YESAYA 7:23 - KITAB NU TUMPU ALLA LELE MA'IMAI'

²³ Tempo'nyo aitu ale' nu anggur iwi-iwi' toto sa'angu' na ale sinu'anan samadala na pu'unnyo nu anggur anu angga'nyo samadala na doi salaka sa'angu' na ale' me hemput anu kohii'nyo na montumuu'i.

YESAYA 7:23 ပူးပေါင်းရင်းမြစ်များ

YESAYA 5:6

Ku pojohokmo da nutumuu'imo nu hemput nu alas. Anggurnyo madimo lewa' Ku patagi na sumpenyo ka' mule' madi'mo lewa' Ku sube'i na hemputnyo. Pakalaus Ku pobakasmo da nu kalumbungimo nu hemput anu kohii'nyo, ka' mule' iwi-iwi na kundom Ku tewa'mo da bolimo montudunakon ujan.”

MATIUS 21:33

“Hongo na kantuang anu sa'angu' aiya mule'”, koonyo i Yesus. “Samian na tumpu nu tano' nonsu'ani sa'angu' na ale' nu anggur. Ia nompagan titikub, ka' nongkeke bolo' bau pompo' una'an tampat pompeeti anggur, ka' mule' nompotinjo pontamongian. Lapas aijo', ia nontamboakon ale' nu anggur aijo' hi aha anu mokalaja, lantas namba i lipu' sangga'at.

IBRANI 6:8

Panyo de tano' aijo' mohasinakon to pada-padang ka' anu tumuu' kohii'nyo, saba' tano' aijo' madi' ko gunanyo ka' saidi' mae nu kutukimo nu Tumpu ka' ahennyo opapui sampe mingkot.

YEREMIA 4:26

Tano' anu molumba' nategesmo ka' nanggasmo to kota-kota' singkapmo ihansun, kalana Tumpu notambuha'mo hondo hi mian anu palesayamo hi Ia. (

YESAYA 5:10

Isi nu ale' madi'mo ko anu ohumpak, ale' nu anggur anu ko ewanyo sampulu' na hektar hasinnyo me sampulu' na liter na ueenyo. Sa'atu na liter na bine' nu gandum hasinnyo mae ola sampulu' na liter na gandum.”

YESAYA 7:24

Mian anu mamba ikiijo' tionyo ahi' momboa pompelet tiba hihisnyo kalana songko-songko na lipu' aijo' ningkuhatmo ka' kinohii'nyomo.

YESAYA 32:10

Uuka aiya belemiu madi'mo ko anu nompoposia panyo daagi' kila-kila sataun madi'mo daagi' ko anu ohala-halap nu belemiu, kalana madi'mo daagi' ko anggur anu otipu, ka' mule' isi nu ale' sangga'at imadi'anmo.

YEHEZKIEL 12:20

Kota-kota' anu tempo uuka aiya kaho ko miannyo anu monjojoongi saidi' mae ohansunimo ka' mule' ale' nu aha iwi-iwi' mategesmo. Sahingga nu sumbu'je nu aha taalu' Akumo ahi' na Tumpu.”

HOSEA 2:12

Ku hansunimo na to kau-kau' anggur ka' to kau-kau' nu ara, maumo koonyo aijo' binaumo tambo pongkalibosinyo aha sindua'annyo. Ku abali'imo na to ale-ale' nu anggur ka' to ale-ale' nu ara da tinimbalimo kuhat; to bina-binatang anu mahangas na mongidei.

HOSEA 9:6

De balaa' tokamo mae hi belemiu ka' mule' oboamo ilipu' sangga'at saba' anu daagi jinojoong nu posihukmo nu aha mian Mesir da opateimo ka' olamunmo kiijo' i Memfis! Hemput tiba hii' tumuu'mo mae ka' mongkukubimo iwi-iwi' na tampat anu pinombauan nu belemiu laigan tiba bala-balang salaka anu mahan na olinyo.

KAJADIAN 3:18

Tano' mompotumuu'mo kuhat ka' anu ko hii'nyo anu o'oa'ije nu belemiu, ka' anu tumuu' i kuhat timbalimo kaanon miu.