YOËL 3:12 - KITAB NU TUMPU ALLA LELE MA'IMAI'

¹² Tumpu poule' mule' notatae, “To bansa-bansa posadiamo ka' lako'mo i Bangka'nyo nu Pomputusian. Ikiijo' mae Aku Tumpu momputusimo to bansa-bansa anu mompaha ohani mian-Ku anu palesayamo.

YOËL 3:12 ပူးပေါင်းရင်းမြစ်များ

2 TAWARIKH 20:26

Tinoka i sinaa ko ipatonnyomo aha iwi-iwi' sinihukmo i Bangka'nyo Pompuji'an, ka' nompuji'mo Tumpu na aha kalana han apaa na anu binau-Nyomo aijo' iwi-iwi'. Mokonyo aijo' bangka'nyo aijo' sinanggohanmo, “Pompuji'an.”

MAZMUR 7:6

pojohokmo da aku ololoi' ka' nu hakop nu anu monsampobali' mae, lantas nu pateimo ka' nu pojohokmo aijo' i tano'.

MAZMUR 96:13

Kalana Tumpu tokamo mae mompalentah i dunia, Ia momputusimo hukuman nu to bansa-bansa, adin ka' madi' tageo'.

MAZMUR 98:9

Kalana ia toka mae da momputusimo hukuman nu dunia; iwi-iwi' na bansa oputusimo na hukuman-Nyo, ka' adin ka' madi' hondo sala'.

YESAYA 2:4

Ia na momputusi aha to bansa-bansa, ka montantukan kaputusan nu palakala hi aha tulunan nu to bansa-bansa. Bajak otutukmo da timbalimo aja' ka' mule' talombo' otutukmo da timbali piso' bau pongkis. Aha to bansa-bansa madi'mo lewa' mompaha tubu-tumbuhi, ka' mule' madi'mo lewa' balasadia da mahampatemo.

YESAYA 22:1

Sumo uuka na potuunon mongkona Bangka'nyo nu Pinontoan; O, belemiu mian nu Yerusalem, kadaka' belemiu noliba'mo nokiita' i atop nu laigan?

YESAYA 3:13

Tumpu sinadiamo da po ule'mo obali'i nakaputusan hi aha mian anu palesayamo hi Ia.

YEHEZKIEL 39:11

Tumpu notatae, “De iwi-iwi' aijo' jadimo Ku bee'imo na i Gog tano' bau polamunan i Israel, i Bangka'nyo nu Potapan anu kiijo' isasu kabete'an i Ambai Mate. Ikiijo'mo na i Gog tiba iwi-iwi' na suludadunyo olamun, ka' bangka'nyo aijo' osanggohimo ‘Bangka'nyo nu Suludadu i Gog’.

YOËL 3:14

No mada-madalamo na mian anu kiijo'mo i Bangka'nyo nu Pomputusian. Kalana ikiijo'mo mae na sinaa nu Tumpu malia'mo mae toka.

YOËL 3:2

Iwi-iwi' na bansa, Ku posihukmo ka'Ku boamo i Bangka'nyo nu Pomputusian. Lantas Ku putusimo na palabuatan nu aha ma'i-ma'idek aijo' bibinaumo nu aha hi mian-Ku anu palesayamo kalana aha nombagi-bagimo tano' nu Israel ka' mule' mian-Ku anu palesayamo binoamo nu aha i yayamae na lipu'.

MIKHA 4:3

Tumpu momputusimo palakala hi aha to bansa-bansa hi aha to nega-negara anu mahoson anu majo'on kabai anu ohani. To baja-bajak nu aha otutukmo bau pajeko ka' mule' to talo-talombo' nu aha opotimbalimo piso' bau pongkiis. To bansa-bansa madi'mo daagi' paintumbu-tumbuhian ka' mule' madi'mo daagi' mosadia da mahampatemo.

ZAKHARIA 14:4

I sinaa aijo' Ia tuminjomo i Puge'nyo nu Zaitun sasu kabete'an Yerusalem. Sahingga Puge'nyo nu Zaitun mombagimo ohua' ka' timbalimo bangka'nyo anu ewa lengkat pe'e mae isasu kabete'an toka-toka isasu kinsoban. Sambagian na puge'nyo aijo' nodensu' sasu utara, ka' sambagian mule' nodensu sasu salatan.

ANU PINOTO'I HI YOHANES 19:11

Lapas aijo' aku nontoamo suluga' tinabuka'mo, lantas nontoamo sa'angu' na ajahan mopute'. Anu nonsake'i sanggo-Nyo Anu Mohongo-hongo hondo ka' Anu Totu'u hondo. Ia adin na momputusi hukuman ka' i uno nu pahampatean anu binau-Nyomo.