YESAYA 9:6 - KITAB NU TUMPU ALLA LELE MA'IMAI'

⁶ Ia mompalentah salaku tomundo' lee' mae i Daud, kakuasa'annyo daka' hondo. Lipu'nyo saja'mo dame ka' mohumpakmo kantumuu'an ma'ima'; pamalentahannyo montoongi atulan tiba ka'adilan mulai uuka aiya sampe toka sidu-sidutu'. Tumpu Anu Daka' na Kuasanyo na tionyo mombau aijo'.

YESAYA 9:6 ပူးပေါင်းရင်းမြစ်များ

2 SAMUEL 7:16

Beleyum saja' mohumpak lee' ka' Ku pojadije na kalajaan nu beleyum sampe toka sidu-sidutu'. Lee' nu beleyum samian sampe toka sidu-sidutu' na mompalentah salaku tomundo'.’ ”

1 TOMU-TOMUNDO' 10:9

O puji' na Tumpu, Tumpu Allah nu belento Tuan! Kalana nohangkatmo belento Tuan tinimbali tomundo' nu Israel, pinotoamo nu Tumpu hi belento Tuan, na Ia sanang hi belento Tuan. Madi' kokamingkotanyo na Ia mongkalibosi bansa Israel; mokonyo' aijo' Ia nohangkatmo belento Tuan binaumo tomundo' nu aha, da belento Tuan sabole-bole ahi' mompojalan atulan ka' ka'adilan.”

1 TOMU-TOMUNDO' 2:33

Hukuman kalana ua'aha na suludadu anu matangkas na pangkatnyo pinateanmo i Yoab na montanggung ka' lee'nyo sampe toka sidu-sidutu'. Panyo' lee' nu tuumangku iwi-iwi' anu bau tomundo' saja' nu abalakati nu Tumpu – aha saja' mohumpak dale'.”

1 TOMU-TOMUNDO' 2:45

panyo' aku nu balakati nu Tumpu ka' kalaja'an nu tuumangku sabole-bole ahi' nu balakati sampe toka sidu-sidutu'.”

NEHEMIA 9:32

O Tumpu Allah, Tumpu Allah mami anu mahoson hondo! Tumpu Allah anu daka' na kakuasa'annyo ka' opalias! Otoongi totu-totu'u nu Belento iwi-iwi' apaa na anu jinanji'mo nu Belento; iwi-iwi' na anu jinanji'Mo nu Belento ginanapanmo ka' binaumo nu Belento. Salatanmo pe'e to tomu-tomundo' nu aha Asyur nonsansalamo kami. Sampe uuka aiya nanjoo'mo hondo na kasansala'an anu ingoa'anmo mami. To tomu-tomundo' mami, imam, nabi tiba to tu'a-tu'anyo mami, ka' suele mompolee'mami ka' mule' aha mian da'isan nongoa'imo kasansala'an iwi-iwi'. Boli okolilimi na kasansala'an haha aijo'! Boli madi'mo o'inau' i uno nu pikilan nu Belento!

MAZMUR 45:3

Belento na anu talalo ahi' handa nu hungku'i na manusia, potatae nu Belento saja' kaho ka'ima'an, mokonyo aijo' Belento nu balakati nu Tumpu, sampe toka sidu-sidutu.

MAZMUR 45:6

Pana' nu beleyum mata-matajom molampasmo sule nu mian anu mongewa mae beleyum, to bansa-bansa singkapmo motua' i ahop nu tengke nu beleyum.

MAZMUR 45:7

Tumpu mombee'imo kuasa beleyum da mompalentahmo kakuasa'an nu beleyum pin hondo sampe toka sidu-sidutu'; beleyum adinmo na mompalentah layat nu beleyum.

MAZMUR 50:1

Mazmur i Asaf. O Tumpu, Tumpu Anu Balakuasa hondo, notataemo; Ia nompoto'imo hi songko-songko na dunia lengkat pe'e mae ikabete'an sampe tinoka toka i sasu kinsoban.

MAZMUR 72:17

O'amalakon da sanggo i tomundo saja' o inau' sampe toka sidu-sidutu', ka' mompaka togilele na sanggonyo kopinnyo daagi' ko batu nu sinaa. O'amalakon da tobansa-bansa mongkakase hi Tumpu da obalakati susumo ia, ka' iwi-iwi' na mian montaloakonmo ia, tukoonyo nu aha ia nohumpakmo ka'ima'an.

MAZMUR 72:3

De timbali da lipu' mami mohumpakmo ka'ima'an ka' kantumuu'an anu sanang, ka' daagi' ko ka'adilan hi songko-songko na bansa.

MAZMUR 72:7

O'amalakon da ka'adilan sabole-boleh obau kopinnyo ia mompalentah, ka' kasanangan nu kantumuu'an boli kokakulangannyo kopinnyo daagi' ko bitu'on.

MAZMUR 85:10

Memang Ia ko kahanda' momposalamat anu tulu-tulutan. Tumpu anu talasanggo hondo jojoongmo i lipu'to aiya.

MAZMUR 89:5

‘Kalaja'an nu beleyum sabole-boleh ku potinjo sampe toka sidu-sidutu', molundu-lundu na tulunan nu beleyum ka' to maku-makumpu nu beleyum monjojoongi.’ ”

AMSAL 8:23

Aku tinali' salatanmo pe'e naipuan mae, i momonanyo ma'isa pe'e dunia aiya pinotimbali.

YESAYA 10:21

Tuha'nyo meme sangkiding na aha bansa Israel balatobatmo hi Tumpu anu balakuasa.

YESAYA 11:5

Ia adin na mongala kaputusan ka' madi' tageo' na kinyonyoa i uno nu han iwi-iwi'.

YESAYA 16:5

Lapas aijo' samian na lee' mai i Daud timbalimo tomundo' ka' mompalentahmo bansanyo ka' saja ahi ko kalibosan ka' ule' madi' geguan. Ia na montoongi ahi' ka adilan ka' mule' malia' ahi' na bala ulusan mombau anu sahondo-hondonyo.)

YESAYA 26:12

O, Tumpu, Nu balakatimo mae na kami da mohumpak kantumuu'an anu ma'ima'; iwi-iwi' na anu obau mami, Belentomo na mombauakon apaa na anu opalalui mami.

YESAYA 26:3

O, Tumpu Belento nombee'imo mae kadamean ka' mule' kantumuu'an anu ma'ima' hi mian anu mahoson nakinyonyoanyo, kalana ia palesaya hi Belento.

YESAYA 28:29

Kapandean aijo' nolengkat mae hi Tumpu Anu Daka' na Kuasanyo. Iwi-iwi' na anu tinanga'anmo nu Tumpu tinanga'anmo nu kapandean ka' saja' mingkaliangan.

YESAYA 32:1

Soba toa, tokaje mae na tempo'nyo samian na tomundo' adinmo hondo na mompalentah ka' mule' to pola-polaya' nu bansa mompojalanmo ahi' ka'adilan.

YESAYA 37:32

I Yerusalem tiba aita' ibungkutnyo nu Sion saidi' mae ko to mia-mianmo anu salamat kalana Tumpu Anu Daka' hondo na Kuasanyo nontantukanmo han aijo' memang tionyo ahi' jadi.

YESAYA 53:10

Tumpu mongkahanda' da ia sansala, ka' nombee'mo butongnyo susumo koloban pongalini dosa'. Sahingga ia mantan na umun ka' montoa tulunannyo, kalana ia sahingga kahanda' nu Tumpu timbalimo jadi.

YESAYA 53:2

Tumpu mongkahanda'i da posaihon-Nyo aijo' susumo ahi' sulot mae nu kau' anu tumuu' i tano' anu nategesmo. Madi' ko anu ma'ima' na otoanto aijo' hi ia madi' ko anu ma'ima' na anu timbali o kamiluinto.

YESAYA 53:5

Panyo ia binelaan kalana iwi-iwi na dosa'to, ka' dinoke kalana palabuatanto ma'i-ma'idek. Ia i hukum da kita oposalamat kalana belanyo haha aijo', kita i na'alinmo.

YESAYA 63:16

Te misa' Belentomo ahi' na Tuuma mami? I Abraham tiba i Yakub madi' Monsumbu' kami. Panyo belento o, Tumpu atina'mo ahi na Tuuma mami anu Nomposalamatmo kami daagi' pe'e naipuan mae.

YESAYA 66:12

Kalana Tumpu notataemo, “Belemiu Ku bee'ije kabilahian susumo kaunyo anu mo'ili; kakaya'an nu to bansa-bansa nuboaje mae hi belemiu susumo kanyo anu mosawe'mo. Belemiu sumomo anak anu oposusu ka' otangkung nu tinanyo, ka' osapu-sapumo aijo' tangku-tangkung hi ia.

YESAYA 7:14

Uuka aiya posi Tumpumo na mombee'i tanda hi belemiu samian na langkoyang poboa'mo ka' mompohampemo samian na anak mo'ane anu osanggohimo Imanuel.

YESAYA 8:18

Aiya na aku tiba to ana-anak anu binee'mo nu Tumpu hi belengku. Tumpu Anu Daka' na Kuasanyo mompalentah i Bungkutnyo nu Sion nonsaimo mae kami da timbali tanda hi aha Israel.

YEREMIA 31:22

Sampe toka hipian na beleyum saja'mo bata-bata, o bansa anu madi' tulu-tulutan hi beleng-Ku? Aku nompotimbalimo apa-apaa anu sala'je jinadi' idunia aiya, apa-apaa na anu okahelani hondo, ma'isa toho' jinadi boune monjagai mo'ane.”

DANIEL 2:44

Tempo'nyo tomundo' haha aijo' mompalentah Tumpu i suluga' nompotinjomo sa'angu' na kalaja'an anu timbali totahan sampe toka sidu-sidutu' ka' anu madi' nu poko ala nu patundu' nu bansa maumo pa' iyamae. Kalaja'anmo ai-aijo' na mohansuni iwi-iwi' na kalaja'an sangga'at haha aijo'.

DANIEL 7:14

Ia binee'anmo kaholomatan tiba kakuasa'an salaku tomundo' sahingga to mia-mian anu i iwi-iwi na bansa tiba tulunan nu bansa ka' mule' basa' tunduk hi Ia. Kakuasa'an-Nyo pin sampe toka sidu-sidutu', ka' Ia mompalentah madi'mo daagi' opobelenti.

HAGAI 2:9

Laigan-Ku anu salaje binau lebemo hondo ma'ima' molingkuduimo anu u'utu mae, ka' ia aiya Ku bee'imo ka'amanan ka' mule' kabilahian i uno nu kantumuu'an hi aha bansang-Ku.” Tumpu Anu Daka na Kuasanyo na notataemo.

MATIUS 1:1

Aiyamo na daputan nu mompolee' i Yesus Kristus, tulunan i Daud, tulunan i Abraham. Lengkat mae hi Abraham tinoka hi Daud, sanggo-sanggo nu mompolee' i Yesus Kristus sumo uuka:

MATIUS 1:23

“Samian na boune anu ma'isa toho' nonganak ia na poboa ka' mohampeakon samian na anak mo'ane. Anak aijo' osanggohi Imanuel.” (Imanuel te basa' nu Ibrani alati'nyo, “Tumpu monsangalui kita”.)

MATIUS 11:27

Lantas i Yesus notatae, “Iwi-iwi na apaa pinotalimamo nu Tuuma hi beleng-Ku. Madi' ko samian pe'e monsumbu' Anak, de misa' Tuuma. Madi' mule' ko anu monsumbu' Tuuma de misa' Anak, ka' to mia-mian maumo ihe na Anak aijo' monsisikakon Tuuma.

MATIUS 28:18

I Yesus nongohani aha ka' notatae, “Iwi-iwi' na kuasa i suluga' ka' i dunia aiya binee'mo hi beleng-Ku.

LUKAS 1:35

Tinaaman nu malaikat aijo', “Roh nu Tumpu tokaje hi beleyum, ka' kuasa nu Tumpu monjagaije beleyum. Mokonyo sumo aitu, anak anu o hampe'akonto atina' osanggohi Susi', Anak nu Tumpu.

LUKAS 2:11

Sinaa aiya i kota Daud i hampemo na Tomundo anu Momposalamat komiu, aijo'mo i Kristus, Tumpu.

LUKAS 2:14

“Puji' na Tumpu i langit anu matangkas hondo! Ka' i bawo nu dunia, salamatmo na mian anu momposanang kinyonyoa nu Tumpu!”

LUKAS 21:15

Akuje na mombee' hi beleyum potatae tiba kapandean aijo', sahingga madi' ko samian pe'e hi anu sampo bali' miu moko ewa kabai motunde apaa na anu otaloakon miu.

YOHANES 1:14

Potatae nu Tumpu tinimbalimo mian, Ia jinojoongmo aiya hi kita, ka' kita nontoamo katalasanggoan-Nyo. Katalasanggoan-Nyo tinalimanyomo salaku anak sa'a-sa'angu'nyo nu Tuuma. Kalana Ia, sahingga kita nontoamo Tumpu ka' kalibosan-Nyo hi kita.

YOHANES 1:16

Ia saja' mongkalibosi; madi' ko kamingkotannyo, Ia mombalakati kita.

YOHANES 14:27

Kabilahian Kupo'una' hi komiu. Posi Kabilahian-Ku na Kubee' hi komiu. Anu kubee' aijo' misa' sumo anu binee' nu dunia hi komiu. Boli susa', boli mabuhuk.

SISIKON NU TO RASUL-RASUL 10:36

Sinumbu'mo nu to Utu-utus na isi nu lele anu pinotoka nu Tumpu hi bansa Israel. Lele aijo' aitumo Lele Ma'ima', mongkona paladamean hi Yesus Kristus, aitumo Tumpu nu iwi-iwi' mian.

SISIKON NU TO RASUL-RASUL 20:28

Tionyo obala ingati na butong miu ka' otoa suele na jama'at iwi-iwi' anu binee'mo nu Roh nu Tumpu hi komiu da otoa; kalana komiu ingangkatmo da montoa jama'at aijo'. Tionyo komiu montoa jama'at nu Tumpu aijo' sumo polaya' montoa dombanyo, kalana Tumpu nompotimbalimo jama'at-Nyo, aijo'mo na sababnyo sahingga i Yesus Anaknyo sinilakamo.

ROMA 8:32

Posi Anak-Nyo madi kinalibosan-Nyo, panyo binee'-Nyo bau kapentingan nu kita iwi-iwi'; te madi' mule' Ia mombee' hi kita anu sasangga'atannyo?

ROMA 9:5

Aha ilee'akon nu mompolee'to. I Kristus salaku mian nolengkat mae i bansa nu aha. Ia na lebee i bawo molingkudui iwi-iwi' aijo'. O puji' na Tumpu toka sidu-sidutu'! Amin.

1 KORINTUS 1:30

Posi Tumpu na nompotimbali sahingga kita Utus nosa'angu' tiba i Kristus Yesus. Ola kalana i Kristus, sahingga kita pinotimbali pande. Ka' mule' ola kalana Ia, Tumpu nompotimbalimo kita po'ule' nompaha ima' tiba butong-Nyo, nompotimbali kita samata-mata mian-Nyo anu palesayamo, ka' nompobebas kita.

1 KORINTUS 15:25

I Kristusmo na saja' mompalentah sampe Tumpu mompotimbalimo iwi-iwi' na sampo bali' i Kristus matundu'mo hi Kristus.

2 KORINTUS 5:19

Kami nompolele Tumpu nompotimbalimo mian nompo'ule'mo na'ima' tiba butong-Nyo, kalana pinalesayamo hi Kristus. Tumpu nompotimbali aijo' madi'mo nongkikilai kasala'an anu binaumo nu mian hi butongnyo. Ka' kami pinalentahmo nu Tumpu da mompolele lele aijo'.

PO'ULE' INGULIT 10:17

Tumpu Allah nu belemiu i bawo nu iwi-iwi' na pilogot ka' molingkudui iwi-iwi' na kuasa. Ia Tumpu Allah anu talasanggo ka' daka' na kuasa-Nyo ka' anu tionyo ahi' otuluti. Ia madi' mongka'ima'i momposambiha' ka' madi' mongka'oho' da otamboi asan opo'untung i palakala.

KOLOSE 2:3

I Kristusmo na momponyata' iwi-iwi' na kapandean ka' mosia na monsumbu' Tumpu anu naipuan mae ma'isa sinumbu'.

1 TIMOTIUS 3:16

Madi' ko samian pe'e na madi' mangaku, palias na kinodaka'nyo na lahasia nu agamanto: Ia nompotoamo butong-Nyo i uno nu lupa sumo manusia, ka' pinonyata'mo totu-totu'u nu Roh nu Tumpu, tiba tinoamo nu to mala-malaikat. Lelenyo sinongkohakonnyomo i to bansa-bansa, ka' Ia opalesaya i songko-songko na dunia, ka' i hangkat nokiita' i suluga'.

TITUS 2:13

Uuka aiya kita hau-haunyomo montanda'i Sinaa anu o ima-imaninto aijo'; i Sinaa aijo' dunia montoaje i Yesus Kristus anu talasanggo; aijo'mo Tumpu Anu Matangkas na Kuasanyo ka' Tomundo anu Momposalamat kita.

IBRANI 1:8

Panyo hi Anak aijo', Tumpu notatae, “Kalaja'an nu Belento, o Tumpu, sangkutnyo sampe toka sidu-sidutu'! Kapalentahan nu Belento atina'mo na kapalentahan anu adin.

IBRANI 13:20

Tumpu mompotumuu'mo Tumpunto i Yesus anu sini-sinilakamo. Kalana Ia sinilakamo, sahingga Ia tempo' uuka tinimbalimo Polaya'to anu Talasanggo aiya hi kita to domba-domba-Nyo. Ia sinilaka aijo' mompaka pompohosonmo palajanjian anu sampe toka sidu-sidutu' anu binaumo nu Tumpu hi kita.

1 YOHANES 5:20

Osumbu'to saba' Anak nu Tumpu tinokamo ka' nompopangalati'mo kita, da kita monsumbu' Tumpu anu totu'u. Kita tumuu' nosa'angu'mo tiba Tumpu anu totu'u, ka' tumuu' mosa'angu'mo tiba Anak-Nyo i Yesus Kristus. Aiyamo na Tumpu anu totu'u, ka' aiyamo na kantumuu'an anu kopian ka' sampe toka sidu-sidutu'.

ANU PINOTO'I HI YOHANES 19:16

I juba'-Nyo ka' i pa'anyo tuli-tulis na sanggo sumo uuka, “Tomundo nu tomundo iwi-iwi', ka' Tumpu nu tuan iwi-iwi'.”

TO MIA-MIAN KOPIAN 13:18

Malaekat nu Tumpu aijo' nompokilawa, “Kadaka' beleyum mongkahanda'i monsumbu' sanggongku? Sanggongku aijo'sanggo anu okabangangi.”