohimo na langit tiba katano'an tiba ambai.

HAGAI 2:7

Iwi-iwi' na bansang Ku pokalangkabutmo ka' mule' halata' nu aha nu boamo mae nu aha sahingga Laigan-Ku mobuke'mo nu kakaya'an nu aha.

ZAKHARIA 10:12

Aku mompohosonmo mian anu palesayamo hi beleng-Ku, aha tulu-tulutanmo ka' monsombahmo Aku. Akumo, na Tumpuu anu notataemo.”

ZAKHARIA 10:6

“Mian anu jojoong i Yehuda Ku pohosonmo mian nu Israel Ku posalamatmo. Po ule'mo Ku boa na aha minsusule' i lipu'nyo kalana Ku kanonongi na aha. Ku pojadimo na aha, salaku bansa anu madi' toho' Ku kolilimi. Akumo na Tumpu nu Aha, iwi-iwi' na do'a nu aha po ule'mo Ku palahatikan.

ZAKHARIA 9:12

Pinsusule'mo mae o belemiu to mia-mian anu bibinoamo ka' pinojoongmo i sa'angu na tampat, tempo uuka belemiu montaha'imanimo. Pinsusule'mo mae i tampat anu timbali monjagai belemiu. Aku tataap mombalakatimo belemiu. Potombihing mae: Pinduan ohu'a na belemiu Ku balakati kalana iwi-iwi na kasansala'an anu ingoa'anmo nu belemiu.

IBRANI 12:26

Tempo'nyo aitu tano' tinasiagamamo kalana kahosonan nu potatae-Nyo. Panyo uuka aiya Ia binalajanji'mo, “Daagi' minsan na Aku po'ule' mompotasiaga, misa'mo ola tano', panyo mule' singkonamo langit.”

ANU PINOTO'I HI YOHANES 11:13

Sahingga tempo'nyo aijo' jinadimo na luulu' daka' hondo. O bagi sampulu' sambahagian na kota aijo' i hansun, ka' popitu' na madala na mian i natemo nu luulu' aijo'. To mia-mian sangga'atannyo aijo' nabuhukmo hondo, lantas aha nompuji'mo katalasanggoan nu Tumpu i suluga'.

ANU PINOTO'I HI YOHANES 11:19

Sahingga tinontuhea'mo na Laigan nu Tumpu i suluga' ka' kinantoaanmo na Peti' Palajanjian kiijo' i unonyo. Lantas tinokamo na kilat moto-moto taaman ka' onyi' nu gohung dolu-dolundungan, ka' pinoka-pokalapitmo, tiba luulu' ka' ujan eis anu mabohos hondo.

ANU PINOTO'I HI YOHANES 16:18

Lantas kinilatonmo moto-mototaaman ka' onyi' nu gohung dolu-dolundungan ka' pinoka-pokalapitmo, ka' mule' luulu' anu daka' hondo. Madi' toho' kino luulu' anu jinadi sumo aijo' salatan pe'e mian pinotimbali. Aiyamo na luulu' anu talalo daka' hondo!

1 SAMUEL 15:29

Anu Talasanggo hondo Tumpu Allah nu aha Israel madi' baleko' ka' madi' mule' mombabali'i apa na anu tinaloakon-Nyomo, kalana Ia misa' manusia.”