YOËL 2:23 - KITAB NU TUMPU ALLA LELE MA'IMAI'

²³ O mian da'isan nu Sion, balame-lame'mo! Bilahimo ka' polo aismo! Kalana iwi-iwi' na anu ma'ima' lengkat mae hi Tumpu nu belemiu. I tempo'nyo nu polosuan binee'an-Nyomo sukup na ujan hi belemiu. I tempo'nyo nu bakin ujan tinudunakon-Nyomo mae. Ka' suele tempo'nyo nu pimbuhakan sumomo u'utu mae.

YOËL 2:23 ပူးပေါင်းရင်းမြစ်များ

1 TOMU-TOMUNDO' 8:36

ka' ampuniakon mae na dosa' nu mian Israel anu pinalesayamo hi Belento tiba tomundo' nu aha. Pokinde'iakon na aha da mombau apaa na anu totu'u. Lapas aijo' Tumpu tudunakonmo mae na ujan i lipu' nu Belento aiya, lipu' anu binee'mo nu Belento hi mian anu pinalesayamo hi Belento da timbali anu nu aha sampe toka sidu-sidutu'.

AYUB 33:23

Samadala na malaikat nu Tumpu Allah, ugaat samian, na mompotuka' hi manusia apaa na kalajanyo, anu saidi' toka mae montulungi ia.

AYUB 37:13

Tumpu Allah nombee'imo mae ujan da bau pohumpisi tano', kabai mule' da bau pohukum manusia; ka' ugaat mule' da opotoa hi aha, na kalibosan-Nyo anu talalo hondo anu tataap sampe toka sidu-sidutu'.

MAZMUR 104:34

O' amalakon da nyanyianku sanang na ia mohongo, kalana Iamo na nompolame' kinyonyoangku.

MAZMUR 147:8

Iamo na nompobi kundom aita' i langit; Iamo na nompotouka ujan pongujani tano', ka' nompotumuu' hemput i puge'nyo.

MAZMUR 149:2

Balame-lame'mo, o Israel kalana Ia na anu nompotimbalimo beleyum; bila-bilahimo, o mian anu jojoong i Sion kalana tomundo' nu beleyum!

MAZMUR 28:7

Tumpu na monjagai mae aku ka' anu montinjohi mae aku, aku pinalesayamo hi Ia. Ia nontulungimo mae ka' nompolame'mo kinyonyoangku, aku mompuji'mo Ia nu nyanyian anu bau pontalima kaseh.

MAZMUR 32:11

O to mia-mian anu bala iman, bila-bilahimo ka' balame-lame'mo, kalana nongoa'imo apaa na anu binaumo nu Tumpu. Pontaligalaimo ka' bilahimo, o iwi-iwi' na mian anu madi' tageo' na kinyonyoanyo!

MAZMUR 84:6

Mohumpakmo ka'ima'an na mian anu obee'imo kahosonan nu Belento, ka' anu ko kinyonyoa mamba montoa Bungkutnyo nu Sion.

AMSAL 16:15

Nonongnyo nu kinyonyoa nu tomundo mompodaagi' kasanangan nu kantumuu'an; susumo kundom montudunakonmo ujan itempo' nu posinaa.

YESAYA 30:21

De belemiu madi'mo montulu ijalan anu memang ahi' ojalani, aitu mae ihiku nu belemiu ohongomo na potatae-Nyo montaloakon, “Aiya ahi' mae na jalan; tuusakon na jalan aiya.”

YESAYA 30:23

De belemiu motuganmo bine', Tumpu montudunakonmo mae ujan da bine' aijo' tumuu' da kohasinnyo ahi' anu opadak ka' molabi-labi. Ka' mule' potuu'on nu belemiu sadiamo na hemput padang anu ewa na tampatnyo.

YESAYA 41:16

Beleyum montapimo aha lantas aha nu lahabakonmo nu mombun ka' nu sagakonmo nu antong anu daka'. Beleyum lame'mo kalana Aku, Tumpu, ka' bilahimo kalana Aku, Tumpu nu Israel.

YESAYA 61:10

Yerusalem notataemo, “Aku i lame'mo kalana Tumpu, kinyonyoangku binilahimo kalana Tumpu. Susumo boting mo'ane ka' boune nompakemo mainan anu toto ima-ima' hondo, sumo atina'mo na Tumpu nompopusok mae hi belengku baju' kasalamatan ka' kamangan.

YEREMIA 3:3

Aijo' na sababnyo uee anu lengkat mae i langit tinatahanmo ka' mule' ujan ilonu nu pimbuhakan nu kau' madi'mo daagi' ti nudun mae. Beleyum momoho'mo susumo mian anu saja' masala' ka' madi'mo nonsumbu' ambang.

YEREMIA 5:24

Madi' toho' belemiu tinolotuka mongadati mae Aku, padahan Aku na nombee'i mae ujan maumo ipalatamanyo nu lonu nu ujan kabai ikamingkotannyo mo nu lonu nu ujan. Aku mule' ahi' na nombee'i belemiu lonu nu mongala isi nu ale' sataun toka sataun.

MOHAANGI 4:2

Naipuan mae to ana-anak anu tumimpasmo i kota' Sion sumomo ahi' mosoni' anu mahan na olinyo, panyo uuka aiya binaumo susumo gumbang anu ola ahi' tano' na binau.

YEHEZKIEL 34:26

Ku balakatimo na aha ka' mompobee'mo aha jojoong i bungkutnyo anu susi' anu Aku na tumpunyo. Aha Ku bee'imo ujan de nu palalui nu aha.

HOSEA 6:3

Kalana aijo' imbo' mo da kita mompagala ahi' totu-totu'u palesaya hi Tumpu. Ia totu-totu'u tokamo mae hi kita susumo sinaa kahandamo mae bete', ka' susumo mule' ujan mohomeimo tano' salatan ohanimo mingkot na lonu nu ujan.”

IMAMAT 26:4

Ku tudunakonje mae na ujan toka i tempo'nyo, sahingga ale' ko hasinnyomo ka' kau' mimbua'mo.

AMOS 4:7

Pinoliwa'-Kumo na tudun mae na ujan salatan anu osu'an nu belemiu talalomo hondo palalu i uee. Ku tudunakon mae na ujan i sa'angu' na kota', ka' madi' mokiijo' i kota' sangga'at. Ale' sa'angu' nutului nu ujan, sadangkan ale' sa'angu' mule' manggas madi' ko uee-ueenyo.

ZAKHARIA 10:1

De tempo'nyomo nu kau' mimbuhak pompoitamo ujan hi Tumpu. Da nu posihukmo nu Tumpu na kundom anu tinumatampokmo ka' montudunakonmo ujan anu daka' hondo, sahingga iwi-iwi' na ale' molumba'mo na anu sinu'an ka' iwi-iwi' na mian sanangmo na montoa.

ZAKHARIA 10:7

Mian nu Israel sumomo suludadu anu baani hondo sumomo mian anu monginumo anggur aha lame'mo. Lee' nu aha mae lengkat pe'e naipuan mae sampe aiya mae i ahop madi' mongkolilimi ka Untungan nahampate anu binee'-Kumo aiya. Aha bilahimo kalana palabuatan anu saidi' mae Ku baumo hi aha.

ZAKHARIA 9:13

Yehuda Ku pakemo susumo pana' nu suludadu anu baani ka' mule' Israel susumo hihis nu pana' anu sasadiamo opeletakon. Mian anu jojoong i Sion Ku pakemo susumo bajak tiba bajak aijo' aha to mia-mian nu Yunani Ku tumbuhimo.”

ZAKHARIA 9:9

O, mian anu jojoong i Sion, balame-lame'mo! O, mian anu jojoong i Yerusalem pontaligalaimo! Toamo! Tomundo' nu beleyum tinokamo ka' inguntungmo mae na nahampate! Ia tomundo' anu adin momomboamo mae kasalamatan. Panyo madi' bakadaka'an na ia toka mae monsake'i keledai, sa'angu' na keledai anu daagi' bata'nyo.

SISIKON NU TO RASUL-RASUL 14:17

Panyo Ia madi' kinolilimannyo na nombee'i to buku-bukuti' mongkona butong-Nyo, aijo'mo nombau anu ma'ima'. Ia nombee'i beleyum ujan lengkat i langit ka' hasin nu tano' toka i loonunyo. Ia mombee'i kaanon hi komiu ka' momposanang kinyonyoa miu.”

PO'ULE' INGULIT 11:14

De belemiu mombaumo sumo aijo', saba' Tumpu mompotokamo mae ujan i tano' nu belemiu de tokamo na tempo'nyo salatan belemiu moko padakmo, ka' salatan tempo'nyomo na belemiu montampu'unimo motugan. Sahingga sukupmo na gandum nu belemiu, anggur ka' lanya' nu zaitun,

PO'ULE' INGULIT 28:12

Tumpu montudunakonje ujan de tokamo na lonunyo lengkat mae itampat pinompo'una'an-Nyo anu mabohos hondo aita'mae i langit. Ia mombalakatije iwi-iwi' apaa na anu obau nu belemiu, sahingga belemiu momposabonakonmo hi to bansa-bansa, panyo belemiu madi'mo palalu monsabon.

PO'ULE' INGULIT 32:2

O amalakon da pangajalan-Ku tudun mae susumo ujan, ka' potataengku jumuju mae susumo dondu'ok ka' mule' susumo dohidi' tudun i to hempu-hemput, ka' ujan daka' tudun i sosu'anon.

FILIPI 3:1

Ahennyo to Utu-utusku, tionyo ahi' komiu lame'mo kalana komiu nosa'angu'mo tiba Tumpu. Aku madi' mongoa'i lawe na mongulit apaa na anu tinuliskumo ka' pinakatungkumo hi komiu momonanyo mae; kalana han aijo' ma'ima' da bau kasalamatan miu.

FILIPI 3:3

Padahan kitamo na to mia-mian anu nontalimamo sunat anu totu-totu'u misa' aha. Kita monsombah Tumpu posi Roh nu Tumpu na nompotuka', ka' kita montalima kase kalana kita tumuu' nosa'ngu'mo tiba i Kristus Yesus. Kita madi' taha'iman i to ada-adat anu ola mombatuki kabiasa'an nu dunia.

FILIPI 4:4

O'amalakon da komiu saja' lame' kalana komiu tinumuu'mo nosa'angu' tiba Tumpu. Po'ule' pe'e kutaloakon: Obau lame-lame'!