YESAYA 7:4 - KITAB NU TUMPU ALLA LELE MA'IMAI'

⁴ Poto'i hi tomundo' da ia tataap mogogau panyo boli ahi' bata-bata. Boli ia mabuhuk kabai bingung. Tambuha' i Tomundo' Pekah tiba i Tomundo' Rezin tiba suludadu nu aha mian Siria haha aijo' ola susumo ohua' na lo'uton nu apu anu kotibuknyo, jadi madi' ahi' moko ala mompoposia.

YESAYA 7:4 ပူးပေါင်းရင်းမြစ်များ

2 TOMU-TOMUNDO' 15:27

I taun ko limampulu'nyomo ka' ohua' na i Tomundo' Uzia nompalentah Yehuda, i Pekah anak i Remalya tinimbalimo tomundo' nu Israel. Ia nompalentahmo i Samaria 20 na taun na kinopinnyo.

2 TAWARIKH 20:17

Belemiu madi' palalu mahampate na mongewa aha saidi' mae. Lako'mo i tampat anu pinotiju'mo hi belemiu ka' tanda'imo i kiijo'. Otoamo nu belemiu na Tumpu mombee'imo ka'untungan mahampate hi belemiu. O mian anu jojoong i Yehuda ka' i Yerusalem, boli bata-bata kabai mabuhuk. Ahoppimo na pahampatean aijo', nutulungimo nu Tumpu na belemiu!”

YESAYA 10:24

Tumpu Anu Daka' na Kuasanyo nompoto'imo hi mian anu palesayamo hi Ia, anu jojoong i Sion, “Boli mabuhuk hi aha mian nu aha Asyur, mau mule' aha mombee'i palentah anu monsakisa ka' monsansala belemiu susumo anu binaumo nu aha mian nu Mesir naipuan mae.

YESAYA 30:15

Tumpu Anu Matangkas na Kuasanyo, Tumpu nu Israel anu susi', nompoto'imo hi mian anu palesayamo hi Ia, “Balatobatmo ka' potataap na kinyonyoa da belemiu Ku posalamat. Palesaya mae na Aku nu kinyonyoa anu madi' mimpio-pio' da belemiu Ku bee'ije kahosonan.” Panyo belemiu madi' ahi mongka'oho'!

YESAYA 30:7

Anu pinontulungi mae nu Mesir ola pinalasuma. Kalana aijo' Mesir Ku sanggohi, ‘Ulo anu madi' mompoposi’.”

YESAYA 35:4

Poto'imo hi mian anu mongoa'i madi' ko angga'nyo, “Pohoson na kinyonyoa nu belemiu, boli mabuhuk, Tumpu nu belemiu tokamo mae kalana mohukumo sampobali', Ia tokamo mae momposalamat belemiu.”

YESAYA 37:6

i Yesaya nomoto'imo hi mian anu sinai mae haha aijo' tinoka hi ia da mompoto'i hi Hizkia, “Koonyo nu Tumpu, belento tomundo' madi' timbali mabuhuk na mohongo apaa na anu pinoto'imo nu to botu-botuan itomundo' Asyur aijo' montaloakon tukoonyo Tumpu madi' moko ala mompobebas kita.

YESAYA 41:14

Tumpu notatae, “Boli mabuhuk, Israel, maumo ahi' beleyum ise' ka' madi' mahoson. Aku Tumpu na montulungimo beleyum, Anu Susi' hondo, Tumpu nu Israel aijo'mo na Momposalamat beleyum.

YESAYA 7:1

I Tomundo' Ahas anak mo'ane i Yotam makumpu i Uzia. Tempo'nyo ia nompalentah Yehuda, jinadimo na pahampatean. I Rezin tomundo' nu aha Siria nahangewamo i Pekah anak mo'ane i Remalya tomundo' nu aha Israel tinokamo mae nontumbuhi Yerusalem. Panyo madi' pinoko alanyo na kota' aijo'.

YESAYA 7:8

kalana Siria madi' lebe mahoson molingkudui Damsyik puso nu kota'nyo, ka' Damsyik madi' lebe mahoson molingkudui i Tomundo' Rezin. Sadangkan i uno nu tempo' anompulu' ka' olima' nataun, Israel nobagi-bagimo sahingga madi'mo noko ala tinotahan salaku sa'angu' na bansa.

YESAYA 7:9

Israel madi' lebe mahoson molingkudui Samaria puso nu kota'nyo, ka' mule' Samaria madi' lebe mahoson molingkudui i Tomundo' Pekah. De belemiu madi' totu-totu'u palesaya hi beleng-Ku memang belemiu madi'mo moko ala totahan.”

YESAYA 8:4

Kalana ma'isa pe'e anak aijo' daka' da timbalimo montaloakon ‘Tuuma’ tiba ‘Tina’, iwi-iwi' na kakaya'an nu aha Damsyik ka' mule' iwi-iwi' na anu pinahuhuakon nu aha Samaria na balang, o'atomo oboa hi tomundo' Asyur.”

YESAYA 8:6

Ia notatae, “Bansa aiya madi' mongala uee anu madi' masolok na moili lengkat mae ipanga' nu uee Syiloah ka' sanang na aha hi Tomundo' Rezin tiba hi Tomundo' Pekah.

MOHAANGI 3:26

Jadi, sahanyo ahi' otanda'into ima-ima' sampe Tumpu tokamo mae montulungi;

AMOS 4:11

Sambahagian na belemiu ihansunan-Kumo susumo Aku nohansunimo Sodom tiba Gomora. Anu daagi' tinumuu' na belemiu me susumo lo'uton anu ingala mae aijo' i apu. Maumo sumo aijo' belemiu madi' ahi' daagi' minsusule' mae hi beleng-Ku.

HABAKUK 2:3

Tulis na aijo' kalana uuka aiya misa' pe'e tempo'nyo. Panyo tempo'nyo aijo' malia'mo mae toka ka' apaa na anu pinoto'ing-Kumo hi beleyum aijo' totu-totu'u tionyo jadi. Maumo aijo' o oa'i daagi pin, panyo tanda'imo! Tempo'nyo aijo' memang ahi' tokamo ka' madi'mo daagi opo edok.

ZAKHARIA 3:2

Malaekat nu Tumpu notataemo, hi Setan, “Bisa-bisa' nu hukum nu Tumpu na beleyum Setan! Bisa-bisa' Tumpu anu mongkanonongi Yerusalem mohukumo beleyum. Mian aiya sumomo lo'uton anu ihambet mae aijo' i apu anu hau-haunyo moak.”

MATIUS 10:28

Boli mabuhuk hi aha anu mompatei butong, panyo madi' ko kuasa mompatei santuu'. Pabuhuk hi Tumpu anu ko kuasa monsilakai mau mule' butong mau mule' santuu' i uno naraka.

MATIUS 24:6

Komiu mohongoje lintup nu pahampatean ka' lele nu pahampatean, panyo boli mabuhuk. Kalana hahan aijo' tionyo timbali, panyo aijo' misa' alati'nyo tempo'mo nu kakiamatan.

PO'ULE' INGULIT 20:3

‘To utu-utus soba potombihing mae! Sinaa aiya belemiu mambamo mahampate. Boli mabuhuk kabai hente na kinyonyoa kabai bata-bata!

1 SAMUEL 17:32

Koonyo i Daud hi Saul, “O Tomundo' kita madi' palalu mabuhuk hi aha mian nu Filistin aijo'! Aku mongewamo ia.”