YOËL 1:4 - KITAB NU TUMPU ALLA LELE MA'IMAI'

⁴ Sampahas na kihi-kihi' anu madi' opoko lekeng na konjoo'nyo tinoka i iwi-iwi na ale' ka' nongkaanmo hasinnyo. Apaa na anu pinotuha' nu sampahas kinaan mule' nu sangga'at na pahasannyo.

YOËL 1:4 ပူးပေါင်းရင်းမြစ်များ

1 TOMU-TOMUNDO' 8:37

De lipu' aiya nu tokai nu kasusa'an i anu o kaan kabai panyakit anu molele ka' anu o su'an iwi-iwi' ola manggas nu posinaa, koe'on kabai nu kekedi nu kihi-kihi', kabai de mian anu pinalesayamo hi Belento nu tumbuhi nu sampo bali' kabai nu tokai mae nu panyakit,

2 TAWARIKH 6:28

De lipu' aiya kakulanganmo i anu o kaan kabai panyakit anu molele tokamo mae i lipu' aiya, kabai tempo' nu posinaa tokamo sahingga anu osu'an ola manggas, kabai koe', kabai kihi-kihi', kabai de mian anu pinalesayamo hi belento aiya nutumbuhimo mae nu sampo bali', kabai nutokamo mae nu panyakit,

2 TAWARIKH 7:13

De madi' Ku tudunakon na ujan kabai monsai mae kihi-kihi' da mongingkoti isi nu ale' kabai mompotoka mae panyakit anu molele hi mian anu pinalesayamo hi belengku,

MAZMUR 105:34

Kalana pinalentah-Nyomo sahingga tinokamo mae na kihi-kihi', manjoo' hondo madi' opoko bilang na konjoo'nyo.

MAZMUR 78:46

Ianompotokamo mae koe' tiba kihi-kihi' anu nongingkotimo bua' nu sosu'anon ka' isi nu ale'.

NOSABATMO 10:4

De belento sabole-bole madi' mompobee' saba' dodop Ku potokamo mae na kihi-kihi' i lipu' nu belemiu.

NOSABATMO 10:5

Kalana talalo manjoo' sahingga bawo nu tano' songko-songko saidi' mae me saja' kihi-kihi'. Iwi-iwi' na anu sinu'an, ka' to kau-kau' anu madi' ingidean nu ujan eis, nupaka ingkotije nu kihi-kihi' haha aijo'.

YESAYA 33:4

Sumo sampahas na kihi-kihi' na mian montumbuhi aha ka' mompahuhuakon halata' nu aha.

YEREMIA 51:14

Tumpu Anu Balakuasa hondo binasumpa'mo atas sanggo-Nyo koo-Nyo Ia mompokaumo mian konjoo'nyo sumo kihi-kihi' da montumbuhimo Babel ka' aha mongaisakonmo saidi' mae ais kalana i untungmo na nahampate.

YEREMIA 51:27

“O, tomundo' anu lengkat mae isasu utara! Bee'imo mae tanda da otumbuhimo! Po onyi'mo na tolompet da nu hongomo nu to bansa-bansa! Tipaha'imo na to bansa-bansa da mahampatemo mongewa Babel! Palentahmo na kalaja'an Ararat, Mini tiba Askenas da montumbuhimo. Pohangkatmo samian na bau talenga' da mompimpin belemiu montumbuhi aijo'. Tipaha'imo na ajahan anu konjoo'nyo sumo gombuan nu kihi-kihi'.

YOËL 2:25

Aku mombolosije apa-apaa na kalugi'an nu belemiu i taun taun tempo'nyo kihi kihi' nongkaanmo hasin nu ale' anu opadakmo nu belemiu. Kalana Akumo ahi' na nonsai sampahas na kihi-kihi' haha aijo' namba hi belemiu.

AMOS 4:9

Ku puhakon mae na mombun mapanas ka' Ku pakatui panyakit anu mongidei anu sinu'an, ka' ale' nu anggur nu belemiu. To kau-kau' ara ka' to kau-kau' zaitun nu belemiu ningkotmo na kinaan nu kihi-kihi'. Maumo sumo aijo' belemiu madi' ahi' minsusule' mae hi beleng-Ku.

AMOS 7:1

Aku nontoa lengkat mae hi Tumpu Anu Matangkas na Kuasanyo. Aku nontoa Ia nompojadi sa'angu' na pahasannyo na kihi-kihi' tempo'nyo aitu mian sala'je noko ala hemput anu obee' hi tomundo, ka' hemput anu sala'je mulai tumuu' mule'.

MALEAKHI 3:11

Aku madi'mo ola mompopilaya koe' lewa' montimili bua' nu ale' nu belemiu, iwi-iwi' na anggur nu belemiu mahampemo na mimbua'.

PO'ULE' INGULIT 28:38

Manjoo' na bine' anu osauu nu belemiu, panyo sangkiding na bua'nyo anu o humpak nu belemiu, kalana anu osu'an nu belemiu ola ningkot nukaan nu kihi-kihi'.

PO'ULE' INGULIT 28:42

Iwi-iwi' na kau' ka' anu osu'an nu belemiu mingkot nukekedi nu som.