YOËL 3:15 - KITAB NU TUMPU ALLA LELE MA'IMAI'

¹⁵ Batu nu sinaa tiba bitu'on pikatmo, ka' mule' to manda-mandala' madi'mo daagi majingka.”

YOËL 3:15 ပူးပေါင်းရင်းမြစ်များ

ANU MOMPOLELE POTATAE NU TUMPU 12:2

De tokamo na tempo'nyo aijo' mata nu belemiu madi'mo daagi manasa na montoa, sahingga madi'mo majingka na sinaa, bitu'on tiba mandala'. Kundom tinumatampokmo momboamo mae ujan; tataap mohohungi belemiu sumomo anu mompopobuhuk.

YESAYA 13:10

Toto saangu' na mandala ka' gombuan nu mandala' madi'mo daagi' kojingkanyo; batu nu sinaa pikatmo de ia bete'mo mae, ka' mule' bitu'on madi'mo daagi' majingka mae.

YEHEZKIEL 32:7

Salatan Aku monsilakaimo beleyum, langit Ku kukumbungimo ka' mule' to manda-mandala' madi'mo talalo Ku pojingka. Batu nu sinaa Ku posulukmo isambiha' nu kundom ka' mule' bitu'on madi'mo daagi' majingka.

YOËL 2:10

Hau-haunyo aha mongahopimo tano' i lakatnyomo, ka' langit suele ilakatnyomo. Lantas pinikatmo na batu nu sinaa ka' bitu'on ka' jingka nu to manda-mandala' i madi'mo.

YOËL 2:31

Batu nu sinaa tinimbalimo pinikat ka' bitu'on timbalimo momea' susumo baso'. Iwi-iwi' aijo' jadimo saidi' mae ma'isa pe'e Sinaa nu Tumpu toka mae, sinaa anu talalo ahi' ma'idek ka' okabuhuk!

MATIUS 24:29

“Madi' pin salatan kasusa'an aijo' lapasmo, batu nu sinaa pinikatmo, ka' bitu'on madi'mo ko sahayanyo. To manda-mandala' nanabu'mo lengkat mae i langit, ka' anu mongkuasai langa kalangkabutmo.

MARKUS 13:24

“Salatan tempo'mo nu kasusa'an aijo', batu nu sinaa timbalimo pikat, ka' bitu'on madi'mo daagi' minsahaya.

ANU PINOTO'I HI YOHANES 8:12

Lantas malaikat ko opatnyo nompuuhimo tolompetnyo. Sahingga o bagi totolu' na batu nu sinaa sambahagian na madi'mo najingka, bitu'on o bagi totolu', sambahagian na madi'mo najingka, ka' to manda-mandala' o bagi totolu' sambahagian na madi'mo najingka sahingga aha anu pinaha bagimo totolu' sambahagian na madi'mo ko jingkanyo. Sumo aitu mule' o bagi totolu' na sinaa, sambahagian na anu madi'mo majingka, ka' sumo aitu mule' o bagi totolu' na pihi sambahagian na madi'mo pinihi.