YOËL 2:22 - KITAB NU TUMPU ALLA LELE MA'IMAI'

²² O to bina-binatang boli gago' na kinyonyoa. To pada-padang hemput uuka aiya nolumba'mo. Talalomo hondo nahampe na bua'nyo nu to kau-kau' bua'nyo nu anggur tiba ara nolabi-labimo.

YOËL 2:22 ပူးပေါင်းရင်းမြစ်များ

KAJADIAN 4:12

De beleyum mosu'an sosu'anon, tano' madi' mombee'i hasinnyo apa-apaa; beleyum timbalimo anu mahalajangan madi'mo ko tampat kajojoongan i dunia.”

MAZMUR 36:6

O Tumpu kalibosan nu Belento matangkas hondo sumo langit ka' mule' kanonongan nu Belento toka-tokamo i kundom.

MAZMUR 65:12

Kalana Belento nongkanonongimo mae, sataun toka sataun nuposadiakonmo nu Belento na bua'nyo nu sosu'anon anu ohumpak mami iya na anu katokaan nu Belento, i kiijo' na anu ohumpak manjoo'.

MAZMUR 65:13

Tampat anu mateges nanjoo'mo na mee'nyo tiba dombanyo, iwi-iwi' na puge'nyo lame'mo.

MAZMUR 67:6

O'amalakon da iwi-iwi' na bansa mompuji' Belento, o, Tumpu, o'amalakon da iwi-iwi' na bansa monsumbu' montalima kase hi Belento.

YESAYA 51:3

O, Yerusalem, Aku mohase'mo beleyum, ka' iwi-iwi' na anu jojoong itampat nu belemiu anu ihansunmo. Sinin na padang tampat anu kinunmo, Kupotimbalimo taman, pokakana sumo Eden, taman-Ku anu molumba' Ikiijo' mian lame'mo ka' mule' bilahimo ka' lewa'mo manyanyi salaku bau pontalima kaseh.

YEHEZKIEL 36:30

Kutuangimo na kalumba'an nu kau' anu bua'nyo nu kaan nu belemiu ka' hasin nu ale' nu belemiu iwi-iwi' sahingga belemiu madi'mo mongoa'i kasusa'an i anu okaan anu mombusikimo sanggo nu belemiu hi aha bansa-bansa.

YEHEZKIEL 36:35

Sahingga iwi-iwi' na mian jadimo bangang kalana tano' anu u'utu mae kinunmo uuka aiya nongabali'mo tinimbalimo taman Eden, ka' mule' kota-kota' anu naipuan mae iliingmo hondo, ihansunmo ka' memo kinahansunanyo na aijo' uuka aiya jinadimo kota-kota' anu mahoson palatahanannyo ka' nanjoo'mo hondo na miannyo anu jojoong ikiijo'.

YEHEZKIEL 36:8

Panyo kona hi belemiu Ku poto'i o, to bungku-bungkutnyo i Israel, ka' mule' iwi-iwi na kau' nu belemiu minsumpeje ka' mimbua' mule' da nu kaan nu mian Israel anu palesayamo hi beleng-Ku anu malia'mo mae minsusule'.

YUNUS 4:11

Iya mule' na Aku madi' susa' na mompopikilakon Ninewe kota' anu daka' aijo'. Kalana sambiha'nyo ahi' na to bina-binatang anu madi' minsoop i lekengan aijo', panyo ikiijo' daagi ko 120.000 na anak anu ma'isa monsumbu' mombedakon, apaa na anu ma'ima' ka' mule' apaa na anu ma'idek.” 1

HAGAI 2:16

Belemiu nambamo nontoa tambulan nu gandum ka' aupe'e ahi' mohumpak 200 na kilogram na gandum, panyo taalu' ola ahi' 100 na kilogram. Belemiu mamba kahanda' montauk 100 na liter na anggur aijo' igumbang nu anggur panyo anu ikiijo' ola ahi' 40 na liter.

ZAKHARIA 8:12

Aha monsa'u bine' madi'mo ko anu mompoposia. Sagala anggur nu aha mimbua'mo ka' mule' tano' ko hasinnyomo ka' mule' ujan tudunmo mae manjo-manjoo'. Iwi-iwi' na balakat haha aijo' Ku bee'mo hi to mia-mian anu daagi' tutuu' i bansa aiya.

1 KORINTUS 3:7

Jadi anu penting, aijo'mo Tumpu, kalana Ia na mompotumuu'. Anu monsu'an tiba anu mondudu'i madi' penting;