YESAYA 9:5 - KITAB NU TUMPU ALLA LELE MA'IMAI'

⁵ Samian na anak hampemo aiya hi kita; kita binee'anmo samian na anak mo'ane. Ia na saidi' mae timbali polaya'to. Ia osanggohi: “Anu pande na mombee'i Pokinde'i”, “Tumpu anu Baani”. “Tuuma au tumuu' Sampe toka sidu-sidutu'”, “Tomundo' anu Mompodame”.

YESAYA 9:5 ပူးပေါင်းရင်းမြစ်များ

KAJADIAN 32:30

Lapas aijo' i Yakub notataemo, “Aku nompaha piamo tiba Tumpu Allah, ka' aku daagi' tinumuu'.” Kalana aijo' sinanggohannyomo na tampat aijo' Pniel.

MAZMUR 46:9

Imbo' toa pa' apaa na anu binaumo nu Tumpu; talalo ahi' okabangangi na anu binau-Nyomo i dunia aiya!

MAZMUR 72:3

De timbali da lipu' mami mohumpakmo ka'ima'an ka' kantumuu'an anu sanang, ka' daagi' ko ka'adilan hi songko-songko na bansa.

NOSABATMO 23:21

O intomakon ka' otuluti na ia. Boli moto idek hi ia kalana ia Aku na nonsai ka' ia madi' mongampuni kasala'an nu belemiu.

YESAYA 13:4

Potombihing na hengge'nu mian aita' me ibungkutnyo, sumomo ahi' hengge' nu mian anu da'isan tongko'. Potombihing na kalaja'an-kalaja'an singkapmo ihengge, ka' aha bansa-bansa anu sinihukmo. Tumpu Anu Daka' na Kuasanyo nompalesamo gombuan nu suludadu anu kahanda'mo mahampate.

YESAYA 2:4

Ia na momputusi aha to bansa-bansa, ka montantukan kaputusan nu palakala hi aha tulunan nu to bansa-bansa. Bajak otutukmo da timbalimo aja' ka' mule' talombo' otutukmo da timbali piso' bau pongkis. Aha to bansa-bansa madi'mo lewa' mompaha tubu-tumbuhi, ka' mule' madi'mo lewa' balasadia da mahampatemo.

YESAYA 30:33

Nai puan pe'e mae na nomposadia tampat pompapuian i tomundo' Asyur. Tampat aijo' maleeng ka' mule' bola ingisianmo kau' bau pomposuli anu pinaha potambunmo manjoo' hondo. Tumpu na saidi mae momposuli apunyo, sawo-nyo na mompuhi, pokakanamo ahi' susumo kaunyo nu belerang na kobohosnyo.

YESAYA 37:36

Pihi-pihimo aijo' na malaekat nu Tumpu tinoka ibinakema'an nu Asyur ka' nompateimo 185.000 na suludadu. Dodododopnyo subu-subu bangke haha aijo' singkapmo sika-sika bandang.

YESAYA 4:4

Kakuasa'anmo nu Tumpu na momputusi saidi' mae ka' mompoko ima'imo mian anu palesayamo hi Ia. Ia mompobelesi'mo baso' nu to mia-mian i Yerusalem anu pinatean ikota' aijo'.

YESAYA 9:4

Sapatu nu suludadu anu ginalupakanmo ka' mule' baju' nu aha anu kahomo baso' saidi' mae mingkotmo mo'angot nu apu.

YESAYA 9:6

Ia mompalentah salaku tomundo' lee' mae i Daud, kakuasa'annyo daka' hondo. Lipu'nyo saja'mo dame ka' mohumpakmo kantumuu'an ma'ima'; pamalentahannyo montoongi atulan tiba ka'adilan mulai uuka aiya sampe toka sidu-sidutu'. Tumpu Anu Daka' na Kuasanyo na tionyo mombau aijo'.

YEREMIA 23:5

Tumpu notatae, “Tokaje mae na tempo'nyo, Ku hangkatje na tomundo' samian anu adil lee' mae i Daud. Tomundo' aijo' saidi' mae pande na mompalentah ka' apa-apaa na obau saja' adin ka' saja' totu'u isongko-songko na lipu'.

YEREMIA 47:3

Aha mohongomo galupak nu ajahan, tiba daladak nu kareta ka' mule' gelegek nu bolanyo. Mian to tu'a-tu'anyo lusekmo na butong nu aha ka' madi'mo daagi' sola' montutugi to ana-anak nu aha.

YOËL 2:5

Aha mahalumpatan aita' i bungkutnyo onyi'nyo sumomo daladak nu kareta pahampate ka' sumomo titihika' nu apu anu nomea'mo hondo. Aha nobalismo susumo sa'angu' na tumpukan nu suludadu anu baani hondo, anu sasadiamo mongahopi pahampatean.

IMAMAT 3:11

Imam anu mokalaja tionyo ahi' mompotunu iwi-iwi' aijo' i mezbah bau koloban kaanon anu osombahkon hi Tumpu.

IMAMAT 3:16

Imam anu mokalaja tionyo ahi' mompotunu iwi-iwi' aijo' i mezbah. Hongohisnyo nu koloban anu okaan aijo' momposanangmo kinyonyoa nu Tumpu. Iwi-iwi' na lompo'nyo nu binatang aijo' osombahkon hi Tumpu.

MIKHA 5:1

Tumpu notatae, “O, Betlehem Efrata beleyum sala'sa'angu' na kota' anu ise' hondo i daerah Yehuda! Panyo atina' hi beleyum Ku hangkatmo na samian anu mongkuasai Israel anu pinolengkatannyo mae daagi' pe'e naipuan mae.”

NAHUM 3:2

Potombihing na penepes nu pondoke tiba daladak nu loda, galupak nu ajahan ka' suele kareta tolo-tolo tumpa.

ZAKHARIA 6:13

Iamo na mombau Laigan-Ku ka' montalimamo kaholomatan susumo samian na tomundo' ka' ia mompalentahmo miannyo. Samian na imam na mohapiti'i ia, ka' mompaha toa-toa na aha mokalaja ka' mompaha kona hondo.’

MATIUS 3:11

Aku mompalamandikan komiu nu uee da momponyata' saba' komiu binala tobatmo i dosa-dosa' miu; panyo lapas na aku tokaje mae na anu mompalamandikan komiu nu Roh nu Tumpu tiba apu. Ia lebe daka' molingkudui aku. Ka' momboa sapatu-Nyo pe'e aku madi' pantas.

SISIKON NU TO RASUL-RASUL 2:19

Aku mompodaagi'je anu okabangangi aita' mae i langit, ka' hahan anu daka' i aluk nu dunia aiya; daagi' saidi' mae ko baso' ka' apu, mombuun ka' tibuk.

SISIKON NU TO RASUL-RASUL 2:3

Lantas aha nontoa to jila-jila' sumo moak nu apu molele iyaya mae ka' manintengke' hi aha toto samian.

2 TESALONIKA 1:8

ka' ko apunyo anu balea-leak. Ia mintau' da mohukum to mia-mian anu madi' mompajuli Tumpu, ka' anu madi' ka'oho' tumuu' sosok tiba Lele Ma'ima' mongkona i Yesus Tumpunto.

TO MIA-MIAN KOPIAN 13:18

Malaekat nu Tumpu aijo' nompokilawa, “Kadaka' beleyum mongkahanda'i monsumbu' sanggongku? Sanggongku aijo'sanggo anu okabangangi.”

1 SAMUEL 14:19

Hau-haunyo i Saul notatae hi imam aijo' aha mian nu Filistin i kiijo' i kemah nu aha nompaka pabuhukmo. Sahingga i Saul notataemo hi imam aijo', “Kita madi'mo ko tempo' mompoita pokinde' hi Tumpu!”