YOËL 2:12 - KITAB NU TUMPU ALLA LELE MA'IMAI'

¹² Tumpu notatae, “Panyo uuka aiya pinsusule'mo mae hi beleng-Ku ka' totu-totu'unyomo ahi' na kinyonyoa, ka' bapuasa'mo, tumando' ka' humangmo.

YOËL 2:12 ပူးပေါင်းရင်းမြစ်များ

2 SAMUEL 24:10

Panyo' salatan pinoko lekengmo i Daud na bansa aijo' ingoa'annyo ia sinala'mo, lantas ia notataemo hi Tumpu, “O Tumpu, aku talalomo hondo binaladosa'! Ampuniakon mae na aku, kalana pinonga'mo hondo na aku nombaumo sumo aijo'.”

2 TAWARIKH 30:6

Kalana pinalentahkonmo i tomundo ka' to mia-miannyo anu ko pangkatnyo sinaimo na mian namba i songko-songko na Yehuda ka' Israel momboa sulat haha aijo' anu onyi'nyo sumo uuka, “O mian da'isan nu Israel! Belemiu madi'mo kinuasan nu mian Asyur. Uuka aiya belemiu po'ule'mo mae palesaya hi Tumpu, Tumpu Allah anu nu sombah i Abraham, Ishak tiba i Yakub, da ia po'ule'je montulungi belemiu.

2 TAWARIKH 6:27

O Tumpu i suluga', potombihingakon mae na aha. Ka' ampuniakon mae na dosa' nu to posa-posaihon nu Belento mian nu Israel. Pokinde'iakon mae na aha da mombau anu madi' sala' Lapas aijo', o Tumpu, tudunakonmo mae na ujan i lipu' nu Belento aiya, lipu' anu binee'mo nu belento hi mian anu pinalesayamo hi belento da ahamo na tumpunyo sampe toka sidu-sidutu'.

ESTER 4:16

“Posihuk na mian nu Yahudi iwi-iwi' anu itina' i Susan mondo'akon mae aku. Bolimo mongkaan ka' monginum, kopinnyo tolun sinaa ka' tolumpahu. Aku ka' to lalangkoyang anu mompalakai aku suele bapuasa'mo. Lapas aijo' aku mangadapmo hi tomundo, maumo han aijo' mompaha sala'mo tiba atulannyo. De memang aku silakamo kalana aijo', bakasmo da aku silakamo!”

YESAYA 22:12

Tempo'nyo aijo' Tumpu Anu Matangkas na Kuasanyo ka' mule' Anu Daka' na Kuasanyo mompokaumo belemiu humang ka' montando'i, mongkismo ubak ka' mule' mompusokmo hude kalung.

YESAYA 58:4

Hau-haunyo belemiu puasa', belemiu mahanggaga ka' mahantuda' moka' mongalamo kabaaniannyo. Osangka nu belemiu, belemiu puasa' mombau da Aku mohongomo do'a nu belemiu?

YEREMIA 3:22

O belemiu iwi-iwi' anu nompala'imo Tumpu, pinsusule'mo mae! Ia mompo alinmo belemiu ka' mompotimbalimo belemiu tulu-tulutan. Belemiu notatae, “Ii', uuka aiya kami tokamo mae hi Tumpu, kalana Ia Tumpu Allah mami.

YEREMIA 36:7

Ihe na monsumbu' tiba jalan anu sumo aijo' aha balado'amo hi Tumpu, ka' balatobatmo madi'mo mombau sinin na palabuatan nu aha ma'i-ma'idek aijo'. Tumpu notambuha'mo hondo hi aha ka' nompoto'imo hukuman hi aha.”

YEREMIA 4:1

Tumpu notatae, “O mian Israel, de belemiu mongka'oho' mae minsusule' hi beleng-Ku. Alin pe'e mae na pilogot anu Ku ka'ideki aijo', ka' tulu-tulutanmo ahi' hi beleng-Ku.

YEREMIA 4:2

De belemiu basumpa' i uno nu sanggong-Ku ka' belemiu tumuu' ahi' sahondo-hondonyo, adin ka' madi' mombau kasala'an, saba' iwi-iwi' na bansa momoitamo mae hi belengku da Ku balakati na aha, ka' aha mompuji'mo mae Aku.”

YEHEZKIEL 33:11

Poto'iakon hi aha saba' atas sanggong-Ku, Tumpu anu tumuu', Tumpu Anu Matangkas na Kuasanyo, Aku madi' sanang de mian anu palabuatannyo ma'idek silaka; panyo mule' ahi' Ku ka'ima'i da ia bolimo daagi' lewa' mombau dosa'nyo haha aijo' da ia tataap tumuu'. O bansa Israel, bolimo daagi' lewa' mombau palabuatan ma'idek! Kadaka' belemiu mongka'ima'i silaka?

DANIEL 9:3

Lantas aku binalado'amo totu-totu'u hi Tumpu nompoita da okalibosi mae. Aku mule' binapuasa'mo ka' nompusokmo hude kalung ka' sinumuhangmo i abu'.

HOSEA 12:6

Tumpu aijo', aijo'mo na Tumpu Anu Daka' hondo na Kuasanyo. Sanggonyo aijo'mo Tumpu. Tiba sanggo aijo' Ia mongkahanda'i da mian monsombah Ia.

HOSEA 12:7

Kalana aijo' belemiu lee'i Yakub palesaya ahi' na Tumpu nu belemiu ka' po ule' mamba mae hi Ia. Tumuu'saja' mongkalibosi ka' madi' tageo' na kinyonyoa, ka' saba-sabaan ahi'na montanda'i da Tumpu je ahi' na montantukan apa-apaa.

HOSEA 14:1

Samaria tionyo ahi' ohukumo kalana notomuhukmo madi'mo nohongo-hongo Aku. Mian da'isan nu aha saidi' mae mohopu'mo i uno nu pahampatean; to ana-anak anu daagi bungamea osilakaimo ka' to bou-boune anu hau-haunyo poboa obiha'mo na kompong nu aha.”

HOSEA 6:1

To mia-mian nu Israel notataemo, “Imbo'mo da kita minsusule'mo hi Tumpu. Lamo ia na monsakiti kita, panyo Ia mule' ahi' na mompa'alin. Ia na mobelai kita, panyo Ia mule' ahi' na mombobodiakon iwi-iwi na Belento.

YOËL 1:13

O to imam-imam anu mokalaja i mezbah pakemo na hude kalung ka' haangmo. Pinsoopmo i Laigan nu Tumpu da montando'i sampa-sampahu, kalana madi' ko koloban anggur ka' gandum anu osombahkon hi Tumpu nu belemiu.

ZAKHARIA 7:3

Aha mule' ahi' sinai da mompokilawakon hi to ima-imam ka' hi to nabi-nabi sumo uuka, “Pa daagi' palalu na kami mohangi Laigan nu Tumpu iha-ihansunmo ka' opuasa'akon de kakonamo i bitu'on ko olima'nyomo susumo anu saja'mo obau mami nonotau-taunmo na kopinnyo?”

ZAKHARIA 7:5

Pinoto'i-Nyo, “Poto'i hi mian anu jojoong i lipu' aiya ka' hi to mia-mian, te puasa' tiba mohangi anu nu bau nu aha i bitu'on ko olima'nyo ka' mule' i kopopitu'nyo anu pitumpu pulu'mo na taun na kopinnyo na lewa' binau, misa' bau poholomati Aku.

MALEAKHI 1:9

Uuka aiya, o, to ima-imam, soba pongkakase hi Tumpu da pa' Ia mongkalibosi mae kita. Ia madi' montaami mae do'a nu belemiu ka' aijo' posi kasala'an nu belemiu.

SISIKON NU TO RASUL-RASUL 26:20

Tiba sahondo-hondonyo aku mompoto'iakon hi to mia-mian, da aha bolimo mombau to dosa-dosa' nu aha, ka' mombee'mo butong nu aha hi Tumpu, lantas mompotoa i uno nu kantumuu'an nu aha saba' aha madi'mo daagi' mombau dosa-dosa' nu aha. Pinoto'ingkumo na han aijo' momonanyo i Damsyik, lapas aijo' i Yerusalem, ka' i songko-songko Yudea ka' aijo' hi aha to mia-mian anu misa' Yahudi.

TO MIA-MIAN KOPIAN 2:4

Salatan malaekat aijo' noko poto'imo lele aijo', iwi-iwi' na bansa Israel nolotando'mo na i humang.

TO MIA-MIAN KOPIAN 20:26

Jadi, po'ule' mule' namba na aha mian nu Israel i Betel ka' i humang hi Tumpu. Ikiijo' mae aha binapuasa'mo sampe i nalom ka' nonsombahkon koloban pompodame ka' koloban anu opotunu bau bagi nu Tumpu.

1 SAMUEL 7:3

Lantas notataemo na i Samuel hi aha mian nu Israel, “De belemiu po ule'mo monsombah Tumpu, ka' totu-totu'u ahi na kinyonyoa nu belemiu monsombah Ia, saba' tionyo ahi' belemiu mongalin iwi-iwi' na pilogot nu aha mian anu lengkat mae i salipu'an tiba patong nu Pilogot Boune Astoret. Bee'mo na butong nu belemiu totu-totu'u hi Tumpu ka' olamo Ia na osombah sahingga belemiu madi'mo opoposia nu aha mian Filistin.”

1 SAMUEL 7:6

Lantas aha sinihukmo iwi-iwi' kiijo' i Mizpa. Aha nontauk uee ka' mule' binubusakon salaku palasombahan hi Tumpu, ka' mule aha binapuasa'mo sinansinaa isinaamo aijo'. Aha notatae, “Kami binaladosa'mo hi Tumpu.” (Kiijo' i Mizpa i Samuel lewa'mo nongulus iwi-iwi' na palakala po ualian nu aha mian Israel.)