YOËL 2:16 - KITAB NU TUMPU ALLA LELE MA'IMAI'

¹⁶ Posihukmo mae na iwi-iwi' mian da'isan palentah na mian anu sinihukmo. Pokau mae da toka na to tu'a-tu'anyo, to ana-anak ka' to bunga-bunga mea' suele. Ka' suele to boti-boting anu salaje' inika' tionyo ahi' toka mae. Pokau mae na aha mompala'i Salipi'nyo.

YOËL 2:16 ပူးပေါင်းရင်းမြစ်များ

2 TAWARIKH 20:13

Hau-haunyo aijo' to momo'ane nu Yehuda iwi-iwi', hingga-hinggat tiba to bengke-bengkele' nu aha ka' to ana-anak nu aha tinuminjomo koko Laigan nu Tumpu.

2 TAWARIKH 29:5

ka' pinoto'inyomo hi aha kiijo' mae. Ia notatae, “Belemiu to mia-mian nu Lewi tionyo ahi' mompatikolomo butong nu belemiu da mombau apaa na anu nukahanda'i nu Tumpu, ka' momposusi' Laigan nu Tumpu. Tumpu Allah nu mompolee' nu belemiu. Iwi-iwi' na anu nompohenyu Laigan nu Tumpu aijo' tionyo o'alini.

2 TAWARIKH 30:17

Daagi' manjoo' na aha anu tinoka mae aijo' ma'isa nomposusi' butong, jadi aha madi' timbali mongkolot domba anu okolobanakon i Paskah. Mokonyo aijo' to mia-mianmo nu Lewi na nombau akon kalaja nu aha aijo' ka' nonsombahkon hi Tumpu.

2 TAWARIKH 30:19

“O Tumpu, Tumpu Allah anu nusombah nu mompolee' mami, otaha'imani mami na kanonongan nu kinyonyoa nu Belento mongampuni aha anu hau-haunyo monsombah belento totu-totu'u na kinyonyoanyo, maumo aha ma'isa nomposusi' butong nu aha.”

2 TAWARIKH 35:6

Belemiu na tionyo mongkolot domba anu osombahkon i lamean nu Paskah. Mokonyo aitu posadia na butong miu da timbali monsombah Tumpu, ka' posadiamo suele na iwi-iwi na koloban anu osombahkon hi Tumpu, da tiba jalan anu sumo aijo' to mia-mian nu Israel sangga'at timbali moko ala mombau apaa na anu pinalentahkonmo nu Tumpu hi Musa.”

AYUB 1:5

Salatan lapasmo na bau-bauon i Ayub mobulamo subu-subu ka' nonsombahkonmo koloban kona hi to ana-anaknyo toto samian da aha nu'ampuni nu Tumpu. Kalana nututugi i Ayub ihe na monsumbu'anaknyo haha aijo' binaladosa'mo ka' nongalumo Tumpu Allah mau madi' tinotonggolakon.

MAZMUR 19:5

Panyo loungnyo nu onyi'nyo sinongkomo na dunia, potunon aijo' tinoka-tokamo i puus nu tano'. Tumpu nombauimo laigan aita' i langit bau kajojoongan nu batu nu sinaa,

NOSABATMO 19:10

Uuka aiya lako'mo singkaboti na mian haha aijo', ka' pokau na aha sinaa aiya ka' dodop momposadiamo butong da monsombahmo mae. Aha tionyo ahi' mombaso'i hude nu aha.

NOSABATMO 19:22

Ka' mule' to ima-imam anu mongka'oho' mongohani Aku, tionyo ahi' momposusi' butongnyo, de madi' aha Ku hukumo.”

YOËL 1:14

Palentah na mian nu belemiu da bapuasa'mo, bebakonmo na tempo'nyo nu kasihukan nu mian iwi-iwi'. Laga mae na to pola-polaya' ka' to tu'a-tu'anyo ka' iwi-iwi' na mian anu jojoong i Yehuda, da toka mae i Laigan nu Tumpu da momoita tulung hi Ia.

MATIUS 21:16

Aha notatae hi Yesus, “Beleyum nohongo apaa na anu tinaloakon nu aha?” “Ii' Aku nohongo,” tinaaman i Yesus. “Ma'isa toho' komiu nombasa' ayat Kitab nu Tumpu aiya: ‘To ana-anak ka' bungamea' Ingajannumo montaeakon pompuji' anu talakana'’?”

MATIUS 9:15

I Yesus nontaami, “Mosiamo na pongka'oho' miu? Timbali na to mia-mian anu o laga i bau-bauon po'osoan mongoa'i susa' na kinyonyoa de boting mo'ane daagi' hingga-hinggat aha? Tantu i madi'! Panyo tokaje na tempo'nyo boting mo'ane aijo' o alamo hi aha. Tempo'je aitu yo aha bapuasa'mo.

1 KORINTUS 7:5

Boli mosi tade-tade samian ka' samian salaku moto bengkele'. Timbali panyo boli pin asan ua-ua'aha bubuu' setuju. Desumo aitu yo toto samian moko ala balado'a ka' madi' ko anu monggoda. Panyo lapas mae tionyo ahi' komiu po'ule' motuang salaku moto bengkele'. De madi' sumo aijo' komiu saidi' mae salatan nusale'imo nu roh ma'idek obatukimo miu, kalana komiu madi' moko ala mongintim napisu.

YOSUA 7:13

Uuka aiya pobulamo Yosua! Posusi' na aha mian nu Israel ka' pokau mae na aha sabole-bole mamba mae hi beleng-Ku. Palentah na aha da sabole-bole toka mae dodop kalana Aku Tumpu Allah nu aha Israel mompoto'imo sumo uuka hi aha: 'O, to mia-mian nu Israel, to bala-balang anu pinalentahkon-Kumo hi belemiu da ohopu'i sambagian daagi' itina' hi belemiu. De ma'isa pe'e o alin nu belemiu na balang haha aijo', belemiu madi' moko ala mongahopi mompahampateakon sampobali'!'

YOSUA 8:35

Batu-batu palentah i Musa binasa'akonmo i Yosua hi aha iwi-iwi' mian Israel anu sinihuk ikiijo' tibamo to bou-boune, to ana-anak, ka' to mia-mian anu lengkat mae i salipu'an anu jojoong kiijo' hi aha.

1 SAMUEL 16:5

Tinaaman i Samuel, “Memang totu'u aku toka monsombahkon koloban hi Tumpu. Jadi posusi' pe'e na butong nu belemiu da timbali mamba i tampat pongkolobanakonan koloban aijo'.” I Isai tiba to ana-anaknyo suele pinokaunyo da momposusi' butong nu aha toto samian ka' ilaganyo suele da mamba i tampat pongkolobanakonan koloban aijo'.