YOËL 2:3 - KITAB NU TUMPU ALLA LELE MA'IMAI'

³ Susumo apu anu mompapui ka' montoyo'i aha nohansunimo iwi-iwi na anu osu'an. Momonanyo mae lipu' aijo' sumomo Eden, i natan nu Tumpu panyo lapas mae, sumomo padang bone' anu mapeges hondo. Madi'mo ko anu tinontuha' madi'mo kino sisanyo na tinumbuhan nu aha.

YOËL 2:3 ပူးပေါင်းရင်းမြစ်များ

KAJADIAN 13:10

I Lot nontanggalakon songko-songko, ka' tinoanyo iwi-iwi' na Bangka'nyo nu Yordan toka-toka i kota Zoar manjoo' na ueenyo, sumomo Taman nu Tumpu kabai sumomo tano' nu Mesir. (Sumomo aijo' na balu-balu'nyo u'utu mae ma'isa pe'e Tumpu nongidei to kota-kota nu Sodom ka' Gomora.)

KAJADIAN 2:8

Lapas aijo' Tumpu Allah nombaumo taman kiijo' i Eden, i sasu kabete'an, ka' pinojoong-Nyomo ikiijo' na manusia anu kinompon-Nyomo aijo'.

MAZMUR 50:3

Tumpunto tinokamo mae ka' madi' ahi' ola momohokot, ma'isa pe'e Ia mamba mae, apumo na tongkoi moona mae toka lewa' moak ka' nu tikubi nu antong anu talalo ahi' daka'.

MAZMUR 97:3

Apu nokaanmo i ahopnyo, nontoyo'imo anu monsampobali' aijo' titikub hi Ia.

NOSABATMO 10:15

Songko-songko na tano' sinapnyomo nu kihi-kihi' me mo'i-mo'itom na otoa. Iwi-iwi' nukaan nu aha apaa na anu madi' pinoko idean nu ujan eis aijo', atina'mo bua' nu to kau-kau'. Songko-songko na tano' nu Mesir madi'mo ko anu molunou na tinontuha', na kau' iwi-iwi' kabai anu sinu'an.

NOSABATMO 10:5

Kalana talalo manjoo' sahingga bawo nu tano' songko-songko saidi' mae me saja' kihi-kihi'. Iwi-iwi' na anu sinu'an, ka' to kau-kau' anu madi' ingidean nu ujan eis, nupaka ingkotije nu kihi-kihi' haha aijo'.

YESAYA 14:17

Te iamo aiya na anu nonohansunimo kota-kota' ka' nombali'imo dunia sahingga timbalimo tampat anu kaho bone'nyo? Te iamo aiya na anu madi' toho' nompolapas mian anu lewa' ihakopnyo kabai madi' nompobee' da aha ninsusule'mo?’

YESAYA 15:6

Uee nu Kaunyo Nimrim ka' hemput anu tinumuu' isonibinyo inanggasmo ahi' tala-talalo, madi'mo daagi' ko kau' kabai hemput anu molundo.

YESAYA 33:4

Sumo sampahas na kihi-kihi' na mian montumbuhi aha ka' mompahuhuakon halata' nu aha.

YESAYA 51:3

O, Yerusalem, Aku mohase'mo beleyum, ka' iwi-iwi' na anu jojoong itampat nu belemiu anu ihansunmo. Sinin na padang tampat anu kinunmo, Kupotimbalimo taman, pokakana sumo Eden, taman-Ku anu molumba' Ikiijo' mian lame'mo ka' mule' bilahimo ka' lewa'mo manyanyi salaku bau pontalima kaseh.

YESAYA 9:18

Tumpu Anu Daka' na Kuasanyo talalomo hondo notambuha' ka' hukuman anu Nu nabu'akon sumomo apu anu kino ilos-ilosmo ka' bansa aijo', aijo'mo na anu nu nu toyo'imo. Madi'mo daagi' kosamian na anu mongkalibosi utusnyo.

YESAYA 9:19

Isongko-songko na lipu' aijo' mian mo agomo maumo pa' apaa na anu timbali okaan panyo madi' mongoa'i mobosu. Aitu pe'e to sanga-sangalu nu aha na kaanmo nu aha!

YEREMIA 5:17

Nu ingkotimo nu aha na isi nu ale' tiba anu okaan nu belemiu ka' mompateimo to ana-anak nu belemiu. Potuu'on sapi' tiba domba nu belemiu nu pahangkolotakonmo nu aha ka' mule' ale' nu anggur nu belemiu tiba kau' ara nu belemiu nu galisimo nu aha. Iwi-iwi' na kota' anu ko bentengnyo ota-otaha'imani nu belemiu nuhansunimo nu aha.

YEHEZKIEL 36:35

Sahingga iwi-iwi' na mian jadimo bangang kalana tano' anu u'utu mae kinunmo uuka aiya nongabali'mo tinimbalimo taman Eden, ka' mule' kota-kota' anu naipuan mae iliingmo hondo, ihansunmo ka' memo kinahansunanyo na aijo' uuka aiya jinadimo kota-kota' anu mahoson palatahanannyo ka' nanjoo'mo hondo na miannyo anu jojoong ikiijo'.

AMOS 7:4

Aku nontoa mule' lengkat mae hi Tumpu Anu Matangkas na Kuasanyo. Tinoangku Ia hau-haunyo mosadiamo da mohukumo nu apu mian anu palesayamo hi Ia. Apu aijo' nolele nontisimo ndalangon i dunia aiya ka' lewa'mo nontoyo'i ale'.

HABAKUK 1:6

Bansa Babel anu baani ka' singgi aijo' Ku pojadimo bansa anu balakuasa. Aha mosabatmo mae lengkat ilipu'nyo ka' monsongkohimo songko-songko na dunia da mompatundu'mo iwi-iwi' na bansa sangga'at.

ZAKHARIA 7:14

Sumomo ahi' tambusisi' na Aku nonsapui aha, sahingga aha talapakisa jinojoongmo ahi' i lipu' nu aha anu i salipu'an mae. Tano' anu maomuk iliingmo hondo ka' madi'mo ko anu monjojoongi ka' mule' kinuunmo.”