YOËL 1:10 - KITAB NU TUMPU ALLA LELE MA'IMAI'

¹⁰ To ale-ale' uuka aiya i hansunmo. Tano' nohangimo; kalana i hansunmo iwi-iwi' na gandum, i nanggasmo na bua'nyo nu anggur ka' ningkotmo na lanya' nu zaitun.

YOËL 1:10 ပူးပေါင်းရင်းမြစ်များ

KAJADIAN 4:12

De beleyum mosu'an sosu'anon, tano' madi' mombee'i hasinnyo apa-apaa; beleyum timbalimo anu mahalajangan madi'mo ko tampat kajojoongan i dunia.”

YESAYA 15:6

Uee nu Kaunyo Nimrim ka' hemput anu tinumuu' isonibinyo inanggasmo ahi' tala-talalo, madi'mo daagi' ko kau' kabai hemput anu molundo.

YESAYA 24:11

Aha to mia-mian maha loboo'anmo aijo' ijalan kalana anggur anu o, inum ningkotmo. Madi'mo daagi' kokalame'annyo ilipu'aijo' sampe toka sidu-sidutu'.

YESAYA 24:7

Anggur mateekmo na tumuu' ka' ueenyo nu anggur susa'mo na mohumpak. Miana nu naipuan mae lame' uuka aiya susa'mo.

YEREMIA 12:11

Ya, tinoang-Kumo na aha nompojadi lipu'-Ku tampat anu iliingmo hondo ka' nonsusa'imo kinyonyoang-Ku. Iwi-iwi' madi'mo ko anu nongkalesang, madi'mo ko anu nompalahatikan.

YEREMIA 12:4

Daagi' toka hipian na kopinnyo lipu' aiya manggasmo ka' hemputnyo magayoumo i iwi-iwi na ale'? Tomonsi' tiba binatang sangga'at natemo kalana palabuatan ma'idek nu bansa mami. Aha notatae, tukoonyo nu aha aku madi'mo montoa pa' mosia na ka ahenannyo saidi' mae na aha.”

YEREMIA 48:33

Taligala nu lame' imadi'anmo ilipu' nu Moab anu ma'omuk hondo aijo'. Ku pobelentimo na anggur mo ili lengkat mae ipakakas pompao'an anggur; madi'mo daagi' ko mian anu mombau anggur ka' montaligalaimo kalana lame'mo.

HOSEA 4:3

Kalana aijo' lipu' aiya timbalimo mateges ka' batu-batu anu tumuu' ikiijo' matemo. Batu-batu binatang anu i langa ka' i katano'an ka' i ambai mohopu'mo.”

HOSEA 9:2

Panyo madi'mo daagi pin belemiu kamadi'anmo i gandum tiba lanya' nu zaitun, ka' tiba anggur suele mingkotmo.

YOËL 1:12

Kau' anu biasa kobua'nyo i padang tinimbalimo i nanggas iwi-iwi' kau' anggur, apel, arah, kurma, ka' dalima. Sahingga mian da'isan mule' madi'mo i lame'.

YOËL 1:5

O anu lewa' malangu, pobulamo! O anu lewa' monginum haangmo! Kalana anggur anu salaje ingagoanmo lengkat atina' i nganga' nu beleyum.

YOËL 2:19

Ia nontaami aha sumo uuka, “Uuka aiya belemiu iwi-iwi' Ku bee'imo gandum, anggur tiba lanya' nu zaitun da okaan da belemiu iwi-iwi' mobosu. Aku madi' mompojohok belemiu opopo ambang kabai nukokojoi nu to bansa-bansa.

IMAMAT 26:20

Iwi-iwi' na lawe nu belemiu madi'mo ko gunanyo, kalana ale' nu belemiu madi'mo ko hasinnyo ka' sosu'anon nu belemiu madi'mo mimbua'.

HABAKUK 3:17

Maumo kau' ara madi' ko bua'nyo, ka' kau' anggur madi' nimbua' anggur; mau pe'e pontipuanmo zaitun panyo madi' ko apa-apaa na anu ihumpak ka' hasin nu gandum i ale' suele madi'ko anu ihumpak, sadangkan iwi-iwi' na domba inatemo, ka' pangkun nu potuu'on madi'mo ko isinyo,

HAGAI 1:11

Pinotokang-Kumo mae na sinaa nontimpa'i tano' ka' to puge-puge'nyo ka' mule' sinin na ale' nu gandum ka' mule' sinin na ale' nu zaitun ka' iwi-iwi' na anu sinu'an i tano' aiya nanggasmo ka' suele manusia tiba binatang iwi-iwi' anu ingusahakonmo nu belemiu.”

MALEAKHI 2:3

To ana-anak nu belemiu Ku hukumo ka' mule ohup nu belemiu Ku sapuimo nu sengkun nu binatang anu kinolobanakonmo nu belemiu, ka' mule' belemiu oboamo i tambulan nu sengkun.