YOËL 2:11 - KITAB NU TUMPU ALLA LELE MA'IMAI'

¹¹ Potatae nu Tumpu sumomo gohung mombee'i tanda hi to sulu-suludadunyo. Talalo ahi' manjoo' na suludadunyo! Talalo ahi' mahoson na suludadunyo anu mombau palentah-Nyo! Talalo ahi' okabuhuk ka' hebat hondo na Sinaa nu Tumpu Madi' ko samian pe'e na moko ala mongewa.

YOËL 2:11 ပူးပေါင်းရင်းမြစ်များ

MAZMUR 18:14

Lantas Tumpu notatae sumomo ahi' gohung aita' mae i langa; Anu Matangkas na Kuasa-Nyo nompohongomo mae potatae-Nyo.

MAZMUR 46:6

Tumpu jojoong kiita' mae, sahingga kota aijo' madi' hansun; Ia na montulungi mae salatan jingka bete'mo mae.

MAZMUR 68:18

Pulu'an nu madala na kareta anu otaha'imano; Tumpu tinokamo hi aha, Ia nompotoamo katalasanggoan-Nyo.

YESAYA 13:4

Potombihing na hengge'nu mian aita' me ibungkutnyo, sumomo ahi' hengge' nu mian anu da'isan tongko'. Potombihing na kalaja'an-kalaja'an singkapmo ihengge, ka' aha bansa-bansa anu sinihukmo. Tumpu Anu Daka' na Kuasanyo nompalesamo gombuan nu suludadu anu kahanda'mo mahampate.

YESAYA 42:13

Tumpu mambamo mahampate susumo samian na talenga' susumo samian na suludadu anu binanimo na mahampate. Ia nongaisakonmo ais nu pahampatean, ka' nompotoamo ka untungan-Nyo mahampate de mongewamo sampobali'.

YESAYA 7:18

Tempo'nyo aitu Tumpu nolagamo aha mian nu Mesir tiba aha mian nu Asyur lantas ohua' na bansa aijo' tinokamo mae susumo sampahas na lalo tiba uani' mongkampuhi' iwi-iwi na bangka'nyo tiba bungkutnyo anu ma'ampi ka' suele iwi-iwi' na olot nu batu gahanggan. Kuhat anu kohii'nyo ka' tampat anu hemputon nu songkohimo nu aha.

YEREMIA 25:30

Iwi-iwi' na anu pinoto'ing-Kumo hi beleyum, o Yeremia, tionyo ahi' nu poto'i nu beleyum. Poto'i hi aha, ‘Potatae nu Tumpu pinobehengkatmo mae lengkat i suluga'; lengkat mae itampat-Nyo anu susi'. Ia binuhokanmo mae susumo gohung mongewa mian anu palesayamo hi Ia. Songko-songko na mian anu jojoong idunia aiya mohongomo Ia molo ais sumomo to mia-mian anu mokalaja mompao' anggur itampat pompetian anggur.

YEREMIA 30:7

Sinaa anu okabuhuk hondo tokamo mae, sinaa anu madi' hondo-hondo ko gampanyo. Kona hi aha mian anu palesayamo hi beleng-Ku aijo'mo na sinaa anu okabuhuk hondo: panyo aha na Ku posalamatmo ahi.”

YEREMIA 50:34

Panyo Aku anu momposalamat aha aijo' mahoson, sanggong-Ku Tumpu Anu Balakuasa. Posi aku na balajuang mongulus palakala nu aha ka' momboa kadamean idunia aiya. Panyo kona hi aha Babel Ku potokamo mae na ka'idekan nu tano' tiba kabuhukan.”

YEHEZKIEL 22:14

Daagi' ahi' baani kabai daagi' ahi' mahoson na beleyum montangkakon lima nu beleyum de Ku poko hukumo na beleyum? Aku, Tumpu Anu Matangkas na Kuasanyo notataemo ka' Aku mule' momposidamo apaa na anu pinoto'ing-Kumo.

YOËL 1:15

Sinaa nu Tumpu ohanimo sinaa anu okabuhuk hondo; tempo'nyomo nu Anu Daka' na kuasanyo mompotokamo mae kahansunan.

YOËL 1:6

Tumpukan nu kihi-kihi' nontumbuhimo lipu'to; aha mahoson ka' madi' opoko lekeng na konjoo'nyo, bese'nyo pokakanamo ko tajomnyo nu sae nu singa behenyo.

YOËL 2:1

Puuhimo na tolompet, po'onyi'mo na tanda bahaya i bungkutnyo nu Sion anu susi' kajojoongan nu Tumpu. Langkakatanmo, o mian anu jojoong i Yehuda! Kalana Sinaa nu Tumpu ohanimo mae ka' malia-lia'mo mae toka.

YOËL 2:2

Sinaa aijo' pikat hondomi' kahomo sehu' madi'mo ko sahayanyo. Suludadu kihi-kihi' singkapmo mae toka, susumo kundom anu nanintingkimo aita' i bungkutnyo. Han anu susumo aijo' ma'isa toho' jinadi ka' madi'mo daagi' po'ule' jadi sampe toka sidu-sidutu'.

YOËL 2:25

Aku mombolosije apa-apaa na kalugi'an nu belemiu i taun taun tempo'nyo kihi kihi' nongkaanmo hasin nu ale' anu opadakmo nu belemiu. Kalana Akumo ahi' na nonsai sampahas na kihi-kihi' haha aijo' namba hi belemiu.

YOËL 2:31

Batu nu sinaa tinimbalimo pinikat ka' bitu'on timbalimo momea' susumo baso'. Iwi-iwi' aijo' jadimo saidi' mae ma'isa pe'e Sinaa nu Tumpu toka mae, sinaa anu talalo ahi' ma'idek ka' okabuhuk!

YOËL 3:14

No mada-madalamo na mian anu kiijo'mo i Bangka'nyo nu Pomputusian. Kalana ikiijo'mo mae na sinaa nu Tumpu malia'mo mae toka.

YOËL 3:16

Tumpu notataemo daka-daka' aita' mae i bungkutnyo nu Sion, lengkat mae i Yerusalem sumomo ahi' gohung na potatae-Nyo. Langit tiba tano' ginayu'anmo kalana kakuasa'an-Nyo. Panyo Tumpu tataap monsangaja'i ka' monjagai Israel, mian-Nyo anu palesayamo.

AMOS 1:2

Aiyamo na anu tinaloakon i Amos, “Tumpu noloboo'imo aita' mae i Bungkutnyo nu Sion, potatae-Nyo pinodaka'mo lengkat mae i Yerusalem. To pada-padang hemput tinimbalimo napeges, hemput i Bungkutnyo nu Karmel i nagayoumo hondo.”

AMOS 5:18

Totu-totu'u silakamo na belemiu, anu saja' monginau' sinaa nu Tumpu! Apaa na gunanyo sinaa aijo' hi belemiu? Sinaa aijo' ola susumo sinaa anu pikat, misa' sinaa anu manjingka hi belemiu.

AMOS 5:20

Sinaa nu Tumpu memang mompotoka mae pikat hondomi', misa' majingka sinaa anu madi' masingit ka' madi' ko batu nu sinaa.

OBAJA 1:15

“Totu-totu'u ohanimo mae na sinaanyo, Aku Tumpu momputusimo to bansa-bansa. Apaa na anu binaumo nu Edom aijo'mo na bau pombalosingku ia. Ia suele mongoa'imo apaa na anu binaunyomo.

NAHUM 1:6

Ihe na moko ala montahan de Tumpu pusamo? Madi' ko anu madi' nu kona de Ia motambuha'mo? Ia mompotudunmo kapusan-Nyo anu inoakmo susumo apu, batu hansunmo ka' timbalimo abu' i ahop-Nyo.

MALEAKHI 3:2

Tetapi ihe na moko ala totahan i sinaa nu Tumpu anu tokamo mae aijo' ka' mompotoamo butong-Nyo? Kalana Ia sumomo ahi' apu nu tukang anu lewa' monsopu' logam, ka' mule' sumomo ahi' sabung nu tukang baso'i hude.

NOMBILANGMO 24:23

Lapas aijo' i Bileam nompoto'imo mule' potatae sumo uuka, “Silakamo! Ihe na anu daagi' tumuu', de nubaumo nu Tumpu Allah na han aijo'?

1 TESALONIKA 4:16

Malaikatje anu talasanggo hondo atina'je na motatae daka-daka', ka' tolompet nu Tumpu opo onyi'mo salaku bau sa'angu' na tanda. Lantas i Tumpu Yesus mintatau'mo lengkat mae i suluga', ka' to mia-mian Kristen anu sinilakamo na po'ule' opotumuu' momona.

ANU PINOTO'I HI YOHANES 18:8

Kalana han aijo' sahingga ola i uno nu sansinaa, na ia nukona nu balaa', – panyakit, kasusa'an, ka' kasusa'an i anu o kaan. Ka' ia nutoyo'ije nu apu, kalana Tumpu Mahakuasa anu momputusi ia aijo'.”

ANU PINOTO'I HI YOHANES 6:17

Sinaa anu okabuk aijo' tinokamo, uuka aiya aha mompobuntumo tambuha' nu aha, ka' madi' ko samian pe'e na moko ala totinjo i ahop nu aha!”