YOËL 2:32 - KITAB NU TUMPU ALLA LELE MA'IMAI'

³² Panyo de ihe na momoita tulung hi Tumpu saidi mae nu posalamatmo. Tumpu motataemo, “I Yerusalem to mia-mian anu pinile'an-Kumo oposalamatmo.”

YOËL 2:32 ပူးပေါင်းရင်းမြစ်များ

KAJADIAN 4:26

I Set kino anak mo' ane anu sinanggohannyo i Enos. Mulai tempo' aitu mian nontampu'unimo nonsanggo, sanggo nu Tumpu de monsombahmo.

MAZMUR 50:15

Pongkakase mae hi Beleng-Ku de nu tokaimo nu kasusa'an, Aku mompobebasmo belemiu, ka' opuji'mo nu belemiu na Aku.”

YESAYA 10:22

Maumo aha bansa Israel tempo uuka aiya konjoo'nyo sumomo bone' i ambai, panyo me to pia-piangkuka na minsusule'. Hukuman nu Tumpu malia'mo mae toka, ka' memang pantasmo ka' adinmo ahi' de bansa aijo' osilakaimo.

YESAYA 11:11

Toka isinaa aijo' Tumpu po ule' mule' monggunakon kakuasa'an-Nyo ka' monsule'akonmo mae mian anu palesayamo hi Ia anu tinasisa i Asyur ka' i Mesir, ka' mule' i iwi-iwi na lipu' Patros, Sudan tiba Elam anu kiijo' i Babel, ka' mule' Hamat tiba iwi-iwi' na togong anu toto jo'o-jo'on.

YESAYA 11:16

Kona hi aha mian anu palesayamo hi Ia dadaagi' tinasisa mae tabuka'mo na jalan daka' da posabatan mae lengkat i Asyur, susumo aha Israel nosabatmo mae lengkat i Mesir.

YESAYA 4:2

Po ule'je toka na tempo'nyo nu potimbalimo nu Tumpu na sosu'anon iwi-iwi' ka' mule' kau' tumuu'mo ka' daka'mo ilipu' aiya. Toka isinaa aijo' aha mian nu Israel anu salamat mongoai'mo kabilahian ka' sanangmo na kinyonyoa kalana nohumpakmo hasin nu ale'nyo.

YESAYA 46:13

Ku polia'mo mae na katokaan nu sinaa anu baumo pompo bebasan, kasalamatan anu Kubee' madi'mo daagi' otunda. Ku posalamatmo na Yerusalem ka' mombee'imo kaholomatan hi Israel.”

YEREMIA 31:7

Tumpu notatae, “Onyanyiakon lame-lame' na aha Israel, mian anu palesayamo hi beleng-Ku bansa anu penting hondo nulingkudui na bansa sangga'at. Nyanyiakon na nyanyian bau pompuji' ka' bebakonmo; ‘Tumpu nomposalamatmo mian anu palesayamo hi Ia anu dadaagi' tinontuha'.’

YEREMIA 33:3

“Poloboo'mo mae hi Belengku da Ku taamije; Ku poto'ije hi beleyum hahan anu handa hondo ka' anu okahelani hondo ka' ma'isa nu sumbu' nu beleyum.

AMOS 9:8

Akumo na Tumpu Anu Matangkas na Kuasanyo nompalahatikanmo kalaja'an nu Israel anu binaladosa'mo aiya, ka' Aku mohopu'imo aha i dunia aiya. Panyo tulunan i Yakub madi' iwi-iwi'mo na Ku hopu'i. Aku, Tumpu na notataemo.

OBAJA 1:17

“Panyo i bungkutnyo nu Sion saidi' mae ko anumo oposalamat ka' bungkutnyo aijo' timbalimo sa'angu' na tampat bau katokaan-Ku. Sahingga lee' i Yakub po Ule'mo montumpui tano' pusaka' nu aha.

OBAJA 1:21

Mian anu jojoong i Yerusalem anu nohumpakmo kabilahian saidi' mae montumbuhimo Edom ka' mule' mompatundu'mo. Sah ingga Aku Tumpu na saidi' mae mompalentah susumo tomundo'.”

MIKHA 5:3

De anu mongkuasai aha aijo' tokamo mae, Ia mompalentahmo mian-Nyo anu palesayamo tiba kahosonan ka' mule' kakuasa'an anu lengkat mae hi Tumpu-Nyo. Mian-Nyo anu palesayamo tumuu'mo sanang madi'mo ko anu mompoposia kalana iwi-iwi' na mian i songko-songko na dunia mompototu'umo katalasanggoan-Nyo,

ZAKHARIA 13:9

Me sambagian na dunia na daagi' salamat. Ka' mule' aha aijo' Ku posusi'mo susumo salaka anu osuangmo i apu da madi'mo ko galo'nyo. Aha Ku uji'mo susumo mian monguji'mo mosoni'. Lantas aha balado'amo hi beleng-Ku ka' suele ahi' Ku taamimo na aha. Ku poto'imo hi aha tukoong-Ku aha aijo' mian anu palesayamo hi beleng-Ku, ka' aha suele mongakuimo tukoonyo nu aha; Akumo na Tumpu nu aha.”

YOHANES 10:16

Daagi' mule' ko domba-domba sangga'at aijo' suele anung-Ku, panyo madi' pinosoop i pahasan nu domba haha aiya. Aha suele tionyo Kuboa, ka' aha mule' tionyo mohongo potataeng-Ku. Aha iwi-iwi' tionyo timbali sampahas ka' sa'angu' na polaya'.

YOHANES 4:22

Komiu mian nu Samaria monsombah anu madi' osumbu' miu, panyo kami mian nu Yahudi monsombah Ia anu osumbu' mami, kalana kasalamatan toka lengkat mae hi mian nu Yahudi.

SISIKON NU TO RASUL-RASUL 15:17

da iwi-iwi' na mian anu tinasisa aijo' molio Tumpu, tiba iwi-iwi' bansa sangga'at anu misa' Yahudi anu i lagang-Kumo da timbalimo Aku na tumpunyo.’

SISIKON NU TO RASUL-RASUL 2:39

Kalana anu jinanji'mo nu Tumpu aijo' bau bagi miu tiba lee' miu, tiba bau bagi nu to mia-mian anu daagi' kiijo' mae i tampat-tampat anu majo'on – aijo'mo iwi-iwi' na mian anu i laga nu Tumpu Tumpunto da toka hi Ia.”

ROMA 11:26

Sumo aijo' na mian nu Yahudi iwi-iwi' oposalamat. Kalana i uno nu Kitab nu Tumpu tinulismo sumo uuka, “Tomundo' anu Momposalamat tokaje mae lengkat i Sion; Iaje na mongalini iwi-iwi' ka'idekan anu lengkat mae hi lee' i Yakub.

ROMA 11:5

Sumo aitu mule' tempo' uuka aiya: Daagi' ko to mia-mian sangkiding anu pinile'anmo nu Tumpu, kalana balakat-Nyo.

ROMA 11:7

Jadi, mosia? Mian nu Israel anu palesayamo madi'mo mohumpak apaa na anu nulio nu aha. Anu mohumpak ola santompuk ise-ise' na mian anu pinile'anmo nu Tumpu. Iwi-iwi' sangga'at ola pinanggaga madi' nompa juli polaga nu Tumpu.

ROMA 9:24

Kita ilaga-Nyomo, misa' ola lengkat i bansa Yahudi, panyo mule' suele i bansa sangga'at.

ROMA 9:27

I Nabi Yesaya notatae sahondo-hondonyo mongkona bansa Israel, “Mau mule' konjoo' nu bansa Israel sumo bone' i ambai, panyo ola sangkiding na anu salamat;

IBRANI 12:22

Panyo mule', komiu tinokamo i Bungkutnyo nu Sion, ka' kota' nu Tumpu anu tumuu', aijo'mo Yerusalem anu i suluga', anu ko malaikatnyo momada-madala na konjoo'nyo.