YOËL 2:1 - KITAB NU TUMPU ALLA LELE MA'IMAI'

¹ Puuhimo na tolompet, po'onyi'mo na tanda bahaya i bungkutnyo nu Sion anu susi' kajojoongan nu Tumpu. Langkakatanmo, o mian anu jojoong i Yehuda! Kalana Sinaa nu Tumpu ohanimo mae ka' malia-lia'mo mae toka.

YOËL 2:1 ပူးပေါင်းရင်းမြစ်များ

1 TAWARIKH 15:28

Iwi-iwi' na mian nu Israel namba nontuntuni Peti' Palajanjian aijo' tinoka-toka i Yerusalem ka' lewa' nontaligalai lame-lame', onyi' nu tolompet, napiri, simbal ka' kasapi'.

MAZMUR 119:120

Aku ilangkakatanmo kalana nabuhukumo hi Belento, kinyonyoangku nangada'mo kalana kaputusan nu Belento.

MAZMUR 87:1

Sa'angu' na nyanyian. Mazmur nu aha sa'anakan i Korah. Tumpu nompotinjomo kota'-Nyo aita' i puge'-Nyo anu susi', anu Ia na Tumpu-Nyo.

NOSABATMO 10:14

anu talalomo hondo manjoo', sahingga me saja' kihi-kihi' i songko-songko na lipu'. Ma'isa toho' mian nontoa kihi-kihi' sumo aijo' na konjoo'nyo, ka' i lapas na aijo' madi'mo toho jinadi na anu sumo aijo'.

YESAYA 13:6

Polotando'mo kalana sinaa nu Tumpu toka mae malia'mo, aijo'mo sinaa kasilaka'an anu nu potokamo mae nu Tumpu Anu Daka' na Kuasanyo.

YESAYA 13:9

Sinaa nu Tumpu malia'mo mae toka ka' toka isinaa aijo' nu potudunmo nu Tumpu na tambuha'-Nyo ka' mule' pusa-Nyo anu taha-tahahumo. Tano' timbalimo tampat anu mateges ka' toto samian anu binaladosa'mo osilakaimo.

YESAYA 2:12

Toka isina aijo' Tumpu Anu Daka' na Kuasanyo mompopo'ambangmo iwi-iwi' na anu montige-tige ka' mule' mohukumo iwi-iwi' na anu buulon tiba anu lewa' montige-tige.

YESAYA 66:2

Songko-songko na dunia aiya, anu binau nu limang-Ku, saba' iwi-iwi' aijo' binaumo. Panyo anu Ku inde'i, aijo'mo mian anu ma'ima' na kinyonyoanyo, anu mongakui to dosa-dosa'nyo, anu mabuhuk ka' tulu-tulutan hi beleng-Ku.

YESAYA 66:5

Potombihing apaa na anu nutaloakon nu Tumpu, o, belemiu anu mabuhuk ka' montuluti Ia, “Kalana belemiu tulu-tulutan hi beleng-Ku, daagi' ko anu atina' hi bangsa nu belemiu na anu mongka'ideki belemiu, ka' madi' mongka'oho' mosangalu tiba belemiu. Aha ola mompopo'ambang belemiu ka' potatae, ‘Bakas da Tumpu mompotoa katalasanggoan-Nyo, da kami montoa belemiu lame'mo.’ Panyo posi ahamo ahi' na na'ambang.

YEREMIA 16:10

De nupoto'imo na aiya iwi-iwi' hi aha, ugat nu pokilawamo nu aha kadaka' Aku mohukumo aha sumo aijo'mo na ko boatnyo. Nu pokilawamo nu aha pa' apaa na kasala'an tiba dosa' nu aha anu binaumo hi Belengku, Tumpu Allah nu aha.

YEREMIA 16:7

Ka' madi'mo daagi' ko anu mongadatakon bau-bauon sangkiding salaku tanda bau pohibun mian anu tinokanmo nu tomate. Madi'mo daagi' ko anu suele humang mau mule' kakona hi mian anu sinilakamo na tuumanyo kabai tinanyo.

YEREMIA 4:5

Puuhimo na tolompet isongko-songko na lipu'! Poloboo'mo nasa-nasa. Palentah na mian anu jojoong i Yehuda tiba Yerusalem popalaimo lako' mamba ikota-kota' anu ko bentengnyo.

YEREMIA 5:22

Aku na Tumpu; kadaka' belemiu madi'mo nongkabuhuk Aku? Sabenannyo belemiu tionyo ahi' langkakatan mae hi beleng-Ku! Aku na nompotimbali sonibi nu ambai binau potempasan nu ambai anu madi' nu poko ala nu tului sampe toka sidu-sidutu'. Ambai timbali mokokembong ka' bokon timbali mangamu', panyo madi' moko ala moliu-liu potempasan aijo.

YEHEZKIEL 12:23

Jadi poto'imo hi aha mian nu Israel, taalu' Aku, Tumpu Anu Matangkas na Kuasanyo mombee'imo bau pontaami sumo uuka; Potatae aijo' Ku hapusimo sahingga madi'mo daagi' po ule' otaloakon nu aha Israel. Salaku bau pombolosi poto'i hi aha taalu' tempo'nyo tinokamo ka' apaa na anu pinoto'imo mae nu Tumpu tionyo ahi' jadimo.

YEHEZKIEL 21:12

O, manusia anu madi' tumuu' batu, haangmo ka' polotando'mo! Kalana bajak aijo' mongewamo mian anu palesayamo hi beleng-Ku. To pola-polaya' nu aha Israel tiba songko-songko na bansa otabasmo nubajak aijo' sampe aha silakamo. Jadi hapa' na saha'an nu beleyum kalana nolibosmo,

YEHEZKIEL 33:3

De ponjagai aijo' montoamo mae sampobali' toka ia mompo'onyi'mo salaku tanda ko bahayamo da iwi-iwi' na mian balasadiamo ahi'.

YEHEZKIEL 33:6

Panyo de ponjagai aijo' montoamo mae sampobali' toka ka' ia madi' mompo'onyi' tanda bahaya aijo' lantas sampobali' mompateimo mian haha aijo' anu baladosa', Ku tuntutmo hi ia ponjagai ai-aijo' na aha sinilaka aijo'.

YEHEZKIEL 7:10

Sinaa katokaan mae nu balaa' bansa Israel tinokamo. Kasinggian nu mompalentah jadimo iyaya mae. Kasombongan nu mian mompaka jadimo.

YEHEZKIEL 7:12

Tempo'nyo malia'mo toka, sinaanyo ingohanimo! Mian anu mongoli tiba mian anu mompobaluk madi'mo daagi' ko anu opihumpa-humpak na ka untungannyo, kalana hukuman nu Tumpu mongkonamo iwi-iwi' na mian.

DANIEL 6:26

Lapas aijo' i Tomundo' Darius nompakatumo sulat hi aha to mia-mian iwi-iwi na bansa, tulunan nu bansa ka' basa' anu i songko-songko na dunia, “Salamat kopian!

DANIEL 9:16

Belento nontulungimo mae kami tempo'nyo naipuan mae, kalana aijo' bolimo daagi' otambuha'i na Yerusalem kota' nu Belento, puge'nyo nu Belento anu susi'. Kalana dosa' mami tiba palabuatan anu ma'idek nu mompolee' mami sahingga iwi-iwi' na mian anu aitu mae mompaha ohani tiba kami montoa Yerusalem madi'mo ko angga'nyo ka' mule' kona hi aha mian anu palesayamo hi Belento.

DANIEL 9:20

Aku saja'mo binalado'a ka' nongakuimo dosa'ku ka' mule' dosa' nu bansaku Israel ka' mule' nongkakasemo hi Tumpungku da po ule' opokopianiakon na Laigan-Nyo anu susi'.

HOSEA 5:8

Puuhimo na tolompet kiijo' i Gibea! Po'onyi'mo na tanda polaga mahampatemo kiijo' mae i Rama! Poloaismo salaku tanda mahampatemo kiijo' mae i Betel! Soba mian nu Benyamin ahopimo ka' pahampatemo!

HOSEA 8:1

Tumpu notatae, “Po'onyi'mo na tanda kalana ko lobosmo mae montumbuhi. Sampobali' montumbuhimo mae lipu'-Ku susumo bonyia' monsabutmo kaanonnyo! Mian-Ku anu palesayamo nolanggaimo palajanjian-Ku tiba aha ka' madi'mo nontuluti pangajalan-Ku.

YOËL 1:15

Sinaa nu Tumpu ohanimo sinaa anu okabuhuk hondo; tempo'nyomo nu Anu Daka' na kuasanyo mompotokamo mae kahansunan.

YOËL 2:11

Potatae nu Tumpu sumomo gohung mombee'i tanda hi to sulu-suludadunyo. Talalo ahi' manjoo' na suludadunyo! Talalo ahi' mahoson na suludadunyo anu mombau palentah-Nyo! Talalo ahi' okabuhuk ka' hebat hondo na Sinaa nu Tumpu Madi' ko samian pe'e na moko ala mongewa.

YOËL 2:15

Puuhimo na tolompet kiita' i Sion i bungkutnyo nu Tumpu, bebakonmo na sinaa nu puasa' baumo na kasihukan nu mian iwi-iwi'.

YOËL 2:31

Batu nu sinaa tinimbalimo pinikat ka' bitu'on timbalimo momea' susumo baso'. Iwi-iwi' aijo' jadimo saidi' mae ma'isa pe'e Sinaa nu Tumpu toka mae, sinaa anu talalo ahi' ma'idek ka' okabuhuk!

YOËL 3:14

No mada-madalamo na mian anu kiijo'mo i Bangka'nyo nu Pomputusian. Kalana ikiijo'mo mae na sinaa nu Tumpu malia'mo mae toka.

YOËL 3:17

“O, Israel uuka aiya osumbu'mo nu belemiu, saba' Akumo na Tumpu nu belemiu. Aku jojoong i Sion, i bungkutnyo anu Aku na tumpunyo. Sahingga Yerusalem suele timbalimo kota' anu susi' mian anu isalipu'an mae madi'mo daagi mompinsoopi.

AMOS 3:6

Te toho' mule' mian i kota', madi' nu lakat de mohongomo onyi' nu tolompet tandanyo mahampatemo? Ugaat mule' sa'angu' na kota' nukona nu balaa' de Tumpu madi' nombee' i balaa'?

AMOS 5:18

Totu-totu'u silakamo na belemiu, anu saja' monginau' sinaa nu Tumpu! Apaa na gunanyo sinaa aijo' hi belemiu? Sinaa aijo' ola susumo sinaa anu pikat, misa' sinaa anu manjingka hi belemiu.

AMOS 8:2

Pinokilawa nu Tumpu, “Beleyum nontoa apaa, Amos?” Tinamaan-Ku, “Sa'angu' na kalanjang isinyo bua' nu kau' anu nahamo.” Tumpu notatae, “Tempo'nyo i nahamo na aha mian-Ku Israel anu palesayamo. Aku madi'mo daagi' mombabali'i tanga-an-Ku, ka' memang ku hukumo na aha.

OBAJA 1:15

“Totu-totu'u ohanimo mae na sinaanyo, Aku Tumpu momputusimo to bansa-bansa. Apaa na anu binaumo nu Edom aijo'mo na bau pombalosingku ia. Ia suele mongoa'imo apaa na anu binaunyomo.

ZEFANYA 1:14

Sinaa pomputusianmo nu Tumpu malia'mo mae toka ya malia'mo mae, ka' memang malia'mo mae toka. Sinaa aijo' manjoo' hondo na kasansala'an sahingga to sulu-suludadu anu talalo hondo baani maha loboo'anmo kalana madi'mo ko anu otaha'imani!

ZEFANYA 1:16

Sansinaa aijo' na mohongo onyi' nu tolompet tiba ais nu mian anu mahampate aijo'mo aha to sulu-suludadu anu nontumbuhimo iwi-iwi' na kota' anu bentengnyo ka' laigan toto tangka-tangkas bau pontanggalakonan mian.

ZEFANYA 1:7

Sinaa nu Tumpu ohanimo mae toka, isinaa aijo' Tumpu nongalamo sa'angu' na katantuan; kalana aijo' bolimo daagi momoya mompala'i Ia. Tumpu hau-haunyomo mosadia monsilakaimo mian-Nyo anu pinalesayamo susumo koloban anu osombahkon ka' Ia nolagamo to sampo-sampo bali' nu aha Yehuda.

ZEFANYA 3:11

Tempo'nyo aijo' belemiu o mian-Ku anu pinalesayamo, belemiu madi'mo palalu mongoa'i ma'ambang kalana notomuhukmo mae hi beleng-Ku. Aku molaa'mo batu-batu mian anu takabun ka' buulon ka' belemiu madi'mo daagi motomuhuk mae hi belengku aita i bungkutnyo anu Susi' anu Aku na tumpunyo.

ZAKHARIA 14:1

I sinaa anu pomputusianmo nu Tumpu malia'mo toka. Sahingga Yerusalem otololangimo ka' to bala-balangnyo otoamo nu belemiu na obagi-bagi i ahop nu belemiu.

ZAKHARIA 8:3

Aku po ule'mo minsusule' i Yerusalem, kota'-Ku anu susi' aijo' ka' jojoongmo ikiijo' mae. Yerusalem saidi mae nu sumbu'je nu mian salaku kota' anu tulu-tulutan, ka' puge'nyo nu Tumpu Anu Daka Na Kuasanyo osanggohije Puge'nyo anu Susi'.

MALEAKHI 4:1

Tumpu Anu Daka' na Kuasanyo notataemo, “Tokaje na sinaanyo iwi-iwi' na mian anu buulon tiba mian anu ma'idek na palabuatannyo opapuimo susumo hat. Kona i sinaa aijo' aha opapuimo sampe motanggot iwi-iwi', sahingga aha aijo' madi'mo daagi ko anu tontuha'.

NOMBILANGMO 10:2

“Pombau ohua' na tolompet salaka na otutuk da bau polaga mian da'isan sihuk mae kabai da bau ponsai aha da mambamo.

NOMBILANGMO 10:3

De pinduan na mompuuhi manta-mantan na onyi'nyo, alati'nyo iwi-iwi' na mian tionyo ahi' sihuk hi beleyum titiikub i ahop nu sabatan nu Kemah-Ku.

1 KORINTUS 14:8

Sa'angu' na sonto' sangga'at mule': De tolompet madi' opo onyi' ima-ima' ihe na mogogau' da mahampatemo?

FILIPI 2:12

Mokonyo aijo', to Utu-utus anu okanonongi, susumo komiu saja' montuluti aku tempo'nyo aku daagi' itina' hi komiu, saba' lebe-lebe mule' uuka aiya tempo'nyo to majo'onanmo, tionyo ahi' komiu tataap montuluti aku. Komiu pinosalamatmo nu Tumpu Allah, jadi saja' ahi' o usahakon da kabilahian miu mompaka pa'ima'. Obau na aijo' bau pongadati ka' tulu-tulutan hi Tumpu,

1 TESALONIKA 5:2

Kalana posi komiu monsumbu'mo totu-totu'u te Sinaa Katokaan nu Tumpu aijo', toka sumo anu buling toka pihi.

YAKOBUS 5:8

Komiu suele ahi' sabaan ka' oposanang na kinyonyoa, kalana sinaa katokaan nu Tumpu ohanimo.

1 PETRUS 4:7

Iwi-iwi na apaa mongahopi ka'ahenannyo, mokonyo aijo' okuasai ahi' na butong miu ka' balajaga-jaga, da belemiu moko ala timbali balado'a.

ANU PINOTO'I HI YOHANES 6:17

Sinaa anu okabuk aijo' tinokamo, uuka aiya aha mompobuntumo tambuha' nu aha, ka' madi' ko samian pe'e na moko ala totinjo i ahop nu aha!”