YOËL 2:26 - KITAB NU TUMPU ALLA LELE MA'IMAI'

²⁶ Anu okaan nu belemiu sukupmo ka' mongoa'imo mobosu. Tumpu nu belemiu opopodaka'mo nu belemiu, kalana hi belemiu binau-Nyomo manjoo' na anu okabangangi. Mian-Ku anu palesayamo madi'mo daagi' lewa' nu alu nu mian!

YOËL 2:26 ပူးပေါင်းရင်းမြစ်များ

KAJADIAN 33:11

Ku poita, talimamo na anu sinombahkonkumo, anu binoangkumo mae aiya. Kinanononganmo nu Tumpu Allah na aku ka' binee'an-Nyomo apa-apaa anu ku palalui.” I Yakub saja'mo nongkakase ahennyo i Esau nontalimamo anu binee'nyo aijo'.

NEHEMIA 9:25

Mian anu palesayamo hi Belento mongkuasaimo iwi-iwi' na benteng anu bau kahosonan nu aha, tano' anu ma omuk ka' mule' laigan anu manjoo' hondo na kakaya'annyo. Iwi-iwi' na bubung ka' bulakan nu uee ingalamo nu aha, ale' nu anggur, ka' mule' kau' zaitun ka' to bua-bua' nu kau' sangga'at. Aha nolompo'mo kalana nongkaanmo yayamo na anu nu kahanda'i nu kinyonyoa nu aha. Iwi-iwi' apaa na anu ma'ima' bibinee'mo nu Belento tina'upmo nu aha.

MAZMUR 103:5

Ia na anu nomposukupmo kantumuu'an nu beleyum i han anu ma'ima', sahingga beleyum sabole-boleh daagi' olitau susumo mbambang nu bonyia'.

MAZMUR 116:7

Pinosanangkumo na kinyonyoangku, kalana nu kanonongi nu Tumpu na aku.

MAZMUR 13:6

Kalana aku montaha'imani kalibosan mae nu Belento sahingga aku lame'mo kalana Belento nomposalamatmo aku. Aku manyanyimo mompuji' Tumpu, kalana Ia nombaumo mae anu ma'ima' hi belengku!

MAZMUR 22:26

De sihukmo na mian aku mompuji'mo Belento, kalana iwi-iwi' apaa na anu binaumonu Belento. I ahop nu mian anu mohongo-hongo Tumpu ku sombahkonmo na koloban anu jinanji'kumo.

MAZMUR 37:19

De nu tokaimo mae nu kasusa'an aha na madi' ahi' mongoa'i sansala itempo nu kasusa'an i anu okaan aha na sukup ahi' na anu okaan.

MAZMUR 67:5

O'amalakon da iwi-iwi' na bansa montaligalai lame-lame', ka' obau bila-bilahi na manyanyi. Kalana Belento mompalentah adin, ka' mompotiju' jalan nu kantumuu'an hi batu-batu bansa i dunia aiya.

MAZMUR 72:18

Opuji' na Tumpu, Tumpu nu aha Israel! Ola Ia na timbali mombau han anu okabangangi.

AMSAL 13:25

Mian anu manonong saja' sukup nakantumuu'an nu aha; panyo mian anu ma'idek na kinyonyoanyo saja' kakulangan.

NYANYIAN ANU TALASANGGO 5:1

Aku tinokamo i ale'ku, sindua'anku pangantinku. Ilimu'kumo na mur tiba lampa-lampangku potik tiba juu' nu uani'ku kinaankumo inginumkumo na susu tiba uee nu anggurku. Pongkaanmo ka ponginumo to sanga-sangalungku. Inummo sampe nu osaimo na sindua'anku.

YESAYA 25:1

O, Tumpu, Belentomo na Tumpu Allah-ngku, ku popodaka' na Belento ka' mule' ku puji na sanggo nu Belento. Kalana apa-apaa na anu binaumo nu Belento talalo ahi' okabangangi; Belento notanga'imo mombau apa-apaa daagi' pe'e naipuan mae, ka' binaumo ma'i-ma'ima.

YESAYA 29:22

Kalana aijo' Tumpu, Tumpu nu Israel anu nompobebasmo i Abraham uuka aiya motataemo, “O, bansang-Ku belemiu madi'mo daagi' saja' otee ka' ohup nu belemiu madi'mo daagi' me'es kalana ma'ambangmo.

YESAYA 45:17

Panyo Israel nuposalamatmo nu Tumpu; kasalamatannyo madi' ola sasaingoni'. Belemiu madi'mo opopo ambang ka' o'alu sampe toka sidu-sidutu'.’ ”

YESAYA 49:23

To tomu-tomundo' saidi' mae sumomo ahi' tuuma nu beleyum ka' to tomu-tomundo' boune sumomo ahi' posi tina. Aha saidi' mae tolodadupumo moholomati beleyum ka' mati'alukmo hi beleyum. Sahingga nu sumbu'je nu beleyum taalu' Akumo ahi' na Tumpu; miana nu montaha'imani Aku madi' mule' mompele-pele'.”

YESAYA 54:4

Boli mabuhuk, beleyum madi opopo'ambang; madi'mo o, alu ka' lewa' mahasasungonan. O kolilimimo nu beleyum na beleyum madi' namomong tempo'nyo daagi' olitau; madi'mo daagi' monginau' na beleyum iliing tempo'nyo beleyum binalumo.

YESAYA 55:2

Bau apaa na mongoli tulu-tulumo anu madi' moko pa'osa, ka' bau apaa na mokalaja de madi' momposanang? Batukimo na palentang-Ku, da belemiu mongkaan anu ma'ima', ka' molasaimo kaanon anu matami'.

IMAMAT 25:19

Tano' nu lipu' aijo' ko hasinnyoje sahingga belemiu ko kaanonmo anu sukup ka' jojoongmo kiijo' mae sanangmo.

IMAMAT 26:26

Kaanon nu belemiu saidi' mae mingkotmo, sahingga aha sampulu' na to bou-boune ola sa'angu' na tampat bau pontunuan roti anu daagi' hi aha. Kaanon aijo' ola ogantangi, ka' de belemiu moko kaanmo, belemiu daagi' ahi' mongoa'i mo'ohop.

IMAMAT 26:5

Hasin nu ale' nu belemiu saidi' mae molabi-labimo, sahingga mau tempo'nyomo pontipuan bua' nu anggur, belemiu daagi' mompadak gandum. Ka' de tokamo na tempo'nyo motuganmo gandum, belemiu daagi' montipu bua'nyo nu anggur. Belemiu ko kaanonmo anu sukup ka' kantumuu'an nu belemiu sanangmo i lipu' nu belemiu.

MIKHA 6:14

Belemiu mongkaan panyo madi' mobosu, ola mule' ahi' tataap mo'ohop. Belemiu mongato bala-balang panyo madi' opoko ala ojagai. Maumo pa' apaa na anu ojagai nu belemiu Ku hansunimo i uno nu pahampatean.

ZEFANYA 3:11

Tempo'nyo aijo' belemiu o mian-Ku anu pinalesayamo, belemiu madi'mo palalu mongoa'i ma'ambang kalana notomuhukmo mae hi beleng-Ku. Aku molaa'mo batu-batu mian anu takabun ka' buulon ka' belemiu madi'mo daagi motomuhuk mae hi belengku aita i bungkutnyo anu Susi' anu Aku na tumpunyo.

ZAKHARIA 9:15

Mian anu palesayamo hi Ia na memang ahi' Nu jagai, sahingga iwi-iwi' na sampobali' nu aha timbali opoko ala opatundu'. Susumo polo ais nu mian anu nalangumo nu inumon, sumo aitumo na polo ais nu aha hau-haunyo mahampate. Susumo baso' nu koloban anu dinudu'akonmo aita' i mezbah sumo aitumo na baso' nu sampobali' nu aha nobubus.

ZAKHARIA 9:17

Memang ahi' ma'ima' hondo na tano' nu Tumpu mo'ulop mae, memang ahi' ma'ima' hondo ka' ma'u lele'an! Ikiijo' mae anggur tiba gandum tumuu'nyo molumba' hondo sahingga to oli-olitau ka' to lalangkoyang mompaka pahosonmo.

ROMA 10:11

I uno nu Kitab nu Tumpu tinulis, “Mian anu palesaya madi' mompele-pele'.”

ROMA 5:5

Anu otaha'imani susumo aiya madi' ahi' mombaleko'i kita, kalana kinyonyoanto ingisianmo nu Tumpu nu liibos-Nyo. Tumpu nombau aijo' montului Roh-Nyo, anu binee'mo hi kita.

ROMA 9:33

Mongkona batu aijo', i Kitab nu Tumpu tinulis sumo uuka, “O intomakon na aiya: I Sion pinotimpas-Kumo sambatu na batu anu monsaduakon mian tosumpun; aijo'mo sambatu na batu daka' anu monsaduakon mian motua'. Panyo mian anu palesaya hi Ia madi' mompele-pele'.”

PO'ULE' INGULIT 11:15

tiba mule' hemput bau kaanon nu binatang nu belemiu. Iwi-iwi' na kaanon anu opalalui nu belemiu tinonsadiamo hi komiu.

PO'ULE' INGULIT 12:12

Okalame'i i ahop nu Tumpu Allah nu belemiu, hingga-hinggat tiba to ana-anak nu belemiu, to posa-posaihon nu belemiu ka' to mia-mian nu aha Lewi anu jojoong i iwi-iwi' na kota nu belemiu, kalana mian nu aha Lewi madi' binagian tano' i lipu' nu belemiu.

PO'ULE' INGULIT 12:18

Belemiu tiba to ana-anak nu belemiu hingga-hinggat tiba to posa-posaihon nu belemiu tiba to mia-mian nu aha Lewi anu jojoong i kota nu belemiu tionyo ahi' mongkaan palasombahan aijo' i ahop nu Tumpu Allah nu belemiu, i tampat anu pinile'anmo nu Tumpu Allah nu belemiu. Ka' i tampat aijo' tionyo ahi' belemiu mongkalame'i kalana iwi-iwi' apaa na anu binaumo nu belemiu.

PO'ULE' INGULIT 12:7

Ikiijo' suele i ahop nu Tumpu Allah nu belemiu, belemiu hingga-hinggat tiba to ana-anak nu belemiu tionyo ahi' mongkaan ka' mongkalame'i usaha miu iwi-iwi' anu kino hasinnyomo kalana binalakatanmo nu Tumpu Allah nu belemiu.

PO'ULE' INGULIT 8:10

Belemiu mongkaan sampe ma'osa ka' mompoita talima kaseh hi Tumpu Allah nu belemiu kalana tano' anu ma'omuk anu binee'-Nyomo hi belemiu.”

1 TIMOTIUS 6:17

Hi to mia-mian anu kaya i dunia aiya tionyo ahi' nupoita nu beleyum da aha boli kobubuun, ka' boli montaha'imani to paka-pakakas anu madi' tataap – sumo hannyo nu kakaya'an. Aha tionyo montaha'imani Tumpu anu nombee'imo molabi-labi iwi-iwi na apaa hi kita, da olasainto.

1 YOHANES 2:28

Jadi to ana-anakku, saja' ahi' tumuu' mosa'angu' tiba i Kristus, da saidi' mae de tempo'nyomo Ia toka, kita buke-buke' nu kabaanian na mangadap hi Ia, ka' madi' maninsuluk kalana ma'ambang.