YOËL 2:2 - KITAB NU TUMPU ALLA LELE MA'IMAI'

² Sinaa aijo' pikat hondomi' kahomo sehu' madi'mo ko sahayanyo. Suludadu kihi-kihi' singkapmo mae toka, susumo kundom anu nanintingkimo aita' i bungkutnyo. Han anu susumo aijo' ma'isa toho' jinadi ka' madi'mo daagi' po'ule' jadi sampe toka sidu-sidutu'.

YOËL 2:2 ပူးပေါင်းရင်းမြစ်များ

MAZMUR 10:6

Koonyo i uno nu kinyonyoanyo, “madi' ola palasuma na aku, ka' molundu-lundu na tulunannyo sumomo ahi' suele mian anu madi' mombau anu ma'idek i uno nu kantumuu'annyo.”

MAZMUR 97:2

Ia tinikubanmo nu kundom ka' kapintungan; ka'adilan ka' atulan aijo'mo na bau katinjoan nu kapalentahan-Nyo.

NOSABATMO 10:14

anu talalomo hondo manjoo', sahingga me saja' kihi-kihi' i songko-songko na lipu'. Ma'isa toho' mian nontoa kihi-kihi' sumo aijo' na konjoo'nyo, ka' i lapas na aijo' madi'mo toho jinadi na anu sumo aijo'.

NOSABATMO 10:6

Laigan nu tomundo, to lai-laigan nu aha anu ko pangkatnyo ka' Laigan nu layat nupobuke'mo nu kihi-kihi'. Balaa' aiya lebe daka' molingkudui anu toho'mo ingoa'an nu mompolee' nu belemiu.' ” Lapas aijo' i Musa ninsusule'mo.

NOSABATMO 20:21

Panyo mian haha aijo' tataap satinjonyo aijo' mae jo'o-jo'on ka' ola i Musa na nongohanimo kundom anu pini-pinikatmo i tampat anu kinatokanmo nu Tumpu Allah.

YESAYA 5:30

Toka isinaa aijo' songko-songko na Israel kahongoanmo na ais nu anu mahampate sumomo buhok nu bokon da ko daka'nyo. Soba toa songko-songko na lipu' aijo' pinikatmo ka' mule' nompaha genso-gensotmo. Jingka pinikatmo hondo.

YESAYA 8:22

kabai mokaiyong madi' ko apa-apaa na anu nu toa nu aha ola ahi' samata-mata kasansala'an ka' kapintungan ka' mule' kasusa'an na tina'up. Aha saidi' mae olumbu'akonmo i tampat pintu-pintung aijo'.

YEREMIA 13:16

Tumpu Allah nu belemiu tionyo ahi' opopodaka' nu belemiu ma'isa pe'e Ia mompotoka mae kapintungan, ka' tengke nu belemiu tosumpunmo aita' mae ibungkutnyo, ma'isa pe'e jingka anu nu taha'imani Nu bali'imo timbali kapintungan.

YEREMIA 13:6

Madi' pinin pinalentahmo nu Tumpu na aku da po ule' mamba i Kaunyo nu Efrat mongala lipa' kodo-kodo' aijo'.

MOHAANGI 1:12

“O to mia-mian anu notulumo i jalan, toamo ka' palahatikan! Te daagi' mule' ko kasansala'an anu lebe maboat susumo anu ingoa'ankumo uuka aiya? Sakisa anu binee'mo mae nu Tumpu hi belengku, kalana pusanyo anu talalomo hondo aijo'?

YEHEZKIEL 32:7

Salatan Aku monsilakaimo beleyum, langit Ku kukumbungimo ka' mule' to manda-mandala' madi'mo talalo Ku pojingka. Batu nu sinaa Ku posulukmo isambiha' nu kundom ka' mule' bitu'on madi'mo daagi' majingka.

YEHEZKIEL 34:12

susumo samian na polaya' molio ka' momposihuk to domba-dombanyo anu noga'a-ga'atmo lantas mongkalesang aha. Aha Ku sule'akonmo mae lengkat mae isongko-songko na tampat anu pinoga'a-ga'atan nu aha, toka itempo'nyo sinaa pikatmo ka' sinaa anu madi'mo ma'ima' aijo'.

YEHEZKIEL 38:9

Ia tiba suludadunyo ka' mule' manjoo' na bansang anu nonsangaluimo ia tokamo mae montumbuhi aha susumo antong anu daka' hondo ka' montutupimo songko-songko na lipu' susumo kundom.”

DANIEL 12:1

Malaekat nu nompusok baju' lenan aijo' po ule' mule' notatae, “Tempo'nyo aijo' tokamo mae na malaekat anu daka' na kuasanyo i Mikhael anu monjagai bansa nu belemiu. Lapas aitu tokamo na tempo' nu kasusa'an anu madi' ko'anu pokakana salatanmo pe'e kino to bansa-bansamo, panyo iwi-iwi' na mian anu atina' hi bansa nu belemiu anu sanggonyo tinulismo i uno nu kitab nu Tumpu Allah, atina na oposalamat.

DANIEL 9:12

Belento momputusi kona hondo susumo anu jinanji'mo nu Belento hi kami ka' mule' hi aha anu nongkuasaimo mae kami. Yerusalem i hukumo nu Belento tala-talalo, sahanyo kota' iyayamae i dunia aiya na madi' talalo i hukum.

YOËL 1:6

Tumpukan nu kihi-kihi' nontumbuhimo lipu'to; aha mahoson ka' madi' opoko lekeng na konjoo'nyo, bese'nyo pokakanamo ko tajomnyo nu sae nu singa behenyo.

YOËL 2:25

Aku mombolosije apa-apaa na kalugi'an nu belemiu i taun taun tempo'nyo kihi kihi' nongkaanmo hasin nu ale' anu opadakmo nu belemiu. Kalana Akumo ahi' na nonsai sampahas na kihi-kihi' haha aijo' namba hi belemiu.

YOËL 2:31

Batu nu sinaa tinimbalimo pinikat ka' bitu'on timbalimo momea' susumo baso'. Iwi-iwi' aijo' jadimo saidi' mae ma'isa pe'e Sinaa nu Tumpu toka mae, sinaa anu talalo ahi' ma'idek ka' okabuhuk!

YOËL 2:5

Aha mahalumpatan aita' i bungkutnyo onyi'nyo sumomo daladak nu kareta pahampate ka' sumomo titihika' nu apu anu nomea'mo hondo. Aha nobalismo susumo sa'angu' na tumpukan nu suludadu anu baani hondo, anu sasadiamo mongahopi pahampatean.

YOËL 3:4

Oposiamo nu belemiu na Aku aiya o Tirus, Sidon ka' iwi-iwi' na daerah nu Filistin? Pa' kahanda'mo na belemiu mombalosakon apa-apaa na anu binaung-Kumo hi belemiu? Soba alamo na bau pombalosing-Ku anu malia'mo mae toka aiya.

AMOS 4:13

Bungkutnyo ka' mombun, Tumpu na nompotimbali; tanga'an-Nyo pinotoa-Nyomo hi manusia. Binau-Nyomo na sinaa tiba pihi; i buannyo nu dunia, na Ia i lumajangmo. Tumpu Anu Daka' Na Kuasanyo aijo'mo na sanggo-Nyo.

ZEFANYA 1:7

Sinaa nu Tumpu ohanimo mae toka, isinaa aijo' Tumpu nongalamo sa'angu' na katantuan; kalana aijo' bolimo daagi momoya mompala'i Ia. Tumpu hau-haunyomo mosadia monsilakaimo mian-Nyo anu pinalesayamo susumo koloban anu osombahkon ka' Ia nolagamo to sampo-sampo bali' nu aha Yehuda.

ZAKHARIA 14:6

De sinaa aijo' tokamo mae madi'mo daagi' ko tempo' nu bakin kabai eis.

MATIUS 24:21

Tempo' nu sinaa anu ma'idek hondo aijo' daagi' ko kasusa'an anu daka' sumo anu ma'isa toho' tinimbali lengkat pe'e i tampu'unan nu dunia toka tempo' aiya, ka' madi'mo mompo'ule' timbali.

MARKUS 13:19

I sinaa ma'idek tempo' aitu daagi' ko kasusa'an anu ma'isa toho' tinimbali, salatanmo pe'e Tumpu nompotimbali dunia sampe tempo' u'uka, ka' madi'mo daagi' po'ule' timbali.

PO'ULE' INGULIT 32:7

O inau' na tempo' naipuan mae, palahatikan na tulunan nu aha anu u'utu mae, Pokilawa hi to tu'a-tu'anyo nu belemiu, da nupoto'i nu aha hi belemiu.

IBRANI 12:18

To utu-utus madi' tinoka nangadap hi apa-apaa susumo anu pinangadapanmo nu bansa Israel naipuan mae. Aha nangadapmo hi apa-apaa anu timbali okanyang, aijo'mo Bungkutnyo nu Sinai tiba apunyo anu saja' moak, aha nangadapmo i kapintungan, hondomi' ka' antong;

YUDAS 1:13

Pokakana sumo bokon anu mabohos hondo i ambai sinumelembua'mo sumo aitu mule' na anu nubau nu aha sinumelembua'mo na anu moko ambang. Aha sumomo to manda-mandala' anu madi' tataap na kajojoongannyo ka' anu tinoukanmo na tampat nu Tumpu i uno nu kapintungan anu talalo okabuhuk sampe toka sidu-sidutu'.

ANU PINOTO'I HI YOHANES 9:2

Jadi mandala' aijo' nombukaimo tumban nu kapatean aijo', lantas tibuk nosabat mae lengkat i unonyo sumo tibuk lengkat mae i polu' anu daka'. Batu nu sinaa ka' langa pinintungmo nu tibuk anu nolengkat mae i tumban nu kapatean aijo'.