YESAYA 9:3 - KITAB NU TUMPU ALLA LELE MA'IMAI'

³ Belento nongalinimo tanggungannyo anu maboat ka' kau' anu simbu-simbu ibikoangnyo. Belento nompatundu'mo bansa anu saja' monsakisa anu lewa' mombee'i tanggungan toto boa-boat hi mian anu palesayamo hi Belento. Pokakana susumo naipuan mae tempo'nyo Belento nompatundu'mo suludadu nu aha Midian.

YESAYA 9:3 ပူးပေါင်းရင်းမြစ်များ

NEHEMIA 9:23

Pinotimbalimo nu Belento na lee' nu aha, susumo mandala' haha aita' i langa na konjoo'nyo. Binee'anmo nu Belento na aha tano' da bau kajojoongan nu aha, tano' anu jinanji'mo nu Belento hi mompolee' nu aha.

AYUB 12:23

To bansa-bansa pinotimbali-Nyomo nanjoo' ka' binilahimo, lantas pinatean-Nyomo na aha sahingga nohopu'mo

MAZMUR 107:38

Tumpu nombalakatimo aha da nanjoo' na anak nu aha, ka' binatang potuu'on nu aha nompaka panjoo'mo.

MAZMUR 119:162

Anu jinanji'mo nu Belento nompolame'mo aku sumomo mian anu nohumpakmo halata'.

MAZMUR 4:7

Manjo' na mian nompokilawamo, “Ihe na saidi' mae mombalakati kita?” O'amalakon da Belento monginau' mae kami, O Tumpu.

YESAYA 10:26

Aku Tumpu Anu Daka' na Kuasanyo mondokemo aha nu pondoke, susumo Aku nontahutu'mo aha mian nu Midian ibungkutnyo nu batu Oreb. Aha Asyur Ku hukumo susumo Aku nohukumo Mesir.

YESAYA 12:1

Tokaje mae na tempo'nyo belemiu manyanyimo: “O, Tumpu aku montalima kasehmo hi Belento, kalana Belento nohase'mo mae aku. Naipuan mae Belento nontambuha'imo mae aku, panyo uuka aiya Belento madi'mo notambuha'.

YESAYA 14:5

Tumpu madi'mo mompobee' pamalentahan anu ma'idek na balakuasa

YESAYA 25:9

Tempo'nyo aijo' mian motataemo, “Memang totu'u, Ia ahi' na Tumpu-nto; Iamo ahi' ia na anu ota-otanda'into, da kita oposalamat. Totu'umo ahi' aiyamo na Tumpu; Iamo ahi' ia na anu ota-otanda'into. Uuka aiya poloaismo lame-lame', kalana Ia momposalamatmo kita.”

YESAYA 26:15

Belento nompaka ponjoo'mo kami mian anu palesayamo hi Belento, o, Tumpu, ka' nompaka po ewamo daerah mami kalana aijo' Belento iholomatanmo.

YESAYA 35:10

Aha to mia-mian anu pinobebasmo nu Tumpu na minsusule'mo; aha minsoopmo ikota' Yerusalem ka' lewa'mo montaligalai, ohup nu aha balasahayamo kalana ilame'mo sampe toka sidu-sidutu'. Aha saidi' mae bilahimo ka' lame'mo; pikilan susa' ka 'mule' sola' motusa' imadi'anmo.

YESAYA 35:2

Padang tampat anu mateges ko ewa-ewanyomo, ka' mongelokmo nu lagu anu mompolame'. Ia ma'ima' hondo sumomo ahi' bungkutnyo nu Libanon, sahayanyo sumomo ahi' bangka'nyo nu Karmel ka' Saron. Sahingga batu-batu mian timbali montoa kuasa nu Tumpu, ka' mule' kaholomatan nu Tumpunto.

YESAYA 54:1

O, Yeruslaem, u'utu mae beleyum sumo boune anu lengke' anu madi' moko ala monganak. Panyo uuka aiya balame-lame'mo, ka' bila-libahimo na manyanyi! Kalana to ana-anak nu beleyum manjoo' hondo, molingkudui anak nu boune anu madi' nupala'i nu langkai'nyo.

YESAYA 55:12

Belemiu mompala'imo mae Babel ka' sanangmo hondo, ka' oboamo minsusule' ma'i-ma'ima'. Bungkutnyo ka' puge'nyo lame'mo ka' montatigalaimo to kau-kau' aijo' i ale' nohapa'imo lima.

YESAYA 61:10

Yerusalem notataemo, “Aku i lame'mo kalana Tumpu, kinyonyoangku binilahimo kalana Tumpu. Susumo boting mo'ane ka' boune nompakemo mainan anu toto ima-ima' hondo, sumo atina'mo na Tumpu nompopusok mae hi belengku baju' kasalamatan ka' kamangan.

YESAYA 61:7

Kalana belemiu nohumpakmo ambang pininduan lipat ka' kino kalakuanmo anu ma'idek ka' suele pinopo'ambangmo, binaumo bagian nu belemiu sahingga belemiu nohumpakmo bagian pinduan lipat i lipu' nu belemiu ka' mohumpakmo kasanangan sape toka sidu-sidutu'.

YESAYA 65:14

Sabenannyo aha montaligalaimo ka' lame'mo, padahan belemiu humang ka' susa'mo.

YESAYA 65:18

Bilahimo ka' lame'mo sampe toka sidu-sidutu' kalana apaa na anu binaung-Kumo. Aku mombaumo Yerusalem anu obauje mule' ka' saja' kokabilahian, ka' mian anu monjojoongi ola saja' lame'.

YESAYA 66:10

Balame-lame'mo tiba Yerusalem, o mian iwi-iwi' anu mongka'milui ia. Komiu anu sinusa'mo kalana ia, uuka aiya timbalimo balame-lame'.

YEREMIA 31:7

Tumpu notatae, “Onyanyiakon lame-lame' na aha Israel, mian anu palesayamo hi beleng-Ku bansa anu penting hondo nulingkudui na bansa sangga'at. Nyanyiakon na nyanyian bau pompuji' ka' bebakonmo; ‘Tumpu nomposalamatmo mian anu palesayamo hi Ia anu dadaagi' tinontuha'.’

HOSEA 4:7

Belemiu mompaka manjoo'mo, mompaka baladosa'mo mule' na belemiu hi beleng-Ku, o to imam-imam! Kalana aijo' kalakuan nu belemiu. Ku babali'imo: Belemiu madi'mo daagi' o holomati, panyo lewa'mo o alu.

IMAMAT 26:13

Aku, Tumpu Allah nu belemiu anu nomboamo mae belemiu nosabat lengkat mae i Mesir da belemiu madi'mo daagi' timbali botuan. Kakuasa'an anu nongkabisa'imo belemiu i hopu'an-Kumo ka' belemiu Ku potimbalimo mian anu bebas.”

ZAKHARIA 10:8

Mian anu palesayamo hi beleng-Ku, Kulagamo ka' Ku posihukmo da mosa'angu'mo. Aha Ku pobebasmo ka' mule' Ku ponjoo'mo susumo naipuan mae.

ZAKHARIA 2:11

Tempo'nyo aijo' manjoo'mo na bansa anu tokamo mae hi Tumpu da timbalimo mian anu palesayamo hi Ia. Ia jojoongmo atina' hi belemiu ka' mule' osumbu'je nu belemiu talu' Tumpu nompalentahmo mae aku da toka hi belemiu.

ZAKHARIA 8:23

I sinaa haha aijo' aha sampulu' na mian anu isalipu'an tokamo mae hi samian na Yahudi ka' motatae, ‘Kami mongkahanda'i suele da mohumpak dale' susumo belemiu'.’ ” Tumpu Anu Daka' na Kuasanyo notataemo.

LUKAS 11:22

Panyo de samian anu lebe mahoson montumbuhi ka' mohungku'i ia, saba' mian anu lebe mahoson aijo' mongagoi iwi-iwi' na toongon anu otaha'imani nu tumpu nu laigan aijo', lantas mombagi-bagi iwi-iwi' na halata'nyo.

SISIKON NU TO RASUL-RASUL 8:8

Sahingga to mia-mian i kota Samaria aijo' i lame'mo hondo.

FILIPI 4:4

O'amalakon da komiu saja' lame' kalana komiu tinumuu'mo nosa'angu' tiba Tumpu. Po'ule' pe'e kutaloakon: Obau lame-lame'!

1 PETRUS 1:8

Komiu mongkalibosi Ia mau mule' naipuan mae komiu madi' nontoa Ia. Ka' komiu pinalesayamo hi Ia mau mule' uuka aiya komiu madi' nontoa Ia. Mokonyo aijo' komiu lame' ka' mongoa'i kasanangan anu daka' ka' anu madi' opoko taloakon.

TO MIA-MIAN KOPIAN 5:3

Potombihing belemiu to tomu-tomundo ka' to anak-anak nu tomundo aku monyanyiakonmo Tumpu Allah nu aha mian Israel, aijo'mo Tumpu.

TO MIA-MIAN KOPIAN 7:22

Salatan i Gideon tiba to mia-mian sangalunyo nompuhimo tolompet nu aha, Tumpu nompotimbalimo suludadu nu sampobali' haha aijo' nompaha taba-tabasmo samian ka' samian nu bajak. Aha nalaimo i sasu Zerera kojo'onnyo tinoka-toka i Bet-Sita tiba i kota Abel-Mehola koko Tabat.

TO MIA-MIAN KOPIAN 8:12

I Zebah ka' i Salmuna, ua'aha na tomundo nu Midian aijo' nopalaimo panyo i loloi'mo i Hideon ka' i hakopmo na aha sahingga iwi-iwi' na suludadu nu aha sinusa'mo hondo.

1 SAMUEL 30:16

Lantas ilaya'nyomo namba i tampat kajojoongan nu aha. Tempo'nyo aitu aha nobagi-bagimo i tampat kiijo', ka' lewa'mo nongkakaan ka' nonginum, lewa'mo nombau lamean kalana nanjoo'mo na anu pinahuhuakon mae nu aha, anu binoa mae nu aha lengkat ilipu' nu Filistin tiba Yehuda.