YOËL 3:11 - KITAB NU TUMPU ALLA LELE MA'IMAI'

¹¹ Soba tokamo mae lia-lia' o, to bansa-bansa anu lengkat mae iyaya i pasu'nyo nu dunia! Posa'angu'mo aijo' mae i bangka'nyo.” O, Tumpu, palentahmo mae na suludadu nu Belento montumbuhi aha!

YOËL 3:11 ပူးပေါင်းရင်းမြစ်များ

MAZMUR 103:20

O, puji' na Tumpu, o, belemiu to mala-malaekat-Nyo anu to babaani, anu mompotombihing ka' mombau anu nu palentahkon.

YESAYA 10:34

Nu tua'akonmo nu Tumpu na aha susumo kau i uno nu alas otaa'mo nu bobolo'. Maumo ahi' aha mahoson susumo kau' anu daka' hondo i Libanon panyo aha tionyo ahi' motua'mo!

YESAYA 13:3

Tumpu nolagamo to sulu-suludadu anu pinile'an-Nyomo. Aha to babaani, madi' baleko' ka' mule' timbali Nu taha'imani. Tumpu nombee'imo pakalaja'an hi aha da mohukumo aha mian anu tinambuha'an-Nyomo.

YESAYA 37:36

Pihi-pihimo aijo' na malaekat nu Tumpu tinoka ibinakema'an nu Asyur ka' nompateimo 185.000 na suludadu. Dodododopnyo subu-subu bangke haha aijo' singkapmo sika-sika bandang.

YOËL 3:2

Iwi-iwi' na bansa, Ku posihukmo ka'Ku boamo i Bangka'nyo nu Pomputusian. Lantas Ku putusimo na palabuatan nu aha ma'i-ma'idek aijo' bibinaumo nu aha hi mian-Ku anu palesayamo kalana aha nombagi-bagimo tano' nu Israel ka' mule' mian-Ku anu palesayamo binoamo nu aha i yayamae na lipu'.

MIKHA 4:12

Panyo bansa haha aijo' madi' monsumbu' pa' mosia na tanga'an nu Tumpu. Madi' nu sumbu' nu aha, na aha aijo' pinosihuk-Nyomo saba' da ohukumo susumo gandum otambunmo da o, ututmo.

ZEFANYA 3:8

Panyo jaga mae! Tanda'imo na sinaanyo. Aku tuminjomo susumo anu mongkalak. Kalana pinutusan-Kumo da oposihukmo na to bansa-bansa tiba to kala-kalaja'an da Ku pokonamo na tambuha'-Ku hi aha. Songko-songko na dunia mingkotmo nu kaan nu apu nu tambuha'-Ku.

2 TESALONIKA 1:7

Ka' hi komiu anu uuka aiya nongoa'imo kasansala'an – sumo aitu mule' hi kami – Tumpu mombee'je kasanangan de Sinaanyomo nu Tumpu Yesus minsusule'mo mae lengkat i suluga' ka' mompotoamo butong-Nyo tiba to mala-malaikat-Nyo anu to babaani

ANU PINOTO'I HI YOHANES 19:14

Suludadu nu suluga' anu bau pahampate mombatuki Ia monsake'i to aja-ajahan mopute', ka' nompusok lenan anu mopute' ka' belesi'.