YOËL 2:5 - KITAB NU TUMPU ALLA LELE MA'IMAI'

⁵ Aha mahalumpatan aita' i bungkutnyo onyi'nyo sumomo daladak nu kareta pahampate ka' sumomo titihika' nu apu anu nomea'mo hondo. Aha nobalismo susumo sa'angu' na tumpukan nu suludadu anu baani hondo, anu sasadiamo mongahopi pahampatean.

YOËL 2:5 ပူးပေါင်းရင်းမြစ်များ

AYUB 39:20

Pa' beleyum na mompokaumo nalalumpat susumo kihi-kihi', ka' ia montihaha' mompopobuhukmo mian?

NOSABATMO 5:12

Sahingga nambamo na mian nu Israel nonsongkohi songko-songko na tano' nu Mesir mompolimu' haat.

YESAYA 30:30

Tumpu saidi' mae mompohongomo potatae-Nyo anu daka' hondo ka' toto samian molasaimo kuasa-Nyo anu opalias hondo. Tambuha'-Nyo saidi' mae mompotokamo mae ujan anu daka' hondo, ujan batu tiba antong anu makansang hondo.

YESAYA 5:24

Belemiu madi'mo montalima pangajalan nu Tumpu Anu Daka' na Kuasanyo ka' mongalumo palentah nu Tumpu anu susi' nu aha Israel. Kalana aijo' susumo hat tiba hemput anu manggasmo mo'angot na nu kaan nu apu, sampe toka kaiyong ibaka-bakatnyo na belemiu mahutakmo ka' mule' bunga-bunga nu belemiu suele manggasmo ka' nu puhakonmo nu mombun ingko-ingkot.

YEREMIA 50:42

Aha nomboa mae toongon bau pahampate te pana' tiba talombo'; aha buhingison hondo ka' madi' monsumbu' mongampuni. Susumo onyi' nu ambai anu bikolonmo sumo aijo'mo na onyi' nu galupak nu ajahan nu aha anu pinolia'mo kalana mambamo montumbuhi Babel.

MATIUS 3:12

I lima-Nyo daagi' ko kiapan bau pontapii iwi-iwi' na gandum-Nyo sampe belesi'. Gandum nu polimu' i uno nu alang, panyo iwi-iwi' na ota'-Nyo o papui i uno nu apu anu madi' toho' mate.”

ANU PINOTO'I HI YOHANES 9:9

Saha'an nu aha pinopusokan anu moho-moho' sumo montiho baju' besak. Onyi' nu polipik nu aha sumo onyi' nu to kale-kaleta anu manjoo' hondo anu nu hela' nu ajahan anu hau-haunyo i uno nu pahampatean.