YOËL 2:24 - KITAB NU TUMPU ALLA LELE MA'IMAI'

²⁴ Sahingga gandum mongisi mule' tampat pongututan; anggur ka' lanya' nu zaitun molabesmo i tampat pompao'an.

YOËL 2:24 ပူးပေါင်းရင်းမြစ်များ

YEHEZKIEL 36:8

Panyo kona hi belemiu Ku poto'i o, to bungku-bungkutnyo i Israel, ka' mule' iwi-iwi na kau' nu belemiu minsumpeje ka' mimbua' mule' da nu kaan nu mian Israel anu palesayamo hi beleng-Ku anu malia'mo mae minsusule'.

YOËL 3:13

Aha talalo hondo ma'idek; sabitmo na aha susumo gandum anu nahamo i ale'. Ututmo na aha susumo anggur i uno nu pompetian nobuke'mo sampe nolabe-labesmo.

YOËL 3:18

Tempo'nyo aitu iwi-iwi na bungkutnyo mobuke'mo nu ale' nu anggur. Binatang anu opotuu' mongototmo hemput i iwi-iwi na puge'nyo anu ma'omuk. Iwi-iwi na kaunyo anu kiijo' i Yehuda, madi'mo toho' mo'oti na ueenyo. Sa'angu' na kaunyo mo ili lengkat mae Laigan nu Tumpu, ka' mongueeimo Bangka'nyo nu Akasia na ueenyo anu molino hondo.

IMAMAT 25:19

Tano' nu lipu' aijo' ko hasinnyoje sahingga belemiu ko kaanonmo anu sukup ka' jojoongmo kiijo' mae sanangmo.

IMAMAT 26:10

Isi nu ale' nu belemiu molabi-labimo sahingga sukupmo na anu okaan sataun. Ka' mule' belemiu tantu monsabatakonmo labinyo nu anu pinadak pininmo da tampatnyo ponguna'anmo anu sala'je pinadak.

AMOS 9:13

Tumpu notatae, “De tokamo na tempo'nyo, tumuu'na gandum talalo hondo malia' sahingga tempo'nyonu mompadak madi' ko kamingkotannyo. Anggur malia'mo natumuu' sahingga mian saja'mo mombau uee nu anggur. Uee nu anggur jumujumo mae i to bungku-bungkutnyo ka' mo ili mae i to puge-puge'nyo.

MALEAKHI 3:10

Boa mae na anu sampulu' na bagian sambagian na o'ala ka' obee' mae iwi-iwi' i Laigan-Ku, da saja' ahi' manjoo' na anu okaan ikiijo'. Soba uji' mae na Aku da otoaje nu belemiu na Aku nombuka'mo sabatan nu suluga' ka' mule' mombee'imo iwi-iwi na anu ma'ima' manjoo' hondo hi belemiu.