YOËL 2:21 - KITAB NU TUMPU ALLA LELE MA'IMAI'

²¹ Boli mabuhuk, o ale' posanang na kinyonyoa nu beleyum; Ingat na han anu daka' hondo bibinaumo nu Tumpu hi belemiu!

YOËL 2:21 ပူးပေါင်းရင်းမြစ်များ

KAJADIAN 15:1

Lapas aijo', i Abram nontoamo ka' nohongomo Tumpu notatae hi ia, “Boli mabuhuk, Abram, Ku jagai na beleyum da boli ko balaa montokai mae ka' mombee'imo tambo anu daka' hi beleyum.”

MAZMUR 71:19

O Tumpu, ka'adilan nu Belento matangkas hondo sumo langit; daka' hondo na hahan anu binaumo nu Belento; ihe na moko ala mompokakanai Belento?

MAZMUR 98:8

Bakas da kaunyo iwi-iwi' mohapa'imo lima, ka' iwi-iwi' na puge'nyo montaligalaimo lame-lame' i ahop nu Tumpu.

YESAYA 35:1

Padang tampat anu mateges ka' mule' tano' anu kinunmo lame'mo, bunga-bunga singkapmo timboka ipadang anu ewa natampatnyo.

YESAYA 41:10

Boli mabuhuk kalana Aku na monsangalui beleyum, boli baat-bata, kalana Aku na Tumpu nu beleyum. Beleyum Ku pokododomo ka' Ku tulungimo, Ku taka'mo nu limang-Ku anu timbali otaha'imani.

YESAYA 44:23

Pontaligalaimo lame-lame' o, langit pontaligalimo hoso-hoson o, anu i uno nu tano'! Pontaligalaimo lame-lame o, to bungku-bungkutnyo! ka' suele alas ka' mule toto sa'angu' na kau' anu kiijo' i alas! Kalana Tumpu nompotoamo kakuasa'an-Nyo anu daka' hondo, aijo'mo ia nomposalamatmo mian anu palesayamo hi Ia.

YESAYA 54:4

Boli mabuhuk, beleyum madi opopo'ambang; madi'mo o, alu ka' lewa' mahasasungonan. O kolilimimo nu beleyum na beleyum madi' namomong tempo'nyo daagi' olitau; madi'mo daagi' monginau' na beleyum iliing tempo'nyo beleyum binalumo.

YESAYA 55:12

Belemiu mompala'imo mae Babel ka' sanangmo hondo, ka' oboamo minsusule' ma'i-ma'ima'. Bungkutnyo ka' puge'nyo lame'mo ka' montatigalaimo to kau-kau' aijo' i ale' nohapa'imo lima.

YEREMIA 33:3

“Poloboo'mo mae hi Belengku da Ku taamije; Ku poto'ije hi beleyum hahan anu handa hondo ka' anu okahelani hondo ka' ma'isa nu sumbu' nu beleyum.

HOSEA 2:21

Tempo'nyo aijo' de mian-Ku Israel anu palesayamo balado'a Ku potombihingje na aha. Lengkat mae i langit Ku tudunakonmo mae na ujan sahingga tano' mohasinakonmo gandum, anggur ka' lanya' nu zaitun. Lengkat mae i langit Ku tudunakon mo mae na ujan sahingga tano' mohasinakonmo gandum, anggur tiba lanya' nu zaitun.

YOËL 2:20

Sampahas na kihi-kihi' lengkat mae i utara Ku laa'je sambagian Ku laa' i padang bone'. Mamba' i Ambai Mate, Ku sigala na balisnyo anu momona mamba i Ambai anu Totonga'nyo, Ku salakon na balisan anu aitu mae imihinyo. To maya-mayatnyo mabusikmo saidi' mae. Aha Ku hansuni kalana nonsakisamo belemiu.

YOËL 2:26

Anu okaan nu belemiu sukupmo ka' mongoa'imo mobosu. Tumpu nu belemiu opopodaka'mo nu belemiu, kalana hi belemiu binau-Nyomo manjoo' na anu okabangangi. Mian-Ku anu palesayamo madi'mo daagi' lewa' nu alu nu mian!

ZAKHARIA 8:15

Panyo uuka aiya Aku kahanda'mo mombalakati mian anu jojoong i Yerusalem ka' mian anu jojoong i Yehuda. Jadi bolimo mabuhuk.

PO'ULE' INGULIT 4:32

Soba tutugi apaa na anu tinimbalimo tempo'nyo naipuan mae belemiu ma'isa pe'e i hampe salatanmo pe'e sinaa momonanyo Tumpu Allah nompotimbali manusia i dunia aiya. Lio i songko-songko na dunia. Pa' toho'mo tinimbali na han anu daka' hondo sumo aijo'. Pa' toho'mo ko mian anu nohongo apaa na anu jinadimo sumo aijo'?

1 SAMUEL 12:16

Uuka aiya potombihing mae! Otoa hondo-hondo na anu talalo okabangangi anu nu bauje nu Tumpu i ahop nu mata nu belemiu.

1 SAMUEL 12:24

O adati na Tumpu ka' otuluti na Ia, ka' ohongo-hongo ka' okinyonyoai ahi' nu belemiu totu-totu'u. Sabole-bole o inau' na hahan anu daka' anu binaumo nu Tumpu hi belemiu.