YOËL 2:17 - KITAB NU TUMPU ALLA LELE MA'IMAI'

¹⁷ Pokau na to ima-imam anu montuluti palentah nu Tumpu, haangmo atina' i olot nu mezbah ka' i gandalia i ahop, ka' motatae, “Kalibosi na mian anu palesayamo hi Belento boli opojohok na anu nu belento dumo timbali anu moko ambang.” Sahingga to bansa-bansa sangga'at monsindin ka' motatae, “Iya mae na Tumpu nu aha?”

YOËL 2:17 ပူးပေါင်းရင်းမြစ်များ

1 TOMU-TOMUNDO' 6:3

Sasu ahopnyo nu laigan nu Tumpu aijo', i lambingan ko mantannyo 4,5 meten ka' ko bolanyo 9 meten sumo ko bolanyo nu laigan aijo'.

1 TOMU-TOMUNDO' 9:7

saba' Ku laa'mo na mian nu Israel anu pinalesayamo hi beleng-Ku haha aijo' da bolimo jojoong i lipu' anu binee'-kumo hi aha. Ka' mule' Ku pala'imo na Laigan aiya anu tinantukan-Kumo bau ponsomban Aku. Iyaya mae mian nu Israel saja' opopo ambang ka' okokojoi.

2 TAWARIKH 7:20

saba' ku sabatakonmo na belemiu da bolimo jojoong i lipu' anu binee'-Kumo hi belemiu. Ka' mule' Ku pala'imo na laigan aiya anu tinantukankumo bau tampat ponsomban Aku. Toka-toka pa' iyaya mae saja' o'alu ka' okokojoi na laigan aiya.

2 TAWARIKH 8:12

I Salomo nonsombahkonmo koloban anu opotunu hi Tumpu i mezbah anu binau i ahop nu Laigan nu Tumpu.

NEHEMIA 9:36

Sahingga uuka aiya kami tinimbalimo posaihon, i tano' anu binee'mo nu Belento salaku pusaka' mami. Tano' aiya ma'omuk manjoo' hondo na hasinnyo, anu sabenannyo ahi' okaanmo mami.

MAZMUR 115:2

Kadaka' iwi-iwi' na bansa motataemo, “Iya mae na Tumpu nu aha?”

MAZMUR 42:10

Aku notataemo hi Tumpu anu nontinjohimo mae aku, “Kadaka' Belento nongkolilimimo mae aku? Kadaka' aku me saja' mongoa'i sansala, kalana talalomo ahi' na pombau mae nu aha anu monsampobali' aku?”

MAZMUR 42:11

Kinyonyoangku nohintutumo hondo kalana sola'mo mae nu kokojoi nu sampobali', Aha saja'mo mae mompokilawa, “Iyamo mae na Tumpu nu beleyum?”

MAZMUR 42:3

Aku mongindimo Tumpu anu tumuu' pa' hipianje na aku mamba monsombah i Laigan-Nyo?

MAZMUR 42:4

Sinaa pihi aku sola'mo humang, me mongkaan lolu'ku. Sansina-sina na sampobali'ku mompokilawa mae, “Iyamo mae na Tumpu nu beleyum?”

MAZMUR 74:10

Hipianje na belenti, O, Tumpu, na anu monsampobali' mae belentimo madi'mo mongkokojoi Belento? Pa' sampemo toka sidu-sidutu' na aha mongalu sanggo nu Belento?

MAZMUR 79:10

Boli opobee' na bansa sangga'at mompokilawa mae kami “Iya mae na Tumpu nu aha?” Bakas da kami montoa to bansa-bansa obalosakon anu mompateimo to posa-posaihon nu Belento.

MAZMUR 79:4

Kami tinimbalimo han anu lewa' o aluu ka' okokojoi nu to bansa-bansa anu mompaha ohani, aha lewa' mongkokojoi ka' mongalu kami.

MAZMUR 89:41

I hobo'akonmo nu Belento na pagan mesen iwi-iwi' i kota' kajojoongannyo, bentengnyo iwi-iwi' i hobo'akonmo nu Belento.

MAZMUR 89:51

Inau'akon mae o, Tumpu, mosiamo ahi' na posaihon nu Belento aiya lewa'mo o'alu, aku saja'mo pinopo'ambang nu to bansa-bansa.

NOSABATMO 34:9

Ia notatae, “O Tumpu, de Belento totu-totu'u mongkanonongi aku, ku poita da sana-sanang pe'e mae na belento Tumpu monsangalui kami. Bansa aijo' memang panggaga hondo, panyo ampuniakon mae na ka'idekan ka' dosa' mami ka' alapakon na kami salaku mian anu pinalesayamo hi Belento.”

YESAYA 22:12

Tempo'nyo aijo' Tumpu Anu Matangkas na Kuasanyo ka' mule' Anu Daka' na Kuasanyo mompokaumo belemiu humang ka' montando'i, mongkismo ubak ka' mule' mompusokmo hude kalung.

YESAYA 37:20

O, Tumpu, Tumpu mami, posalamat mae na kami da madi' nu patei nu aha mian Asyur haha aijo' da iwi-iwi' na bansa idunia aiya monsumbu' saba' ola-olanyomo ahi' Belento na Tumpu.”

YEHEZKIEL 20:9

Panyo aijo' madi' binaung-Ku da sanggong-Ku boli mae o'alu nu to bansa-bansa itampat kajojoongan nu aha. Kalana i ahop nu bansa haha aijo' Aku nombebakonmo tukoong-Ku bansa Israel Ku sabatakonmo lengkat i Mesir.

YEHEZKIEL 8:16

Lantas binoa-Nyomo na aku i popasan nu Laigan nu Tumpu. Koko pinsoopan mamba mokiijo' i unonyo nu anu susi' i'olot nu mezbah tiba jalan ise-ise' daagi' ko mian aha uampulu' ka' olima'. Aha mohiku unonyo anu susi' ka' tinolodadupumo ka' monsombahmo mongahopi kabete'an i sinaa anu bete'mo mae.

HOSEA 14:2

Pinsusule'mo mae hi Tumpu na belemiu o bansa Israel! Dosa' nu belemiu nonsaduakonmo sahingga belemiu tinompaleda'mo ka' tinombahangkangmo.

YOËL 1:13

O to imam-imam anu mokalaja i mezbah pakemo na hude kalung ka' haangmo. Pinsoopmo i Laigan nu Tumpu da montando'i sampa-sampahu, kalana madi' ko koloban anggur ka' gandum anu osombahkon hi Tumpu nu belemiu.

YOËL 1:9

Gandum ka' anggur i nokangkanmo i Laigan nu Tumpu. Sahingga lewa'mo nohangi na to imam-imam, anu mohongo-hongo hondo mombau palentah nu Tumpu.

AMOS 7:2

Kihi-kihi' haha aijo' boli' nongkaanmo iwi-iwi' na anu sinu'an i tano'. Lantas aku notatae, “Tumpu Anu Matangkas na Kuasanyo, ampuniakon na mian anu palesayamo hi Belento Aha talalo ise' ka' lupe, mosia na timbali aha moko ala montahan?”

AMOS 7:5

Aku notatae, “O Tumpu Anu Matangkas na Kuasanyo, pateimo kaase' na apu aijo'! Mian anu palesayamo hi Belento! Talalo ise' ka' lupe, mosia na timbali moko ala montahan?”

MIKHA 7:10

Naipuan mae sampobali' mongalu kita, aha notatae, “Iya mae na Tumpu nu belemiu aijo'?” Panyo uuka aiya aha montoamo apaa na anu nu bau Tumpu, hi kita, ka' aha ma'ambangmo. Kita monsakisamo to sampo-sampobali'to ka' opantundu'tomo ka' opahampeja'akonmo susumo hensek i jalan.

MALEAKHI 1:9

Uuka aiya, o, to ima-imam, soba pongkakase hi Tumpu da pa' Ia mongkalibosi mae kita. Ia madi' montaami mae do'a nu belemiu ka' aijo' posi kasala'an nu belemiu.

NOMBILANGMO 25:6

Salatan i Musa ka' iwi-iwi' na mian hau-haunyomo lewa'mo i humang i sabatan nu Kemah nu Tumpu, aha nontoamo mian nu Israel samian nomboamo samian na boune nu aha Midian ninsoopmo i uno nu kemahnyo.

MATIUS 23:35

Kalana aijo' komiu o hukum, kalana nompateimo mian iwi-iwi' anu madi' ko sala'nyo – lengkat pe'e nompatei i Habel anu madi' ko sala'nyo, tinoka i pinompateian i Zakharia anak i Berikia, anu pinatean miu i olot nu Laigan nu Tumpu, ka' i tampat ponsombahkonan.

MATIUS 27:43

Ia palesaya hi Tumpu ka' notatae, tukoonyo Ia Anak nu Tumpu. Soba imbo' da otoanto pa' Tumpu timbali momposalamat Ia uuka.”

PO'ULE' INGULIT 28:37

Iyaya mae na lipu' pinongga'a-ga'atakonan nu Tumpu belemiu, to mia-miannyo mabuhukmo na montoa belemiu; belemiu lewa'mo o'aluu ka' nukokojoi nu aha.

PO'ULE' INGULIT 32:27

Panyo aku madi' mongka'oho' sampobali' nu aha Israel kobubuunmo; boli-boli aha sala' na monsangka ka' notatae tukoonyo nu aha, ahamo na nohungku'i mian anu pinalesayamo hi beleng-Ku,’ padahan Aku ahi' na nombaumo han aijo'.”

YOSUA 7:9

Mian nu Kana'an ka' iwi-iwi' mian sangga'at i da'erah aiya mohongomo apaa na anu jinadimo aijo'. Aha montumbuhimo mae ka' mompateimo kami iwi-iwi'! Lantas apaamo na anu obau nu belento Tumpu da kita sabole-bole ahi' o angga'i?”