YESAYA 8:7 - KITAB NU TUMPU ALLA LELE MA'IMAI'

⁷ Kalana aijo' Aku, Tumpu mompotokamo mae tomundo' nu aha Asyur tiba iwi-iwi' na suludadunyo da montumbuhimo Yehuda. Aha montumbuhimo susumo lapangnyo Kaunyo nu Efrat mosawe'mo ka' monganjuhakonmo iwi-iwi na tobinyo nu Kaunyo aijo'.

YESAYA 8:7 ပူးပေါင်းရင်းမြစ်များ

KAJADIAN 6:17

Aku mompotokamo mae iyaba' bau posilakai toto sa'angu' na anu ko nyawanyo i dunia. Iwi-iwi' na apaa i dunia tionyo ahi' silakamo.

2 TOMU-TOMUNDO' 19:32

Aiyamo na anu tinaloakon nu Tumpu mongkona i tomundo' nu Asyur; ‘Ia madi' minsoop i Yerusalem kabai mompeletakon pana' mokiijo' sasu kota' aijo'. To sulu-suludadu anu ko kantanyo madi' ko anu moko ala mongohani kota' aijo' ka' titikupnyo madi' otambuli nu tano' da bau pontumbuhian.

EZRA 4:10

ka' suele bansa-bansa sangga'at anu binoamo i Asnapar Anu talalo hondo Talasanggo ka' pinalentah nyomo da jojoongmo i kota' Samaria ka' i to kota-kota' sangga'at anu minsoop Propinsi Efrat sasu Kinsoban.

MAZMUR 46:4

maumo ahi' ambai motomuhukmo ka' mule' bokolonmo ka' puge'nyo iwi-iwi' gayu'anmo kalana hosonnyo nu bokon.

MAZMUR 72:8

Kalaja'annyo mompaka pintuangmo lengkat mae i ambai santoanyo toka-toka i ambai santoanyo mule', ko ewanyo lengkat mae i sasu kabete'an toka-toka i sasu kinsoban.

YESAYA 10:16

Kalana aha mian nu Ayur nombuulakonmo butong nu aha, sahingga Tumpu Anu Daka' na Kuasanyo mompotokamo mae panyakit anu molele da bau pohukum to sulu-suludadu anu toto tangka-tangkas na pangkatnyo ka' mule' toto hoso-hoson. Aha molasaimo pipin sakit nusihabi anu taha-tahahumo pokakanamo susumo apu anu madi'mo kokamingkotannyo na montoyo'i.

YESAYA 10:5

Tumpu notataemo, “Silakamo na Asyur! Asyur Ku pakemo salaku pondoke ka' salaku amangkun bau pompan aha to mia-mian anu nukonamo nu tambuha'-Ku.

YESAYA 11:15

Tumpu mompo'otimo Leoknyo nu Suez. Ia mompojadimo mae tempo nu posinaa sahinga mombunnyo tobungmo lantas Kaunyo nu Efrat mobagi-bagimo timbalimo popitu' na sepe'nyo nu uee anu toto lese-lese, ka' batu-batu mian timbalimo motaap mompake sapatu.

YESAYA 28:15

Belemiu notatae tukoonyo nu belemiu, belemiu nombaumo palajanjian tiba kapatean ka' mule' nombaumo palasitujuan tiba dunia nu mian anu sinilakamo. Pinastikanmo nu belemiu na balaa' anu saidi' mae toka madi' koko mongkona butong nu belemiu, kalana belemiu nompakemo kapandean anu timbali monjagai butong nu belemiu.

YESAYA 28:17

Kaadilan Ku pojadimo kahohon bau pongukuli, ka' kajujunan Ku pojadimo kahohon bau ponsupati.” Ujan batu na mombelesi'imo iwi-iwi' na kabaleko'an anu ota-otaha'imani nu belemiu. Iaba' na monganjuhakon tampat anu lewa' paninsulukan nu belemiu.

YESAYA 28:2

Tumpu monsaimo mamba hi aha samian anu mahoson ka' mule' baani. Ia toka mae sumo antong anu makansang hondo hingga-hinggat mae tiba ujan eis nu sumomo ahi ujan puhos ka' mule' iaba' anu timbali monganjuhakon. Kalana kabohosannyo nu lumbu'akonmo na aha mokiita' ikatano'an.

YESAYA 43:2

De beleyum motapmo i uee, Aku na monsangalui beleyum, beleyum madi' mule' molomos i uno nu kasansala'an-kasansala'an nu beleyum. De motulu i apu, beleyum madi' mule' motoyo', palasoba'an anu toto daka-daka' madi' mule' monsilakai beleyum.

YESAYA 59:19

Kuasa tiba kaholomatan-Nyo nukabuhuk nu mian iwi-iwi' lengkat mae i kabete'an toka-toka i kinsoban. Ia toka mae mimbalu-balu' kaunyo anu mabohos, anu kinembongmo mae nu baleba' anu makansang hondo.

YESAYA 7:17

Tumpu mompotokamo mae tomundo' nu aha Asur lantas beleyum ka' belemiu salaigan ka' mule' mian da'isan nu beleyum mongoa'imo sinaa anu talalo hondo manjoo' na kasusa'annyo ka' mule' sansala nulingkudui apaa na anu toho'mo ingoa'an salatanmo pe'e kalaja'an Israel ka' Yehuda nobagi-bagimo.

YESAYA 7:20

Tumpu montamboimo tomundo' Asyur da mompobelesi' Israel susumo samian na anu lewa' mongkiis, mongkiismo iwi-iwi' bulu nu ubak tiba bulu nu butong.

YEREMIA 47:2

Tumpu notatae, “Toa na uee no ilimo lengkat mae isasu utara ka' nosawe'mo susumo uee anu ingiaba'mo ka' nonganjuhakonmo lipu' tiba apaa na anu kiijo' i unonyo. Mian naha loboo'anmo na momoita tulung, ka' iwi-iwi' na mian da'isan humangmo.

YEREMIA 51:42

Ambai nosawe'mo nokiita' i Babel; sagala bokonnyo nombuhokmo noletabimo lipu' aijo'.

YEHEZKIEL 26:19

Tumpu Anu Matangkas na Kuasanyo, “Ku pojadimo liing hondo na beleyum susumo kota' anu madi'mo ko miannyo anu nonjojoongi. Ku lombongimo na beleyum nu uee anu lengkat mae ilananyo nu ndalangon.

DANIEL 11:10

Lantas anak to momo'ane nu tomundo' sasu utara mogogau'mo da mahampatemo ka' momposa'angu'mo to sulu-suludadu manjo-manjoo'. Sala'samian anu aijo' hi aha nambamo nontumbuhi sumomo ahi' iaba'. Nontumbuhi ko pinduannyo ia nontumbuhimo benteng nu sampobali'nyo.

DANIEL 11:22

Iwi-iwi' na suludadu anu mongewa ia ka' mule' Imam Daka' suele nu pateimo.

DANIEL 9:26

De lapasmo na aijo' polaya' anu pinile'anmo nu Tumpu opateimo, padahan ia madi' ko kasala'an. Sahingga tokamo mae na suludadu nu tomundo', samian na anu baani hondo lantas mohansunimo kota' Yerusalem tiba Laigan nu Tumpu. Kakiamatan tokamo mae susumo iaba' anu momboamo mae pahampahampatean tiba kahansunan susumo anu tinantukanmo nu Tumpu.

AMOS 8:8

Dunia langkakatanmo ka' iwi-iwi' na mian susa'mo na kinyonyoa. Songko-songko na lipu' tolohunjongmo ka' madi'mo daagi' tenda susumo Kaunyo nu Nil.

AMOS 9:5

Dunia tinolohunjongmo ka' mian anu jojoong i dunia sinusa'mo kalana i henggomo nu Tumpu anu Matangkas ka' Daka' na kuasanyo. Susumo Kaunyo nu Nil iyaba' ka' mo'oti sumo aitumo na aha moliba' lantas nanabu'.

MIKHA 1:9

Kalana bela nu Samaria madi'mo opoko pakuli'i ka' Yehuda mule' nu konamo nu nasip anu pokakana. Balaa' tokamo i Yerusalem, anu jinadimo sabatan daka' nu tano' kinahampeanku.

MIKHA 5:4

ka' mule' Nu bee'imo kadamean. De suludadu nu aha Asyur montumbuhimo mae lipu' to ka' mohobo'akonmo bentengto, kita suele montipaha'imo ahi' to pola-polaya'to anu to hoso-hoson da mongewamo aha. To pola-polaya'to mompatundu'mo Asyur nu toongon nu aha ka' momposalamatmo kita da madi'mo nu patei nu aha.

NAHUM 1:8

Susumo iyaba' anu daka' monganjuhakonmo; ka' ihansunan-Nyomo na to sampo-sampo bali'-Nyo. Aha anu baani mongewa Ia, pinotudun-Nyomo na kasilakaan sahingga sinilakamo.

LUKAS 6:48

Ia sumo mian anu tempo'nyo mompotinjo laigan mongkeke leleeng, lantas mombau mesennyo opokoko i batu. De toka na iyaba' ka' uee nu kaunyo moleetabi laigan aijo', laigan aijo' madi' opoko anjuhakon, kalana pinotinjomo i bawo nu mesen anu madodo.

ANU PINOTO'I HI YOHANES 17:15

Malaikat aijo' po'ule' notatae, “Uee anu tinoa nu beleyum aijo', tampat kinasuhangan nu to mia-mian masala' aijo', aijo'mo to bansa-bansa, to laya-layat, to nega-negara, ka' to basa-basa'.