YESAYA 8:8 - KITAB NU TUMPU ALLA LELE MA'IMAI'

⁸ Nu letabimo nu aha na Yehuda susumo lapangnyo iaba' toka-tokamo igogohong na kotangkasnyo ka' mule' mongomokimo iwi-iwi na apaa.” Tumpu na monsangalui kita! Polipik-Nyo anu bibinokamo nonsalumbungimo lipu'to aiya.

YESAYA 8:8 ပူးပေါင်းရင်းမြစ်များ

2 TOMU-TOMUNDO' 17:3

Ia pinahampateakon ka' pinatundu'mo i Salmaneser tomundo' nu Asyur sahingga sataun toka sataun ia tionyo ahi' mombayan hasin hi ia.

2 TAWARIKH 12:4

Ia nompatundu'mo iwi-iwi' na kota' anu ko bentengnyo i Yehuda lantas i lau-lausmo sampe tinoka i Yerusalem.

YESAYA 10:6

Kusaimo na aha Asyur da mamba montumbuhi bansang-Ku anu madi'mo nompalesaya Aku ka' nonsabapimo da Aku notambuha'mo. Sinaing-Kumo na Asyur da mompahuhuakon mae ka' mule' da montomangi ka' mompahampeja'akon bansang-Ku susumo abu' aijo' ijalan.”

YESAYA 30:28

Nu sai na mombun mamba pe'e momona susumo iaba' anu kotangkas-Nyo ungka'mo gogohong anu monganjuhakonmo sinin na apaa. Nu silakaimo iwi-iwi' na to bansa-bansa ka' madi'mo mompojadi sinin na tanga'an nu aha anu ma'idek.

YESAYA 43:2

De beleyum motapmo i uee, Aku na monsangalui beleyum, beleyum madi' mule' molomos i uno nu kasansala'an-kasansala'an nu beleyum. De motulu i apu, beleyum madi' mule' motoyo', palasoba'an anu toto daka-daka' madi' mule' monsilakai beleyum.

YESAYA 7:14

Uuka aiya posi Tumpumo na mombee'i tanda hi belemiu samian na langkoyang poboa'mo ka' mompohampemo samian na anak mo'ane anu osanggohimo Imanuel.

YESAYA 7:17

Tumpu mompotokamo mae tomundo' nu aha Asur lantas beleyum ka' belemiu salaigan ka' mule' mian da'isan nu beleyum mongoa'imo sinaa anu talalo hondo manjoo' na kasusa'annyo ka' mule' sansala nulingkudui apaa na anu toho'mo ingoa'an salatanmo pe'e kalaja'an Israel ka' Yehuda nobagi-bagimo.

YESAYA 8:10

Pombau tanga'an panyo iwi-iwi' aijo' madi' mingkaliangan. Pongala kaputusan panyo madi' kogunanyo, kalana Tumpu monsangalui kami.

YEREMIA 47:2

Tumpu notatae, “Toa na uee no ilimo lengkat mae isasu utara ka' nosawe'mo susumo uee anu ingiaba'mo ka' nonganjuhakonmo lipu' tiba apaa na anu kiijo' i unonyo. Mian naha loboo'anmo na momoita tulung, ka' iwi-iwi' na mian da'isan humangmo.

YEREMIA 48:40

Tumpu notatae, “Susumo bonyia' de monsabutmo polipiknyo nu bokaamo, sumo aijo'mo na bansa sa'angu' tokamo mae ka' monsabutmo Moab.

YEREMIA 51:42

Ambai nosawe'mo nokiita' i Babel; sagala bokonnyo nombuhokmo noletabimo lipu' aijo'.

YEHEZKIEL 17:3

anu Aku, Tumpu Anu Matangkas na Kuasanyo mompoto'imo hi aha: Daagi' ko sa'angu' na bonyia' anu daka' hondo bulunyo ma'ima' hondo ka' polipiknyo bola ka' mule' mahoson. Ia ilumahapmo nokiita' i bungkutnyo nu Libanon, nompato' londik nu sangkau na kau' lontio',

YEHEZKIEL 26:19

Tumpu Anu Matangkas na Kuasanyo, “Ku pojadimo liing hondo na beleyum susumo kota' anu madi'mo ko miannyo anu nonjojoongi. Ku lombongimo na beleyum nu uee anu lengkat mae ilananyo nu ndalangon.

DANIEL 11:10

Lantas anak to momo'ane nu tomundo' sasu utara mogogau'mo da mahampatemo ka' momposa'angu'mo to sulu-suludadu manjo-manjoo'. Sala'samian anu aijo' hi aha nambamo nontumbuhi sumomo ahi' iaba'. Nontumbuhi ko pinduannyo ia nontumbuhimo benteng nu sampobali'nyo.

MIKHA 1:9

Kalana bela nu Samaria madi'mo opoko pakuli'i ka' Yehuda mule' nu konamo nu nasip anu pokakana. Balaa' tokamo i Yerusalem, anu jinadimo sabatan daka' nu tano' kinahampeanku.

MATIUS 1:23

“Samian na boune anu ma'isa toho' nonganak ia na poboa ka' mohampeakon samian na anak mo'ane. Anak aijo' osanggohi Imanuel.” (Imanuel te basa' nu Ibrani alati'nyo, “Tumpu monsangalui kita”.)